maturaik kAjci
(talaiyAlagkAnattuc ceru venRa pANTiyan n'eTujceziyanai mAgkuTi marutanAr pATiyatu)

 

iyaRkai vaLam

Ogkutirai viyan parappin
oli mun'n'Ir varampu Aka,
tEn tUgkum uyar cimaiya
malai n'ARiya viyal jAlattu,
vala mAtirattAn vaLi koTpa,                  5
viyal n'ALmIn n'eRi ozuka,
pakal ceyyum cej jAyiRum
iravuc ceyyum veN tigkaLum,
mai tIrn'tu kiLarn'tu viLagka,
mazai tozil utava, mAtiram kozukka,               10
toTuppin Ayiram vittiyatu viLaiya,
n'ilanum maranum payan etirpu n'an'ta,
 

ceyaRkaic cezippu n'ilai


n'Oy ikan'tu n'Okku viLagka;
mE taka, mikap polin'ta
Ogku n'ilai vayak kaLiRu;                  15
kaNTu taNTAk kaTku inpattu,
uNTu taNTA miku vaLattAn,
uyar pUrima vizut teruvil,
poy aRiyA, vAymoziyAl
pukaz n'iRain'ta, n'al mAn'taroTu                20
n'al Uzi aTip paTara,
pal veLLam mIkkURa,
ulakam ANTa uyarn'tOr maruka!

 

akattiyarin vazivan'ta cAnROn


piNak kOTTa kaLiRRuk kuzumpin
n'iNam vAyp peyta pEy makaLir               25
iNai oli imiz tuNagkaic cIrp
piNai yUpam ezun'tu ATa,
ajcu van'ta pOrkkaLattAn,
AN talai aNagku aTuppin,
vaya vEn'tar oN kuruti                  30
cinat tIyin peyarpu pogka,
teRal arug kaTun' tuppin,
viRal viLagkiya vizuc cUrppin,
toTit tOL kai tuTuppu Aka
ATuRRa Un cORu,                   35
n'eRi aRin'ta kaTi vAluvan
aTi otugkip pin peyarAp
paTaiyOrkku muruku ayara,
amar kaTakkum viyan tAnai
tennavan peyariya tun arun' tuppin             40
toL mutu kaTavuL pinnar mEya,
varait tAz aruvip poruppin porun'a!
 

vaTimpalampa n'inRa pANTiyanin vazittOnRal


n'Al vakaip paTaikaLin valimai

vizuc cUziya, viLagku OTaiya,
kaTuj cinatta, kamaz kaTAattu
aLaRu paTTa n'aRuj cenniya,                 45
varai maruLum uyar tOnRala,
vinai n'avinRa pEr yAnai
cinam ciRan'tu kaLan uzakkavum;
mA eTutta mali kurUut tukaL
akal vAnattu veyil karappavum;               50
vAm pariya kaTun' tiN tEr
kARRu ennak kaTitu koTpavum;
vAL miku maRa main'tar
tOL muRaiyAn vIRu muRRavum;
 

n'eTiyOnin pOrt tiRamai


iru peru vEn'taroTu vELir cAyap 		55
porutu, avaraic ceru venRum,
ilagku aruviya varai n'In'ti,
curam pOzn'ta ikal ARRal,
uyarn'tu Ogkiya vizuc ciRappin,
n'ilam tan'ta pEr utavi,                  60
polan' tAr mArpin, n'eTiyOn umpal!

