4.5 ஒலிபெயர்ப்பு

    சொல்லாக்கத்தின் தொடக்க கால முயற்சிகள் பெரிதும்
ஒலிபெயர்ப்புகளே. பிறமொழி ஒலிகளைத் தமிழாக்கும்போது
வரையறுக்கப்பட்ட நெறிமுறைகள் பின்பற்றப்பட வேண்டும்.
ஆனால் தற்சமயம் ஒரு கலைச் சொல்லிற்குப் பல்வேறு
வகையான ஒலிபெயர்ப்புகள் உருவாக்கப்பட்டுள்ளன.

எடுத்துக்காட்டு:

Farenheit - பாரன்ஹீட்
பாரன்ஹீட்டு
ஃபாரன்ஹீட்
Oxygen - ஆக்ஸிசன்
ஆக்சிஜன்
ஆக்ஸிஜன்
ஆக்சிசன்

     ஒலிபெயர்ப்பில் முரண்பாடுகள் உள்ளன. முறையான
விதிமுறைகள் இல்லை. இந்நிலை மாற்றப்பட வேண்டும்.
சொல்லாக்க வல்லுநர் குழு வரன்முறைப் படுத்தப்பட்ட
விதிகளை உருவாக்க வேண்டியது இன்றைய உடனடித் தேவை
ஆகும்.