● இரட்சணிய யாத்திரிகப் பெருமை

கிறித்துவத் தமிழ்க் காப்பியங்களுள் சிறப்பு வாய்ந்த காப்பியம்
இரட்சணிய யாத்திரிகம். ஆங்கில நாட்டவரான ஜான் பனியன்
என்பவர் எழுதிய திருப்பயணியின் முன்னேற்றம் (PILGRIM’S
PROGRESS) என்னும் நூலைத் தழுவித் தமிழ்ப் பண்பாடு ஒரு
சிறிதும் தவறாமல் எழுதப்பட்ட நூல் இரட்சணிய யாத்திரிகம்.

● காப்பியம் பிறந்த கதை

இயேசு பெருமானின் திருவருளால் ஆட்கொள்ளப்பெற்று,
கிறித்துவம் தழுவிய கிருஷ்ணபிள்ளை, யான் பெற்ற இன்பம்
பெறுக இவ்வையகம் என்னும் முதுமொழிக்கு ஏற்ப, தமது இறை
அனுபவத்தைப் பிறருடன் பகிர்ந்து கொள்ள விரும்பினார். மேலும்
இயேசு பெருமானின் பெருமையைப் புகழ்ந்து, அவரைப் போற்ற
வேண்டும் என்ற விருப்பமும் அவர் உள்ளத்தில் எழுந்தது. இந்தப்
பின்னணியில்தான் அவர், திருப்பயணியின் முன்னேற்றம்
என்ற ஆங்கில நூலைப் படிக்க நேர்ந்தது. ஜான் பனியன்
எனும் மேலை நாட்டு இறையடியார், தமது சிறைவாசத்தின் போது
தாம் கண்ட கனவின் விளக்க நூலான திருப்பயணியின்
முன்னேற்றம் என்ற ஆங்கில நூலை எழுதினார். இந்த நூல்
கவிஞர் வாழ்ந்த காலத்தில் பெரும் புகழ் பெற்று, பலராலும்
பாராட்டப்பட்டது. இந்நூலின் கருத்தாலும் செய்தியாலும் பெரிதும்
கவரப்பட்ட கவிஞர், இந்நூலைத் தழுவித் தமிழில் காப்பியம்
ஒன்று இயற்ற முற்பட்டார். அதுவே இரட்சணிய யாத்திரிகம்.

இனி, இக்காப்பியத்தின்     அமைப்பு, காப்பியத்தின்
கருப்பொருள், இது எழுதப்பட்ட நோக்கம், காப்பியத்தில்
கூறப்படும் செய்தி அல்லது கதை, தமிழ்க் காப்பிய
இலக்கணத்துக்கு இந்நூல் பொருந்தியுள்ள தன்மை முதலிய
செய்திகளைக் காண்போம். இதனால் இக்காப்பியப் பண்புகளை
நாம் ஒருவாறு அறிய முடியும்.

1.2.1 காப்பிய அமைப்பு

இவ்வாறாக, இந்நூலில் ஆங்காங்கே 144 தேவாரப் பாடல்கள்
இடம் பெற்றுள்ளன.

1.2.2 காப்பிய நோக்கம்

என்பது இக்கருத்தமைந்த கவிஞரின் பாடலாகும்.

(வினோதம் = புதுமை, புற்றரா = புற்றில் உள்ள பாம்பு,
ரட்சணை = மீட்பு)

பொதுவாக,     காப்பியங்களில்     வாசகர்களுக்குச்
சுவையூட்டுவதற்காக, சிற்றின்பச் சுவை வளர்க்கும் செய்திகள்
கூறப்படுவதுண்டு. ஆனால், கவிஞர் இந்த நூலில் அப்படிப்பட்ட
செய்திகளை விலக்கி, இறைவனை அடையும் நெறியையே
முக்கியப்படுத்தும் வண்ணம் பாடியுள்ளார்.

● புண்ணியப் பயணப் படகு

மேலும், தீயவழியில் சென்று, தீய செயல்களாகிய கடலில்
மூழ்கி அழியும் மக்களை, அழிவில்லாத நிலைத்த வாழ்வை
நல்கும் இறைவனின் வீட்டுக்குக் கொண்டு சேர்க்கும் ஒரு
‘புண்ணியத் தனி மரக்கலம்’ இது, என்றும் தம் நூலை அவர்
வருணித்துள்ளார். இவ்வாறு கவிஞர் இந்நூலைப் படைத்ததன்
நோக்கத்தை நன்கு வெளிப்படுத்தியுள்ளார்.

