இதுவரை ஒலிகள் (ஒலியனியல்), சொற்கள் (உருபனியல்), தொடர்கள்     (தொடரியல்),     சொல்லுக்குரிய     பொருள் (சொற்பொருளியல்) என்று விளக்க முறையில் தமிழ் மொழி ஆராயப்பட்டுள்ளது.

     மேற்காணும் மொழியியல் கூறுகளில் சொற்பொருளியல் தவிரப் பிற கூறுகள் அனைத்தும் சற்று விரிவாகவே ஆராயப்பட்டுள்ளன. தமிழ்ச் சொற்பொருளியல் கூறுகள் மட்டுமே இன்னும் ஆராயப்பட வேண்டிய     ஒரு களனாக இருக்கிறது. இக்குறையைச் சிறிதேனும் போக்கும் வண்ணம் சொற்பொருளியல் பற்றிய கருத்துகளை விளக்குவதற்கு இப்பாடம் பெரிதும் துணைபுரியும் எனலாம்..