Tamil Virtual University

இந்தப் பாடத்தை நீங்கள் படிப்பதன் மூலம் கீழ்வரும் செய்திகளைப் பற்றித் தெரிந்து கொள்ளலாம்.

(1) அந்நியர் ஆட்சியின் போது உள்ள தமிழகச் சூழல். (2) தமிழகத்திற்குள்ளே பாளையக்காரர், நில உரிமையாளர்கள் நடத்திய அரசியல். (3) மேல்தட்டுமக்கள், கீழ்த்தட்டு மக்கள் மீது செலுத்திய அடக்குமுறை.
சமூகக் கதைப்பாடல்கள் வாயிலாகச் சாதிக் கட்டுப்பாடு, உயர்ந்தோர், தாழ்ந்தோர் என்ற மனப்பான்மை எந்த அளவிற்குச் சமுதாயத்தைப் பாதித்துள்ளது என்று அறியலாம்.
தமிழகக் கிராமப்புறங்களில் வழங்கும் சொல்லாட்சிகள், பெயர்கள், ஊர்கள் பற்றித் தெரிந்து கொள்ளலாம்.
தமிழ் வட்டார வழக்குச் சொல்லகராதியின் துணைகொண்டு பேச்சு வழக்கில் அமைந்துள்ள சொற்களின் பொருளை அறியலாம்.
கதையை நடத்திச் செல்ல எவையெல்லாம் உத்திகளாகப் பயன்படுத்தப்பட்டுள்ளன என்பதைக் கண்டறிவதன் மூலம் பிற கதைப்பாடல்களிலும் இக்கூறு இடம் பெற்றுள்ளதா என்று சோதித்தறியலாம். இவற்றைப் பட்டியலிட்டால் நாட்டுப்புறக் கதைப்பாடல்களின் கதைப் பின்னல் முறையில் ஒரு பொதுமைப்பண்பு இருப்பதைத் தெரிந்து கொள்ளலாம்.