90. குறிஞ்சி

	எற்றோ வாழி?-தோழி!-முற்றுபு
	கறி வளர் அடுக்கத்து இரவில் முழங்கிய
	மங்குல் மா மழை வீழ்ந்தென, பொங்கு மயிர்க்
	கலை தொட இழுக்கிய பூ நாறு பலவுக் கனி,
	வரை இழி அருவி உண்துறைத் தரூஉம்
	குன்ற நாடன் கேண்மை
	மென் தோள் சாய்த்தும் சால்பு ஈன்றன்றே.	உரை

288. குறிஞ்சி

	கறி வளர் அடுக்கத்து ஆங்கண், முறி அருந்து
	குரங்கு ஒருங்கு இருக்கும் பெருங் கல் நாடன்
	இனியன்; ஆகலின், இனத்தின் இயன்ற
	இன்னாமையினும், இனிதோ-
	இனிது எனப்படூஉம் புத்தேள் நாடே?	உரை