Tamil Virtual University

2.5 பிரிவின் வகைகள்

இந்த ஐந்து பிரிவுகளும் ஒன்பது வகைப்படும். அவை,

(1)	பிரிவு அறிவுறுத்தல்	- தலைவன் பிரியப் போவதைத் தோழி தலைவிக்கு உணர்த்துதல்.
(2)	பிரிவு உடன்படாமை	- அதைத் தலைவி ஏற்க மாட்டாள்.
(3)	பிரிவு உடன்படுத்தல்	- தலைவன் பிரிவுக்குத் தலைவியைத் தோழி உடன்படுத்தல்.
(4)	பிரிவு உடன்படுதல்	- தலைவன் பிரிவுக்குத் தலைவி உடன்படுதல்.
(5)	பிரிவுழிக் கலங்கல்	- தலைவன் பிரிந்த பொழுது தலைவி வருத்தம் கொள்ளல்.
(6)	வன்புறை	- பிரிவை நினைத்து வருந்துகின்ற தலைவியைத் தோழி பிரிவைப் பொறுத்துக் கொள்ளுமாறு வற்புறுத்திக் கூறுதல்.
(7)	வன்பொறை	- தலைவன் பிரிவால் ஏற்பட்ட மிகுந்த துன்பத்தைப் பெரிதும் முயன்று பொருத்துக் கொள்ளுதல்.
(8)	வரும் வழிக் கலங்கல்	- பிரிந்து சென்ற தலைவன் சென்ற காரியம் முடிந்து திரும்பி வருகின்ற பொழுது தலைவியின் நிலையை நினைத்து வருந்துதல்.
(9)	வந்துழி மகிழ்ச்சி	- பிரிந்து சென்ற தலைவன் மீண்டும் வந்தது கண்டு தலைவியும் தோழியும் மகிழ்தல்.

2.5.1 பிரிவு பற்றிய சில பொதுக் கிளவிகள்

ஓதல் பிரிவு மூன்று ஆண்டுக் காலம்.
தூது, துணைவயின், பொருள்வயின் காரணமாக ஏற்படும்
பிரிவுகள் ஓர் ஆண்டுக் காலம்.
இக்கால எல்லை நீண்டால் தலைவன் தலைவிக்குத்
துன்பங்கள் ஏற்படும்.
பிரிவுத் துன்பம் காரணமாக தலைவியின் உருவத்தில்
மாற்றங்கள் ஏற்படும்.
பிரிவுக் காலத்தில் தன் துன்பங்களைத் தலைவன்
பாகனிடத்துக் கூறுவான்.
தலைவன் தலைவியோடு கூடி இருக்கும் பொழுது வருகின்ற
கார் பருவத்தைக் (மழைக் காலத்தை) கண்ட தலைவன்
அப்பருவத்தை வாழ்த்திக் கூறுவான்