78. குறிஞ்சி

	பெரு வரை மிசையது நெடு வெள் அருவி
	முதுவாய்க் கோடியர் முழவின் ததும்பி,
	சிலம்பின் இழிதரும் இலங்கு மலை வெற்ப!-
	நோதக்கன்றே-காமம் யாவதும்
	நன்று என உணரார்மாட்டும்
	சென்றே நிற்கும் பெரும் பேதைமைத்தே.	உரை

204. குறிஞ்சி

	'காமம் காமம்' என்ப; காமம்
	அணங்கும் பிணியும் அன்றே; நினைப்பின்,
	முதைச் சுவற் கலித்த முற்றா இளம் புல்
	மூதா தைவந்தாங்கு,
	விருந்தே காமம்-பெரும்தோளோயே!	உரை