சோழப் பேரரசு உச்ச நிலையில் இருந்த முதலாம் இராஜராஜ
சோழன் காலத்தில் தொடங்கி மூன்றாம் குலோத்துங்கன் காலம்
ஈறாக கி.பி. 11 - 12 ஆம் நூற்றாண்டுகளில் பாண்டியர்களின்
நிலை மிகத் தாழ்வு அடைந்திருந்தது. அவர்கள் நாடு இழந்த
நிலையில் மறைந்து வாழும் அவல நிலைக்குத் தள்ளப்பட்டனர்.
இக்கால கட்டத்தில் சோழ இளவரசர்களும், பிரதிநிதிகளும்
மதுரை அரியாசனத்தில் அமர்ந்து ‘சோழபாண்டியர்’ என்ற
பட்டத்துடன் ஆட்சி புரிந்து வந்தனர்.