தீமைகளும் குற்றங்களும் மலிந்த தீயவாழ்வை விட்டு
அனைத்து நன்மைகளின் வடிவமாக விளங்கும் இறைவனைச்
சேர்ந்து வாழவேண்டும் என்ற ஆசை மனிதர்கள் எவருக்கும்
பொதுவாகவே உண்டு. ஆனால் அதற்கான வழியைத்தான்
மனிதர்கள் பின்பற்றுவதில்லை. அவ்வழியைக் காட்டக்கூடிய நூல்
இது என்று கவிஞர் இப்பாடலில் விளக்கியுள்ளார்.

1.2.3 மூல நூல்கள்

பல்வேறு பாவச் செயல்களிலும் அக்கிரமங்களிலும் ஈடுபட்டு
அமைதி இல்லாமல் வாழும் ஒருவன், இறைவனின் நற்செய்தியை
ஏற்று அவரது திருநாட்டைச் சென்று சேர்வதற்காக மேற்
கொள்ளும் புனிதப் பயணத்தை ஜான் பனியனின் மூல நூல்
விவரிக்கிறது.

புனிதப் பயணத்தில் செல்பவன், சாத்தானும் பிறரும்
ஏற்படுத்தும் பல்வேறு தடைகளையும் பிற சோதனைகளையும்
கடந்து செல்கிறான். இது மெய்வழியைக் காண - அடைய
விரும்பும் அனைத்து மனிதர்களின் வாழ்க்கைப் போராட்டமும்
ஆகும். இது ஓர் ஆன்மிகப் பயணம், புனிதப் போர். இப்போரில்
வெற்றி பெற்று இறைவனின் திருவடிகளையும் திருநாட்டையும்
அடைதற்குரிய வழிமுறைகள், விவிலியத் திருமறை(The Bible) யிலும் விவரிக்கப்படுகின்றன. ஆகவே தான், இவ்விரு
நூல்களின் கருத்துகளையும் தழுவி,     கிருஷ்ணபிள்ளை
இக்காப்பியத்தை இயற்றியுள்ளார்.

1.2.4 காப்பியக் கதை

ஐந்து பருவங்களில் காப்பியம் கூறிச் செல்லும் கதையை
இங்குச் சுருங்கக் காண்போம்.

● ஆன்மிகனின் மனக்கலக்கம்

இரட்சணிய யாத்திரிகக் கதைத்தலைவன் கிறிஸ்தவன் அல்லது
ஆன்மிகன் என வழங்கப்படுபவன். இவன் குற்றங்குறைகள்
மிகுந்த ஒரு சாதாரண மனிதன். உலக வாழ்வின் ஆசாபாசங்களில்
சிக்கித் தவிக்கும் இவன், தனது பாவ நிலையை உணர்ந்து மனம்
வருந்துகிறான். தனது பாவ வாழ்வு இப்படியே தொடருமானால்,
தனக்கு அழிவு உறுதி என உணர்ந்து மனம் கலங்குகிறான்.
ஆனால் இந்தக் கேட்டில் இருந்து விடுதலை பெற வழி
தெரியாமல் தவிக்கிறான். தனது குற்றங்குறைகளை உணருகின்ற
உண்மையான ஒருமனிதனுடைய மனப்போராட்டங்களைக் கவிஞர்
இப்பகுதியில் வருணித்துள்ளார். இந்தத் தீமை நிறைந்த
வாழ்வில் இருந்து விடுபட்டு நன்மைகள் நிறைந்த ஓரிடத்தை
அடைய வேண்டுமென்ற ஏக்கத்தையும் புலப்படுத்துகிறார்.

● குருவின் அறிவுரையும் குடும்பத்தார் எதிர்ப்பும்

இந்நிலையில் நற்செய்தியாளன் என்னும் ஒரு குரு அவனைச்
சந்தித்து. அவனுக்கு மீட்சி (விடுதலை) பெறும் வழியை
எடுத்துரைக்கிறார். இதனால் மனம் மாறிய ஆன்மிகன், தான்
வாழும் நாச தேசத்தை விட்டு இறைவனின் முத்தித் திருநாட்டை
நோக்கிப் புனிதப் பயணம் செல்ல முடிவு செய்கிறான்.

இதனை அறிந்த அவனது மனைவி மக்களும், உற்றார் உறவினரும், நண்பர்களும் அவனைத் தடுக்கின்றனர். எனினும் மனம் தளராது அவன் பயணத்தைத் தொடங்குகிறான்.

