2.3 சாரியைகள்

இங்கு இடைச்சொல் வரிசையில் மூன்றாவதாக உள்ள
சாரியைகள் பற்றிக் காண்போம். பகுபத உறுப்புகள் ஆறனுள்
சாரியையும் ஒன்று என்பதை ஏற்கெனவே படித்துள்ளீர்கள்.

சார் + இயை = சாரியை, அதாவது சார்ந்து வருவது சாரியை
ஆகும். இஃது ஒரு வினைச் சொல்லில் இடைநிலைக்குப்
பின்னரும் விகுதிக்கு முன்னரும் வரும். சாரியைக்கு என்று
தனிப்பட்ட பொருள் எதுவும் இல்லை.

ஒரு பதத்தின் (சொல்லின்) முன்னர் விகுதியோ, பதமோ
(சொல்லோ) வேறொரு உருபோ, புணருமிடத்து (சேரும்
போது) ஒரு சாரியை அல்லது பல சாரியைகள் வருதல்
உண்டு. வாராதிருத்தலும் உண்டு.

எடுத்துக்காட்டு

விகுதிப்புணர்ச்சியில் ‘அன்’ சாரியை

நடந்தனன் = நட + த்(ந்) + த் + அன் + அன்

நட	-	பகுதி		அன் சாரியை பெற்று வந்தது
த்	-	சந்தி
(ந்)	-	விகாரம்
த்	-	இறந்த கால இடைநிலை
அன்	-	சாரியை
அன்	-	விகுதி

நடந்தான் = நட + த் (ந்) + த்+ ஆன்

நட	-	பகுதி		அன் சாரியை பெறாது வந்தது
த்(ந்)	-	சந்தி
த்	-	இறந்த கால இடைநிலை
ஆன்	-	விகுதி

பதப்புணர்ச்சியில் சாரியை

ஒரு சொல்லுடன் மற்றொரு சொல் இணைவது பதப்புணர்ச்சி எனப்படும்.

புளி	+	கறி	=	புளிக்கறி		சாரியை பெறாது வந்தவை
நெல்	+	குப்பை	=	நெல் குப்பை

உருபு புணர்ச்சியில் சாரியை

ஒரு சொல்லுடன் ஒரு வேற்றுமை உருபு இணைவது உருபு
புணர்ச்சி எனப்படும்.

ஆவினுக்கு -	ஆ + இன் + உ + கு		இன், உ, அத்து ஆகிய பல சாரியைகள் வந்தன.
மரத்தினுக்கு -	மரம் + அத்து + இன் + கு

இவ்வாறு சொற்கள் புணரும் போது சாரியைகள் இடையில் தோன்றுவதைக் கண்டீர்கள்.

• சாரியை வகைகள்

சாரியைகள் இரண்டு வகைப்படும் என்பர்.

1) பொதுச் சாரியைகள்
2) எழுத்துச் சாரியைகள்

எடுத்துக்காட்டு

மேலே குறித்தவற்றுள் அற்று, இற்று, அத்து போன்றவை இன்றும் வழக்கில் இருந்து வருகின்றன.

'அ' என்ற எழுத்தை அகரம் என்று சொல்லுதல்
'ஆ' என்ற எழுத்தை ஆகாரம் என்று சொல்லுதல்

அ, ஆ என்ற எழுத்துக்களைச் சுட்ட கரம், காரம் என்ற
இரண்டு சொற்கள் பயன்படுத்தப்பட்டன. அல்லவா? அந்த
இரண்டு சொற்களும் (கரம், காரம்) சாரியைகள் ஆகும். இவை
எழுத்தைச் சுட்ட வந்ததால் எழுத்துச் சாரியை என்பர்.
ஏனைய எழுத்துகளைச் சுட்டி உரைக்க வரும் சாரியைகளைக்
கீழே காணலாம்.

மெய் எழுத்தைக் ‘க’ எனக் குறிப்பிடுவதோடு ககரம் எனவும்
குறிப்பிடலாம். அவ்வாறு குறிப்பிடும் போது ‘அ‘ 'கரம்' என
இருசாரியைகள் சேர்ந்து வருகின்றன எனப் புரிந்து கொள்ள
வேண்டும்.

இவ்வாறு எழுத்துகளைச் சுட்டுவதற்குப் பயன்படும் கரம்,
காரம், கான், கேனம் ஆகியவை சாரியைகள் என்று
அழைக்கப்படுகின்றன. எழுத்துகளுள் உயிர்மெய் நெடில்கள்
சாரியை சேர்த்து வழங்கப்படுவதில்லை என்பதை அறியவும்.

கீழ்க்காணும் சொற்களில் காலம் காட்டும் இடைநிலைகளும்
பால், இட விகுதிகளும் எவ்வாறு அமைந்துள்ளன என்பதைக் கண்டறியுங்கள்.

சாரியை பகுதிக்கும் விகுதிக்கும் இடையில் அமைந்து வரும்
என்பதை அறிந்து கொண்டீர்கள் கீழ்க்காணும் சொற்களில்
சாரியை அமைந்துள்ள முறையைக்காண முயலுங்கள்.