70

	தேஎம் தீம் தொடைச் சீறியாழ்ப் பாண!
	'கயத்து வாழ் யாமை காழ் கோத்தன்ன
	நுண் கோல் தகைத்த தெண் கண் மாக் கிணை
	இனிய காண்க; இவண் தணிக' எனக் கூறி;
5	வினவல் ஆனா முது வாய் இரவல!
	தைஇத் திங்கள் தண் கயம் போல,
	கொளக்கொளக் குறைபடாக் கூழுடை வியல் நகர்,
	அடுதீ அல்லது சுடுதீ அறியாது;
	இரு மருந்து விளைக்கும் நல் நாட்டுப் பொருநன்,
10	கிள்ளி வளவன் நல் இசை உள்ளி,
	நாற்ற நாட்டத்து அறு கால் பறவை
	சிறு வெள் ஆம்பல் ஞாங்கர் ஊதும்
	கை வள் ஈகைப் பண்ணன் சிறுகுடிப்
	பாதிரி கமழும் ஓதி, ஒள் நுதல்,
15	இன் நகை விறலியொடு மென்மெல இயலிச்
	செல்வைஆயின், செல்வை ஆகுவை;
	விறகு ஒய் மாக்கள் பொன் பெற்றன்னதோர்
	தலைப்பாடு அன்று, அவன் ஈகை;
	நினைக்க வேண்டா; வாழ்க, அவன் தாளே!

173

	யான் வாழும் நாளும் பண்ணன் வாழிய!
	பாணர்! காண்க, இவன் கடும்பினது இடும்பை;
	யாணர்ப் பழு மரம் புள் இமிழ்ந்தன்ன
	ஊண் ஒலி அரவம்தானும் கேட்கும்;
5	பொய்யா எழிலி பெய்விடம் நோக்கி,
	முட்டை கொண்டு வன் புலம் சேரும்
	சிறு நுண் எறும்பின் சில் ஒழுக்கு ஏய்ப்ப,
	சோறுடைக் கையர் வீறு வீறு இயங்கும்
	இருங் கிளைச் சிறாஅர்க் காண்டும்; கண்டும்,
10	மற்றும் மற்றும் வினவுதும், தெற்றென;
	பசிப்பிணி மருத்துவன் இல்லம்
	அணித்தோ? சேய்த்தோ? கூறுமின், எமக்கே.

181

	மன்ற விளவின் மனை வீழ் வெள்ளில்,
	கருங் கண் எயிற்றி காதல் மகனொடு,
	கான இரும் பிடிக் கன்று தலைக் கொள்ளும்
	பெருங் குறும்பு உடுத்த வன் புல இருக்கை,
5	புலாஅ அம்பின், போர் அருங் கடி மிளை,
	வலாஅரோனே, வாய் வாள் பண்ணன்;
	உண்ணா வறுங் கடும்பு உய்தல் வேண்டின்,
	இன்னே சென்மதி, நீயே சென்று, அவன்
	பகைப் புலம் படராஅளவை, நின்
10	பசிப் பகைப் பரிசில் காட்டினை கொளற்கே.

388

	வெள்ளி தென் புலத்து உறைய, விளை வயல்,
	பள்ளம், வாடிய பயன் இல் காலை,
	இரும் பறைக் கிணைமகன் சென்றவன், பெரும் பெயர்
	........................................................பொருந்தி,
5	தன் நிலை அறியுநனாக, அந் நிலை,
	இடுக்கண் இரியல் போக, உடைய
	கொடுத்தோன் எந்தை, கொடை மேந் தோன்றல்,
	.......................................................னாமருப்பாக,
	வெல்லும் வாய்மொழிப் புல்லுடை வி
10	பெயர்க்கும் பண்ணற் கேட்டிரோ, மககிரென,
	வினைப் பகடு ஏற்ற மேழி கிணைத் தொடா,
	நாள்தொறும் பாடேன்ஆயின், ஆனா
	மணி கிளர் முன்றில் தென்னவன் மருகன்,
	பிணி முரசு இரங்கும் பீடு கெழு தானை
15	அண்ணல் யானை வழுதி,
	கண்மாறிலியர் என் பெருங் கிளைப் புரவே!