5.8 பாவேந்தரின் நாடக நடை

நாடகங்கள் உரையாடலாலும் உணர்வூட்டும் நடிப்பாலும்
சிறப்பைப்பெறும். நடிப்புக்கு அடிப்படை, உணர்வை உள்ளடக்கிய
உரையாடல்கள் ஆகும். எனவே நாடகம், உரையாடல் திறத்தால்
சிறப்பைப் பெறும் எனலாம்.

5.8.1 சிறுசிறு தொடர்கள்

நாடக உரையாடல்கள் சிறு தொடர்களைக் கொண்டிருந்தால்
காட்சியில் விறுவிறுப்புக் கூடும். பாவேந்தர் பாரதிதாசனின்
‘கழைக்கூத்தியின் காதல்’ என்னும் நாடகத்தில் வரும் உரையாடல்
சிறு தொடர்களில் அமைந்திருப்பதைக் காணலாம்.

(கழைக்கூத்தியின் காதல், காட்சி : 3)

இவ்வாறு அந்த உரையாடல் தொடர்ந்து செல்கிறது. பேய் என்னும்
அச்சத்தால் இருப்பவர்களால் பெரிய தொடர்களைப் பேச இயலாது.
அதற்கு ஏற்பவே பாரதிதாசன் இங்கே சிறு தொடர்களைப்
பயன்படுத்தியுள்ளார்.

5.8.2 உரைநடையில் உணர்வு

பிறப்பில் உயர்வு தாழ்வு உண்டு என்னும் எண்ணம் கொண்ட
மன்னனின் மனத்தை மாற்றுவது போல் ஒரு காட்சி ‘கழைக்
கூத்தியின் காதல்’ என்னும் நாடகத்தில் இடம் பெற்றுள்ளது.
முத்துநகை என்பவள் ஆண்டியப்பன் என்னும் ஆண் வேடத்தில்
அரசனிடம் உரையாடுகிறாள்.

(கழைக்கூத்தியின் காதல், காட்சி : 15)

மேற்காணும் உரையாடலில் பாரதிதாசன் தமது கொள்கையான
‘சாதி இல்லை, மக்களில் உயர்வு தாழ்வு இல்லை’ என்னும்
கருத்தை வெளிப்படுத்தியுள்ளதை நாம் காண முடிகிறது.