 

mannar mannanAka viLagkiya perumai


maram tinnUu varai utirkkum
n'arai urumin ERu anaiyai;
arug kuzu miLai, kuNTu kiTagkin,
uyarn'tu Ogkiya n'iraip putavin,              

65
n'eTu matil, n'irai jAyil,
ampu umiz, ayil, aruppam
taNTAtu talaic cenRu,
koNTu n'Igkiya vizuc ciRappin
ten kumari vaTa perugkal                 70
kuNa kuTa kaTalA ellait
tonRu mozin'tu tozil kETpa,
veRRamoTu veRuttu ozukiya
koRRavartam kOn Akuvai;

 

kaTalvaLam mikun'ta cAliyUraik koNTa veRRi


vAn iyain'ta iru mun'n'Irp               		 75
pEem n'ilaiiya irum pauvattu,
koTum puNari vilagku pOza,
kaTug kAloTu, karai cEra,
n'eTug koTi micai, itai eTuttu,
in icaiya muracam muzagka,                80
pon malin'ta vizup paNTam
n'ATu Ara n'anku izitarum,
ATu iyal peru n'AvAy,
mazai muRRiya malai puraiyat
tuRai muRRiya tuLagku irukkai,              85
teN kaTal kuNTu akazi,
cIr cAnRa uyar n'ellin
Ur koNTa uyar koRRava!


kuravai oliyum piRa OcaikaLum malin'ta Ura

n'Irt tevvum n'irait tozuvar
pATu cilampum icai, ERRat                90
tOTu vazagkum akal Ampiyin,
kayan, akaiya vayal n'iRaikkum,
men toTai van kizAar,
atari koLpavar pakaTu pUN teL maNi,
irum puL Oppum icaiyE enRum,              95
maNip pU muNTakattu maNal mali kAnal
paratavar makaLir kuravaiyoTu olippa,

 

porun'arkku yAnai mutaliya paricukaLaip pANTiyan koTuttal


oru cAr, vizavu n'inRa viyal AgkaN
muzavut tOL muraN porun'arkku,
uru kezu peruj ciRappin                100
iru peyarp pEr AyamoTu
ilagku maruppin kaLiRu koTuttum,
polan' tAmaraip pUc cUTTiyum,
n'alam cAnRa kalam citaRum
pal kuTTuvar vel kOvE!                105

 

mutuveLLilai ennum Urin ciRappu


kal kAyum kaTu vEniloTu
iru vAnam peyal oLippinum,
varum vaikal mIn piRazinum,
veLLam mARAtu viLaiyuL peruka,
n'ellin Otai, arin'ar kampalai,             110
puL imizn'tu olikkum icaiyE, enRum
calam pukanRu cuRavuk kalitta
pulavu n'Ir viyan pauvattu,
n'ilavuk kAnal muzavut tAzaik
kuLirp potumpar n'aLit tUval,             115
n'irai timil vETTuvar karai cEr kampalai,
irug kazic ceRuvin veL uppup pakarn'aroTu,
oli OvAk kali yANar
mutuveLLilai
 

mutuveLLilaiyAr Eval kETpa,
talaiyAlagkAnattil pakaivarkaLai venRamai


                       mIkkURum,
viyal mEval vizuc celvattu,             120
iru vakaiyAn, icai cAnRa,
ciRukuTip perun' tozuvar,
kuTi kezIiya n'Al n'ilavaroTu,
tonRu mozin'tu, tozil kETpa
kAl ennak kaTitu urAay,             125
n'ATu keTa eri parappi,
AlagkAnattu ajcuvara iRuttu,
aracu paTa amar uzakki,
muracu koNTu kaLam vETTa
aTu tiRal uyar pukaz vEn'tE!            130

 

koRkaikkut talaivan


n'aTTavar kuTi uyarkkuvai;
ceRRavar aracu peyarkkuvai;
pEr ulakattu mEen' tOnRic
cIruTaiya vizuc ciRappin,
viLain'tu mutirn'ta vizu muttin,          135
ilagku vaLai, iruj cEri,
kaL koNTik kuTip pAkkattu,
n'al koRkaiyOr n'acaip porun'a!

 

ceziyan paratavarai venRamai


ceRRa tevvar kalagkat talaiccenRu,
ajcu varat taTkum aNagkuTait tuppin,       140
kOz Uun kuRaik kozu valci,
pulavu vil, poli kUvai,
onRu mozi, oli iruppin,
ten paratavar pOr ERE!

