இந்தப் பாடத்தைப் படிப்பதால் என்ன பயன் பெறலாம்?

• தொல்காப்பியர் காலத் தமிழ்த் தொடர்களில் திணை, பால், எண், இடம் ஆகிய இயைபுகள் பிழைபடாது அமைந்துள்ளன என்பதனை உணரலாம்.


• ஆயிரக் கணக்கான ஆண்டுகளாகத் தமிழ்த் தொடர்களின் இயைபு கெடாமல் நீடித்து வருவதற்குத் தொல்காப்பிய இலக்கணமே காரணம் என்பதைப் புரிந்து கொள்ளலாம்.


• நெகிழ்ச்சியான தொடர் அமைப்புக் காரணமாக, சொல் வரிசையில் மாற்றம் செய்தாலும் பொருள் மாறாதிருக்கும் தமிழ்மொழியின் இயல்பைப் புரிந்து கொள்ளலாம்.


• அடைமொழிகள், இயற்பெயர், சிறப்புப்பெயர் போன்றவை தொடர்களில் அமையும் முறைகள் தொல்காப்பியர் காலத்திலேயே தெளிவாக வரையறுக்கப்பட்டிருந்ததை உணரலாம்.


• தொடரில் பொருள் மயக்கம் நேரும் சூழ்நிலைகளில் அம்மயக்கத்தைத் தவிர்க்கும் முறைகள் பற்றித் தொல்காப்பியர் கூறியுள்ளவற்றை அறிந்து கொள்ளலாம்.