தலைவன் தான் வருவதாகக் குறித்த கார்காலம் வந்தும் அவன் வரவில்லை. தலைவி வருந்துவாளோ எனத் தோழி கவலை கொள்கிறாள். அதனைக் குறிப்பாக உணர்ந்த தலைவி மேற்கண்டவாறு சொல்கிறாள். ‘கார்காலம் வந்துவிட்டது’ எனக் கொன்றைப் பூக்களைக் காட்டி இந்தக் காடு சொல்கிறது; ஆனால் நான் நம்பமாட்டேன். என் தலைவர் பொய் சொல்ல மாட்டார்’ எனத் தான் தலைவன்மீது கொண்டிருக்கும் நம்பிக்கையைத் தலைவி வெளிப்படுத்துகிறாள்.