மென்னெஞ்சன் என்னும் நண்பன் ஒருவனும் அவனுடன்
கிளம்புகிறான். தீய வழியை விடுத்து நாம் நல்ல வழியில்
செல்ல வேண்டுமானால் சான்றோர்கள் மற்றும் அறிஞர்களுடைய
துணை எந்த அளவுக்கு நமக்குத் தேவைப்படுகிறது என்பதையும்
கவிஞர் இதனால் வெளிப்படுத்துகிறார். நல்ல நண்பர்களின்
துணையையும் நாம் நாடவேண்டிய அவசியத்தையும் கவிஞர்
குறிப்பாக உணர்த்துகிறார்.

● வழியில் நேர்ந்த விபத்து

ஆன்மிகனும் மென்னெஞ்சனும் சற்றுத்தூரம் சென்ற உடனேயே, வழிதெரியாது அவநம்பிக்கை என்னும் சேற்றில் விழுகின்றனர். இதனால் மனம் சோர்ந்த மென்னெஞ்சன், தான் தப்பிப்

பிழைத்தால் போதுமென்று, தன் ஊருக்கே திரும்பிவிடுகிறான்.
ஆனால் ஆன்மிகனுக்கு, சகாயன் என்பானின் உதவி கிடைக்கிறது.
அதனால் சேற்றிலிருந்து எழுந்து பயணத்தைத் தொடர்கிறான்.
இப்படிப் பல சோதனைகளும் எதிர்ப்புகளும் வழியிலே இவனுக்கு
எதிர்ப்படுகின்றன. அவற்றை     மன உறுதியோடு தாண்டி
முன்னேறுகிறான். இடுக்க வாயில் என்னுமிடத்தில் வியாக்கியானி
என்பவனைச் சந்திக்கிறான். அவனது ஊக்க உரைகளால் உரம்
பெறுகிறான். நல்வழி நோக்கிச் செல்லுகின்ற பயணம், எளியதாக
அமைவதில்லை; துன்பங்களும் தொல்லைகளும் அடுக்கடுக்காக
வந்து, நம்மை வழி தவறச் செய்யும். எனினும் அசையாத
ஊக்கத்தோடு நாம் அப்புனிதப் பயணத்தில் முன்னேறிச் செல்ல
வேண்டும் என்னும் கருத்தை இப்பகுதிகள் உணர்த்துகின்றன.

● சிலுவைக் குன்று தந்த விடுதலை

தனது பயணத்தில் கிறிஸ்தவன் சிலுவைக்குன்றினைக் காணுகின்றான். அதனைக் கண்ட அளவில், அதுவரை அவனது     முதுகை அழுத்திக் கொண்டிருந்த பாவச்சுமை, அறுந்து

விழுகிறது. இறைவனைத் துதித்தபடி முன்னேறும் அவன்,
இடையில் பயணிகள் இளைப்பாறும் ஒரு சத்திரத்தில்
தங்கி ஒய்வு பெறுகிறான். அங்கு விவேகி, யூகி, பக்தி, சிநேகிதி
என்னும் நான்கு நல்ல பெண்மணிகள் அவனை அன்புடன்
உபசரிக்கின்றனர். அவர்களுள் பக்தி என்பவள், கிறிஸ்து
பெருமானின் சிலுவைப்பாடுகளையும் அதனால் மனிதர் பெறும்
மீட்சியின் (விடுதலையின்) அருமையையும் விளக்கிச் சொல்கிறாள்.
பின்னர் அப்பெண்கள் தந்த போர் வீரனுக்குரிய உடைகளைப்
பூண்டு, பயணம் தொடர்கிறான். மனிதர்களைப் பாவங்களின்
பிடியிலிருந்து விடுதலை செய்ய வல்லவர், மனித குலத்துக்காகத்
தம் உயிரைச் சிலுவையிலே தியாகம் செய்த கிறிஸ்து பெருமான்
என்னும் கிறித்துவக் கோட்பாட்டை ஆசிரியர் இப்பகுதியில்
தெளிவுபடுத்திவிடுகிறார். பாவக் கட்டுகளில் இருந்து விடுதலை
பெற்றுத் தன் மீட்சிப் பயணத்தை மனிதன் தொடர வேண்டும்
என்னும் செய்தியையும் கவிஞர் வெளிப்படுத்துகிறார்.

● மாயாபுரிக் கலவரம்

வழியில்,     நிதானன் என்னும் சான்றோனுடைய நட்பு வாய்க்கிறது. அவர்கள் இருவரும் பேசிக் கொண்டே சென்று, மாயாபுரி என்னும் நகரத்தை அடைகின்றனர். பல்வேறு அக்கிரமச்

மீண்டும், பயணத்தில் நம்பிக்கை என்னும் இன்னொரு நண்பனின் துணையைப் பெறுகிறான். பற்பல துன்பங்களைத் தாண்டி இறுதியில் மரண ஆற்றையும் கடந்து, உச்சிதப்

1.2.5 காப்பியத் தன்மை