189. பாலை

	பசும் பழப் பலவின் கானம் வெம்பி,
	விசும்பு கண் அழிய, வேனில் நீடி,
	கயம் கண் அற்ற கல் ஓங்கு வைப்பின்
	நாறு உயிர் மடப் பிடி தழைஇ, வேறு நாட்டு
5	விழவுப் படர் மள்ளரின் முழவு எடுத்து உயரி,
	களிறு அதர்ப்படுத்த கல் உயர் கவாஅன்
	வெவ் வரை அத்தம் சுட்டி, பையென,
	வயலை அம் பிணையல் வார்ந்த கவர்வுற,
	திதலை அல்குல் குறுமகள் அவனொடு
10	சென்று பிறள் ஆகிய அளவை, என்றும்
	படர் மலி எவ்வமொடு மாதிரம் துழைஇ,
	மனை மருண்டு இருந்த என்னினும், நனை மகிழ்
	நன்னராளர் கூடு கொள் இன் இயம்
	தேர் ஊர் தெருவில் ததும்பும்
15	ஊர் இழந்தன்று, தன் வீழ்வு உறு பொருளே.