96

	அலர் பூந் தும்பை அம் பகட்டு மார்பின்,
	திரண்டு நீடு தடக்கை, என்னை இளையோற்கு
	இரண்டு எழுந்தனவால், பகையே: ஒன்றே,
	பூப் போல் உண்கண் பசந்து, தோள் நுணுகி,
5	நோக்கிய மகளிர்ப் பிணித்தன்று; ஒன்றே,
	'விழவின்றுஆயினும், படு பதம் பிழையாது,
	மை ஊன் மொசித்த ஒக்கலொடு, துறை நீர்க்
	கைமான் கொள்ளுமோ?' என,
	உறையுள் முனியும், அவன் செல்லும் ஊரே.

283

	ஒண் செங் குரலித் தண் கயம் கலங்கி,
	வாளை நீர்நாய் நாள் இரை பெறூஉப்
	பௌவ உறை அளவா,
	..................................................................... வி மயக்கி,
5	மாறு கொள் முதலையொடு ஊழ் மாறு பெயரும்
	அழும்பிலன் அடங்கான் தகையும் என்றும்,
	வலம் புரி கோசர் அவைக் களத்தானும்,
	மன்றுள் என்பது கெட...
	...........................................£னே பாங்கற்கு
10	ஆர் சூழ் குறட்டின் வேல் நிறத்து இங்க,
	உயிர் புறப்படாஅ அளவைத் தெறுவர,
	தெற்றிப் பாவை திணி மணல் அயரும்
	மென் தோள் மகளிர் நன்று புரப்ப,
	.....................................................ண்ட பாசிலைக்
15	கவிழ் பூந் தும்பை நுதல் அசைத்தோனே.