181

	மன்ற விளவின் மனை வீழ் வெள்ளில்,
	கருங் கண் எயிற்றி காதல் மகனொடு,
	கான இரும் பிடிக் கன்று தலைக் கொள்ளும்
	பெருங் குறும்பு உடுத்த வன் புல இருக்கை,
5	புலாஅ அம்பின், போர் அருங் கடி மிளை,
	வலாஅரோனே, வாய் வாள் பண்ணன்;
	உண்ணா வறுங் கடும்பு உய்தல் வேண்டின்,
	இன்னே சென்மதி, நீயே சென்று, அவன்
	பகைப் புலம் படராஅளவை, நின்
10	பசிப் பகைப் பரிசில் காட்டினை கொளற்கே.

265

	ஊர் நனி இறந்த பார் முதிர் பறந்தலை,
	ஓங்கு நிலை வேங்கை ஒள் இணர் நறு வீப்
	போந்தை அம் தோட்டின் புனைந்தனர் தொடுத்து,
	பல் ஆன் கோவலர் படலை சூட்ட,
5	கல் ஆயினையே கடு மான் தோன்றல்!
	வான் ஏறு புரையும் நின் தாள் நிழல் வாழ்க்கைப்
	பரிசிலர் செல்வம் அன்றியும், விரி தார்க்
	கடும் பகட்டு யானை வேந்தர்
	ஒடுங்கா வென்றியும், நின்னொடு செலவே.