பத்றுப்போரில், முசுலீம்களோடு எதிரிகள் போரிட்டது
கடலைக் கடல் எதிர்த்துப் போரிடுவது போலவும்,
யானையோடு யானை போர் செய்வது போலவும், நீரோடு
நீர் பொங்குவது போலவும், தீயில் காற்றுப் புகுந்தது
போலவும் இருந்தது. மேலும் தலைகள் உருண்டன; இரத்தம்
பாய்ந்தோடியது; கைகள் அறுந்தன; கால்கள் பெரிய மரம்
போல வீழ்ந்தன; தோள்கள் இரத்தத்தில் மூழ்கின;
பெருவெள்ளத்தோடு பெருவெள்ளம் புகுந்தது போலவும்
தீயில் புயற்காற்று நுழைந்தது போலவும் போர் நடந்தது
என்று வருணிக்கிறார் புலவர்.