 

pakaivaratu n'ATTaik kaikkoNTa veRRi


ariya ellAm eLitinin koNTu,          		145
uriya ellAm OmpAtu vIci,
n'ani pukanRu uRaitum ennAtu, ERRu ezun'tu,
pani vAr cimaiyak kAnam pOki,
aka n'ATu pukku, avar aruppam vauvi,
yANTu pala kaziya vENTu pulattu iRuttu,        150
mEmpaTa marIiya vel pOrk kurucil!

 

pakaivar tEcam pAzpaTTa n'ilai


uRu ceRun'ar pulam pukku, avar
kaTi kAvin n'ilai tolaicci,
izipu aRiyAp perun' taN paNai          
kurUuk koTiya eri mEya, 155
n'ATu enum pEr kATu Aka,
A cEn'ta vazi mA cEppa,
Ur irun'ta vazi pAz Aka,
ilagku vaLai maTa magkaiyar           
tuNagkai am cIrt tazUu maRappa, 160
avai irun'ta perum potiyil,
kavai aTik kaTu n'Okkattup
pEymakaLir peyarpu ATa,
aNagku vazagkum akal AgkaN         
n'ilattu ARRum kuzUup putavin, 165
aran'taip peNTir inain'tanar akava,
kozum patiya kuTi tEmpic
cezug kELir n'izal cEra,
n'eTu n'akar vIzn'ta kari kutirp paLLik         
kuTumik kUkai kurAloTu murala, 170
kazun'Ir polin'ta kaN akan poykai,
kaLiRu mAy cerun'tiyoTu kaNpu amanRu, Urtara,
n'al Er n'aTan'ta n'acai cAl viLai vayal
pal mayirp piNavoTu kEzal ukaLa,         
vAzAmaiyin vazi tavak keTTu, 175
pAz Ayina, n'in pakaivar tEem.

 

pakaivarai aTakki, avarai aRan'eRiyil n'iRuttutal


ezAat tOL imiz muzakkin,
mAat tAL, uyar maruppin,
kaTuj cinatta kaLiRu parappi           
viri kaTal viyan tAnaiyoTu 180
muruku uRazap pakaittalaic cenRu,
akal vicumpin Arppu imiza,
peyal uRazak kaNai citaRi,
pala puravi n'IRu ukaippa,             
vaLai n'arala, vayir Arppa, 185
pITu aziyak kaTan'tu aTTu, avar
n'ATu aziya eyil vauvi,
cuRRamoTu tU aRuttalin,
ceRRa tevvar n'in vazi n'aTappa,           
viyan kaN mutu pozil maNTilam muRRi, 190
araciyal pizaiyAtu aRa n'eRi kATTi,
periyOr cenRa aTi vazip pizaiyAtu,
kuTamutal tOnRiya tonRu tozu piRaiyin
vazi vazic ciRakka, n'in valam paTu koRRam!        
kuNamutal tOnRiya Ar iruL matiyin 195
tEyvana keTuka, n'in tevvar Akkam!

 

ceziyanai vAztti, avanukku n'ilaiyAmaiyai aRivuRuttat toTagkutala


uyar n'ilai ulakam amiztoTu peRinum,
poy cEN n'Igkiya vAy n'aTpinaiyE;
muzagku kaTal ENi malar talai ulakamoTu       
uyarn'ta tEettu vizumiyOr varinum, 200
pakaivarkku ajcip paNin'tu ozukalaiyE;
ten pula marugkin viNTu n'iRaiya
vANan vaitta vizu n'iti peRinum,
pazi n'amakku ezuka ennAy, vizu n'iti         
Ital uLLamoTu icai vETkuvaiyE; 205
annAy! n'innoTu, munnilai, evanO?
kon onRu kiLakkuval, aTu pOr aNNal!
kETTicin vAzi! keTuka n'in avalam!
keTAtu n'ilaiiyar, n'in cEN viLagku n'al icai!    

