பள்ளு இலக்கியங்களில் நூல் படைக்கும் மரபு
போற்றப்பட்டுள்ளது. காப்பு, கடவுள் வணக்கம், பாயிரம்
ஆகியன     முறையாகப் படைக்கப்பட்டுள்ளன. நூலின்
தொடக்கமாகப் பள்ளன் தோன்றித் தலைவனின் உயர்வை
விளக்குவான். பின்பு பள்ளன் பள்ளியர் தம் குடிப்
பெருமைகளைக் கூறுவர். இவற்றைத் தொடர்ந்து நாட்டு வளம்,
நகர்வளம் கூறப்பெறும். மழையின் வரவு பற்றிக் குறி அறிந்து
மழை வேண்டிப் பாடப்படும். பின்பு மழை பொழியும்.
ஆற்றில் வெள்ளம் பெருகி ஐந்து வகை நிலங்களும் நீர்
பெறும். உழவு தொடங்குவதற்கான பக்குவமான சூழ்நிலை
உருவாகும்.