5

	எருமை அன்ன கருங் கல் இடை தோறு,
	ஆனின் பரக்கும் யானைய, முன்பின்,
	கானக நாடனை! நீயோ, பெரும!
	நீ ஓர் ஆகலின், நின் ஒன்று மொழிவல்:
5	அருளும் அன்பும் நீக்கி, நீங்கா
	நிரயம் கொள்பவரொடு ஒன்றாது, காவல்,
	குழவி கொள்பவரின், ஓம்புமதி!
	அளிதோ தானே; அது பெறல் அருங் குரைத்தே.

195

	பல் சான்றீரே! பல் சான்றீரே!
	கயல் முள் அன்ன நரை முதிர் திரை கவுள்,
	பயன் இல் மூப்பின், பல் சான்றீரே!
	கணிச்சிக் கூர்ம் படைக் கடுந் திறல் ஒருவன்
5	பிணிக்கும் காலை, இரங்குவிர் மாதோ;
	நல்லது செய்தல் ஆற்றீர் ஆயினும்,
	அல்லது செய்தல் ஓம்புமின்; அதுதான்
	எல்லாரும் உவப்பது; அன்றியும்,
	நல் ஆற்றுப் படூஉம் நெறியும்மார் அதுவே.