 

ulakaic ciRappuRa ANTu maRain'tOr palar enal


tavAp perukkattu aRA yANar,		 210
azittu AnAk kozun' tiRRi
izittu, AnAp pala conRi,
uNTu, AnAk kUr n'aRavin
tinRu, AnA ina vaikal           
n'ilan eTukkallA oN pal veRukkaip 215
payan aRavu aRiyA vaLam kezu tiru n'akar
n'arampin muralum n'ayam varu muraRci
viRaliyar vaRug kaik kuRun' toTi ceRippa
pANar uvappak kaLiRu pala tarIi,         
kalan'tOr uvappa eyil pala kaTaii, 220
maRam kalagkat talaic cenRu,
vAL uzan'tu, atan tAL vAztti,
n'AL INTiya n'al akavarkkut
tErOTu mA citaRi,               
cUTuRRa cuTarp pUvin, 225
pATu pularn'ta n'aRuj cAn'tin,
vizumiya periyOr cuRRam Aka,
kaLLin irum paikkalam cela uNTu,
paNin'tOr tEem tam vazi n'aTappa,          
paNiyAr tEem paNittut tiRai koNmAr, 230
parun'tu paRakkallAp pArval pAcaRaip
paTu kaN muracam kAlai iyampa,
veTi paTak kaTan'tu, vENTu pulattu iRutta,
paNai kezu perun' tiRal, pal vEl mannar,
karai porutu iragkum, kanai iru mun'n'Irt 235
tirai iTu maNalinum palarE, urai cela
malar talai ulakam ANTu, kazin'tOrE!

 

maruta n'ila vaLappam


valaijar iyalpu


atanAl, kuNa kaTal koNTu kuTa kaTal muRRi,
iravum ellaiyum viLivu iTan aRiyAtu, 
avalum micaiyum n'Ir tiraLpu INTi, 240
kavalai am kuzumpin aruvi olippa,
kazai vaLar cAral, kaLiRRinam n'aTugka,
varai mutal iragkum ERoTu vAn jemirn'tu,
citaral perum peyal ciRattalin, tAgkAtu,
kuNa kaTaRku ivartarum kurUup punal, un'ti 245
n'ivan'tu cel n'Ittam kuLam koLac cARRi,
kaLiRu mAykkum katirk kazani;
oLiRu ilajci; aTai n'ivan'ta
muL tALa cuTart tAmarai,              
kaL kamazum n'aRu n'eytal, 250
vaL itaz aviz n'Ilam,
mel ilai ari AmpaloTu,
vaNTu iRaikoNTa kamaz pUm poykai;
kampuL cEval in tuyil iriya,            
vaLLai n'Ikki, vaya mIn mukan'tu, 255
koLLai cARRiya koTu muTi valaijar
vEzap pazanattu n'UzilATTu,
karumpin en'tiram, kaTpin, Otai

 

maruta n'ilattil ezum paRpala OcaikaL


aLLal tagkiya pakaTu uRu vizumam           
kaL Ar kaLamar peyarkkum ArppE, 260
olin'ta pakanRai viLain'ta kazani
van kai vinaijar aripaRai, in kural
taLi mazai poziyum taN paragkunRil
kali koL cummai, oli koL Ayam           
tatain'ta kOtai tAroTu poliyap 265
puNarn'tu uTan ATum icaiyE; anaittum,
akal iru vAnattu imizn'tu, initu icaippa,
kuruku n'arala, manai marattAn
mIn cIvum pAN cEriyoTu,             
marutam cAnRa taN paNai cuRRi, oru cAr 270

 

mullai n'ilak kATcikaL


ciRu tinai koyya, kavvai kaRuppa,
karug kAl varakin irug kural pulara,
Azn'ta kuzumpil tiru maNi kiLara,
ezun'ta kaTaRRil n'an pon kozippa          
perug kavin peRRa ciRu talai n'auvi 275
maTak kaN piNaiyoTu maRukuvana ukaLa,
cuTarp pUg konRai tAaya n'Izal,
pAayanna pARai aNin'tu,
n'Ilattu anna paim payir micai toRum    
veLLi anna oL vI utirn'tu, 280
curi mukiz mucuNTaiyoTu mullai, tAay,
maNi maruL n'eytal, uRaza, kAmar
tuNi n'Ir mel aval, toyyiloTu malara,
vallOn taiiya veRikkaLam kaTuppa,         
mullai cAnRa puRavu aNin'tu, oru cAr 285

