முகப்பு

257

	செருப்பு இடைச் சிறு பரல் அன்னன்; கணைக் கால்,
	அவ் வயிற்று, அகன்ற மார்பின், பைங் கண்,
	குச்சின் நிரைத்த குரூஉ மயிர் மோவாய்,
	செவி இறந்து தாழ்தரும் கவுளன், வில்லொடு,
5	யார்கொலோ, அளியன்தானே? தேரின்
	ஊர் பெரிது இகந்தன்றும் இலனே; அரண் எனக்
	காடு கைக் கொண்டன்றும், இலனே; காலை,
	புல்லார் இன நிரை செல் புறம் நோக்கி,
	கையின் சுட்டிப் பையென எண்ணி,
10	சிலையின் மாற்றியோனே; அவைதாம்
	மிகப் பலவாயினும், என் ஆம் எனைத்தும்
	வெண் கோள் தோன்றாக் குழிசியொடு,
	நாள் உறை மத்து ஒலி கேளாதோனே?

258

	முள் கால் காரை முது பழன் ஏய்ப்பத்
	தெறிப்ப விளைந்த தீம் கந்தாரம்
	நிறுத்த ஆயம் தலைச்சென்று உண்டு,
	பச்சூன் தின்று, பைந் நிணம் பெருத்த
5	எச்சில் ஈர்ங் கை வில்புறம் திமிரி,
	புலம் புக்கனனே, புல் அணல் காளை;
	ஒரு முறை உண்ணாஅளவை, பெரு நிரை
	ஊர்ப் புறம் நிறையத் தருகுவன்; யார்க்கும்
	தொடுதல் ஓம்புமதி, முது கள் சாடி;
10	ஆ தரக் கழுமிய துகளன்,
	காய்தலும் உண்டு, அக் கள் வெய்யோனே.

262

	நறவும் தொடுமின்; விடையும் வீழ்மின்;
	பாசுவல் இட்ட புன் கால் பந்தர்ப்
	புனல் தரும் இள மணல் நிறையப் பெய்ம்மின்
	ஒன்னார் முன்னிலை முருக்கி, பின் நின்று,
5	நிரையொடு வரூஉம் என்னைக்கு
	உழையோர் தன்னினும் பெருஞ் சாயலரே.

269

	குயில் வாய் அன்ன கூர்முகை அதிரல்
	பயிலாது அல்கிய பல் காழ் மாலை
	மை இரும் பித்தை பொலியச் சூட்டி,
	புத்தகல் கொண்ட புலிக் கண் வெப்பர்
5	ஒன்று இரு முறை இருந்து உண்ட பின்றை,
	உவலைக் கண்ணித் துடியன் வந்தென,
	பிழி மகிழ் வல்சி வேண்ட, மற்று இது
	கொள்ளாய் என்ப, கள்ளின் வாழ்த்தி;
	கரந்தை நீடிய அறிந்து மாறு செருவில்
10	பல் ஆன் இன நிரை தழீஇய வில்லோர்,
	கொடுஞ் சிறைக் குரூஉப் பருந்து ஆர்ப்ப,
	தடிந்து மாறு பெயர்த்தது, இக் கருங் கை வாளே.

297

	பெரு நீர் மேவல் தண்ணடை எருமை
	இரு மருப்பு உறழும் நெடு மாண் நெற்றின்
	பைம் பயறு உதிர்த்த கோதின் கோல் அணை,
	கன்றுடை மரை ஆத் துஞ்சும் சீறூர்க்
5	கோள் இவண் வேண்டேம், புரவே; நார் அரி
	நனை முதிர் சாடி நறவின் வாழ்த்தி,
	துறை நனி கெழீஇக் கம்புள் ஈனும்
	தண்ணடை பெறுதலும் உரித்தே வைந் நுதி
	நெடு வேல் பாய்ந்த மார்பின்,
10	மடல் வன் போந்தையின், நிற்குமோர்க்கே.