146. மருதம்

	வலி மிகு முன்பின் அண்ணல் ஏஎறு
	பனி மலர்ப் பொய்கைப் பகல் செல மறுகி,
	மடக் கண் எருமை மாண் நாகு தழீஇ,
	படப்பை நண்ணி, பழனத்து அல்கும்
5	கலி மகிழ் ஊரன் ஒலி மணி நெடுந் தேர்,
	ஒள் இழை மகளிர் சேரி, பல் நாள்
	இயங்கல் ஆனாதுஆயின்; வயங்கிழை
	யார்கொல் அளியள்தானே எம் போல்
	மாயப் பரத்தன் வாய்மொழி நம்பி,
10	வளி பொரத் துயல்வரும் தளி பொழி மலரின்
	கண்பனி ஆகத்து உறைப்ப, கண் பசந்து,
	ஆயமும் அயலும் மருள,
	தாய் ஓம்பு ஆய்நலம் வேண்டாதோளே?