 

kuRijci n'ilattin iyaRkai vaLam


n'aRug kAz konRu, kOTTin vittiya
kuRug katirt tOrai, n'eTug kAl aiyavi,
aivana veNNeloTu aril koLpu n'ITi;
ijci, majcaL, paig kaRi, piRavum,           
pal vERu tAramoTu, kalkattu INTi 290
tinai viLai cAral kiLi kaTi pUcal,
maNip pU avaraik kurUut taLir mEyum
AmA kaTiyum kAnavar pUcal,
cENOn akazn'ta maTi vAyp payampin         
vIz mukak kEzal aTTa pUcal, 295
karug kAl vEgkai iruj cinaip pogkar
n'aRum pUk koyyum pUcal, irug kEz
ERu aTu vayap pulip pUcaloTu, anaittum,
ilagku veL aruviyoTu cilampakattu iraTTa,      
karug kAl kuRijci cAnRa veRpu aNin'tu, 300
arug kaTi mA malai tazIi, oru cAr

 

pAlai n'ila iyalpu


iru vetirp pain' tURu kUr eri n'aippa,
n'izatta yAnai mEy pulam paTara,
kalitta iyavar iyam toTTanna,           
kaN viTupu uTaiyUut taTTai kavin azin'tu, 305
aruvi AnRa aNi il mA malai,
vai kaNTanna pul muLi am kATTu,
kamaj cUz kOTai viTarakam mukan'tu,
kAl uRu kaTalin olikkum cummai;          
ilai vEy kurampai uzai ataL paLLi, 310
uvalaik kaNNi, van col iLaijar
cilaiyuTaik kaiyar kavalai kAppa;
n'izal uru izan'ta vEnil kunRattu,
pAlai cAnRa, curam cErn'tu, oru cAr          

 

n'eytal n'ila iyalpu


muzagku kaTal tan'ta viLagku katir muttam,		 315
aram pOzn'tu aRutta kaN n'Er ilagku vaLai,
paratar tan'ta pal vERu kUlam,
irug kazic ceRuvin, tIm puLi, veL uppu,
paran'tu Ogku varaippin van kait timilar   
kozu mIn kuRaiiya tuTik kaN tuNiyal, 320
vizumiya n'AvAy perun'Ir Occun'ar
n'anan' talait tEettu n'al kalan uymmAr,
puNarn'tu, uTan koNarn'ta puraviyoTu, anaittum,
vaikaltORum vazivazic ciRappa,            
n'eytal cAnRa vaLam pala payinRu, Agku, 325
aim pAl tiNaiyum kavini amai vara

 

maturai mAn'akarin amaippum kATcikaLum


pANTi n'ATTiRku n'aTuvaN amain'tu viLagkutal


muzavu imizum, akal AgkaN,
vizavu n'inRa viyal maRukin,
tuNagkai, am tazUuvin, maNam kamaz cEri,       
in kali yANar, kuzUup pala payinRu, Agku, 330
pATal cAnRa n'al n'ATTu n'aTuvaN

 

perumpANar vAzum irukkai


kalai tAya, uyar cimaiyattu,
mayil akavum, mali pogkar,
man'ti ATa, mA vicumpu ukan'tu             
muzagku kAl poruta maram payil kAvin, 335
iyagku punal kozitta veN talaik kuvavu maNal
kAn pozil tazIiya aTaikaraitORum,
tAtu cUz kOgkin pU malar tAay,
kOtaiyin ozukum viri n'Ir n'al varal,          
avir aRal, vaiyait tuRai tuRai tORum 340
pal vERu pUt tiraL taNTalai cuRRi,
azun'tupaTTirun'ta perumpAN irukkaiyum

