மக்கள் உணரும் வகையில் எளிய மொழிகளிலும் தெரிந்த
மொழிகளிலும் அறத்தைக் கூறவேண்டுமென்று சான்றோர்
விரும்பினர். சமூகம் அறநெறியில் தவறாது இருக்க வேண்டும்
எனக் கருதிய பெரியோர் அவ்வப்போது தாம் உணர்ந்தவற்றை
எடுத்துக் கூறினர். ஒரு மொழியில் இஃது அறம், இஃது
அறமில்லை எனக் கூறும் நூல்கள் அம்மொழி வழங்கும்
சமுதாயத்தின் பண்பாட்டைக் காட்டும். தமிழ்ச் சமூகத்தின்
பண்பாட்டை உணர நீதி நூல்கள் சான்றாகும். நட்பு இருவரைப்
பிணைப்பது. தீ நட்பு, கூடா நட்பு ஆகியவற்றைக் கொள்ளாது
நல்ல நட்பைத் தேர்ந்து கொள்ளவேண்டும். நட்பில் பிழை
பொறுத்தல் வேண்டும். நண்பனிடம் குறை கண்டால் அதற்காகச்
சினம் கொள்ளக் கூடாது. இதனைப் பழமொழி நானூறு எவ்வாறு
கூறுகின்றது?

ஒருவனுக்கு ஒரு பொருள் கிடைக்க வேண்டும் என்று இருந்தால்
அதை யாராலும் தடுத்தல் இயலாது. இதனைப் பழமொழி எப்படிக்
கூறுகின்றது தெரியுமா?

• கன்றை விட்டுத்தான் பசுவிடம் பால் கறக்கலாம். அம்பு
  விட்டுக் கறக்க முடியுமா?

• ஏர்க்காலில் பகல் ஆணி போன்ற நடுவு நிலைமையோடு
  எந்த நிலையிலும் பணி செய்ய வேண்டும்.