 

akaziyum matilum peRRu, mATagkaL Ogki n'iRRal


n'ilanum vaLanum kaNTu amaikallA
viLagku perun' tiruvin mAna viRal vEL         
azumpil anna, n'ATu izan'tanarum, 345
kozum pal patiya kuTi izan'tanarum,
tonRu kaRuttu uRaiyum tupput tara van'ta,
aNNal yAnai, aTu pOr vEn'tar
in icai muracam iTaip pulattu oziya,          
pal mARu OTTi, peyar puRam peRRu, 350
maN uRa Azn'ta maNi n'Irk kiTagkin,
viN uRa Ogkiya pal paTaip puricai,
tol vali n'ilaiiya, aNagkuTai n'eTu n'ilai,
n'ey paTak karin'ta tiN pOrk katavin,          
mazai ATum malaiyin n'ivan'ta mATamoTu, 355
vaiyai anna vazakkuTai vAyil,
vakai peRa ezun'tu vAnam mUzki,
cilkARRu icaikkum pal puzai n'al il,
yARu kiTan'tanna akal n'eTun' teruvil         

 

pal vakaik koTikaL


pal vERu kuzAattu icai ezun'tu olippa,		 360
mA kAl eTutta mun'n'Ir pOla
muzagku icai n'an paNai aRaivanar n'uvala,
kayam kuTain'tanna iyam toTTu, imiz icai
makizn'tOr ATum kali koL cummai,          
Ovuk kaNTanna iru peru n'iyamattu, 365
cARu ayarn'tu eTutta uruvap pal koTi,
vERu pal peyara Ar eyil koLak koLa,
n'ALtORu eTutta n'alam peRu punai koTi,
n'Ir olittanna n'ilavu vEl tAnaiyoTu         
pulavup paTak konRu, miTai tOl OTTi, 370
pukaz ceytu eTutta viRal cAl n'an koTi,
kaLLin kaLi n'avil koTiyoTu, n'an pala
pal vERu kuzUuk koTi patAkai n'ilaii,
peru varai marugkin aruviyin n'uTagka         

 

n'Al vakaip paTaikaLin iyakkam


panaimIn vazagkum vaLai mEy parappin,		 375
vIgku piNi n'On kayiRu arIi, itai puTaiyU,
kUmpu mutal murugka eRRi, kAyn'tu uTan
kaTug kARRu eTuppa, kal porutu uraii,
n'eTuj cuzip paTTa n'AvAy pOla,            
iru talaip paNilam Arppa, cinam ciRan'tu, 380
kOlOrk konRu, mElOr vIci,
men piNi van toTar pENAtu, kAz cAyttu,
kan'tu n'Ittu uzitarum kaTAa yAnaiyum;
am kaN mAl vicumpu putaiya, vaLi pOzn'tu,  
oN katir jAyiRRu URu aLavAt tiritarum 385
ceg kAl annattuc cEval anna,
kurUu mayirp puravi urAlin, pari n'imirn'tu,
kAl enak kaTukkum kavin peRu tErum;
koNTa kOlan koLkai n'aviRRalin,         
aTipaTu maNTilattu Ati pOkiya, 390
koTi paTu cuvala viTu mayirp puraviyum;
vEzattu anna veru varu celavin,
kaL Ar kaLamar iruj ceru mayakkamum;
ariyavum periyavum, varuvana peyartalin    

 

n'ALagkATiyil pU mutaliya poruLkaLai viRRal


tIm puzal valcik kazal kAl mazavar		 395
pUn' talai muzavin n'On talai kaTuppa,
piTakaip peyta kamaz n'aRum pUvinar,
pala vakai viritta etir pUg kOtaiyar,
palar tokupu iTitta tAtu uku cuNNattar,   
takai cey tIm cERRu in n'Irp pacug kAy, 400
n'ITu koTi ilaiyinar, kOTu cuTu n'URRinar,
iru talai van'ta pakai munai kaTuppa,
in uyir ajci, innA veytu uyirttu,
Egkuvanar irun'tu, avai n'Igkiya pinRai,     
pal vERu paNNiyam tazIit tiri vilaijar, 405
malai purai mATattuk kozu n'izal iruttara

 

mutu makaLir n'ukarporuLkaLai En'tit tirital


irug kaTal vAn kOTu puraiya, vAruRRup
perum pinniTTa vAl n'araik kUn'talar,
n'annar n'alattar, tol mutu peNTir   
cen' n'Irp pacum pon punain'ta pAvai 410
cel cuTarp pacu veyil tOnRiyanna
ceyyar, ceyirtta n'Okkinar, maTak kaN,
aiiya kaluzum mAmaiyar, vai eyiRRu
vArn'ta, vAyar, vaNagku iRaip paNait tOL,   
cOrn'tu ukuvanna vayakkuRu van'tikai, 415
toyyil poRitta cuNagku etir iLa mulai,
mai ukkanna moy irug kUn'tal,
mayil iyalOrum, maTa moziyOrum,
kaii, mellitin otugki, kai eRin'tu,         
kallA mAn'taroTu n'akuvanar tiLaippa, 420
puTai amai polin'ta vakai amai ceppil
kAmar uruvin tAm vENTu paNNiyam
kamaz n'aRum pUvoTu manaimanai maRuka

 

tiruvizAk kATcikaL


EzAm n'ALil tIrtta n'Iril ATutal


mazai koLak kuRaiyAtu, punal puka mikAtu,         
karai porutu iragkum mun'n'Ir pOla, 425
koLak koLak kuRaiyAtu, tarat tara mikAtu,
kazun'Ir koNTa ezu n'AL an'ti,
ATu tuvanRu vizavin, n'ATu ArttanRE
mATam piRagkiya mali pukazk kUTal,           
n'AL agkATi n'anan' talaik kampalai. 430

 

celvarkaL cellum n'ilai


veyil katir mazugkiya paTar kUr jAyiRRuc
cekkar anna, civan'tu n'uNagku uruvin,
kaN porupu ukUum oN pUg kaligkam,
pon punai vALoTu poliyak kaTTi,         
tiN tErp pirampin puraLum tAnai, 435
kaccam tinRa kazal tayagku tirun'tu aTi,
moympu iRan'tu tiritarum oru perun' teriyal,
maNi toTarn'tanna oN pUg kOtai,
aNi kiLar mArpin AramoTu aLaii,        
kAl iyakku anna kataz pari kaTaii, 440
kAlOr kAppa, kAl enak kaziyum
vAna vaN kai vaLam kezu celvar

 

n'ilA muRRagkaLilirun'tu cEvikkum makaLir


n'AL makiz irukkai kANmAr, pUNoTu
teL arip pon cilampu olippa, oL azal        
tA aRa viLagkiya Ay pon avir izai, 445
aNagku vIzvu anna, pUn' toTi makaLir,
maNam kamaz n'ARRam teru uTan kamaza,
oN kuzai tikazum oLi kezu tiru mukam
tiN kAz ERRa viyal iru vilOtam,          
teN kaTal tiraiyin, acaivaLi puTaippa, 450
n'irai n'ilai mATattu aramiyamtORum,
mazai mAy matiyin, tOnRupu maRaiya

 

kOyilkaLil an'ti vizA


n'Irum n'ilanum tIyum vaLiyum
mAka vicumpOTu ain'tu uTan iyaRRiya         
mazu vAL n'eTiyOn talaivan Aka, 455
mAcu aRa viLagkiya yAkkaiyar, cUz cuTar
vATAp pUvin, imaiyA n'ATTattu,
n'ARRa uNavin, uru kezu periyOrkku,
mARRu aru marapin uyar pali koTumAr,         
an'ti vizavil tUriyam kaRagka 460

 

pauttap paLLi


tiN katir matANi, oN kuRumAkkaLai,
Ompinart tazIi, tAm puNarn'tu muyagki,
tAtu aNi tAmaraip pOtu piTittAgku,
tAmum avarum OrAgku viLagkak           
kAmar kaviniya pEr iLam peNTir, 465
pUvinar, pukaiyinar, tozuvanar, paziccic
ciRan'tu puRagkAkkum kaTavuL paLLiyum

 

an'taNar paLLi


ciRan'ta vEtam viLagkap pATi,
vizuc cIr eytiya ozukkamoTu puNarn'tu,   
n'ilam amar vaiyattu oru tAm Aki, 470
uyar n'ilai ulakam ivaN n'inRu eytum
aRa n'eRi pizaiyA anpuTai n'ejcin,
periyOr mEey, initin uRaiyum
kunRu kuyinRanna an'taNar paLLiyum   
 

amaNap paLLi


vaNTu paTap pazun'iya tEn Ar tORRattup		 475
pUvum pukaiyum cAvakar pazicca,
cenRa kAlamum, varUum amayamum,
inRu ivaN tOnRiya ozukkamoTu n'anku uNarn'tu,
vAnamum n'ilanum tAm muzutu uNarum,        
cAnRa koLkai, cAyA yAkkai, 480
AnRu aTagku aRijar ceRin'tanar, n'OnmAr,
kal poLin'tanna iTTu vAyk karaNTaip
pal puric cimili n'ARRi, n'alku vara,
kayam kaNTanna vayagkuTai n'akarattu,         
cempu iyanRanna cej cuvar punain'tu, 485
n'Okku vicai tavirppa mEkku uyarn'tu, Ogki,
iRumpUtu cAnRa n'aRum pUj cEkkaiyum
kunRu pala kuzIip polivana tOnRa;

 

aRam kURu avaiyam


accamum avalamum Arvamum n'Ikki,         
ceRRamum uvakaiyum ceyyAtu kAttu, 490
jeman kOl anna cemmaittu Aki,
ciRan'ta koLkai aRam kURu avaiyamum
 

kAviti mAkkaL


n'aRuj cAn'tu n'Iviya kEz kiLar akalattu,
Avuti maNNi, avir tukil muTittu,        
mA vicumpu vazagkum periyOr pOla, 495
n'anRum tItum kaNTu Ayn'tu aTakki,
anpum aRanum oziyAtu kAttu,
pazi orIi uyarn'tu, pAy pukaz n'iRain'ta
cemmai cAnRa kAviti mAkkaLum         

 

paNTagkaL viRkum vaNikar


aRa n'eRi pizaiyAtu, ARRin ozuki,		 500
kuRum pal kuzuvin kunRu kaNTanna
parun'tu irun'tu ukakkum pal mAN n'al il,
pal vERu paNTamOTu UN malin'tu kavini,
malaiyavum, n'ilattavum, n'Iravum, piRavum,        
pal vERu tiru maNi, muttamoTu, pon koNTu, 505
ciRan'ta tEettup paNNiyam pakarn'arum

 

n'AR perug kuzu


mazai ozukku aRAap pizaiyA viLaiyuL,
pazaiyan, mOkUr avaiyakam viLagka,
n'An mozik kOcar tOnRiyanna,        
tAm mEen' tOnRiya n'AR perug kuzuvum 510
 

palvERu tozilALarkaLin kUTTam


kOTu pOz kaTain'arum, tiru maNi kuyinarum,
cUTuRu n'an pon cuTar izai punain'arum,
ponnurai kANmarum, kaligkam pakarn'arum,
cempu n'iRai koNmarum, vampu n'iRai muTin'arum,
pUvum pukaiyum Ayum mAkkaLum, 515
ev vakaic ceytiyum uvamam kATTi,
n'uNNitin uNarn'ta n'uzain'ta n'Okkin
kaNNuL vinaijarum, piRarum, kUTi,
teN tirai avir aRal kaTuppa, oN pal
kuRiyavum n'eTiyavum maTi tarUu virittu, 520
ciRiyarum periyarum kammiyar kuzIi,
n'Al vERu teruvinum, kAl uRa n'iRRara

 

palarum kUTi n'iRRalAl uNTAkum AravAram


koTum paRaik kOTiyar kaTumpu uTan vAzttum,
taN kaTal n'ATan, oN pUg kOtai        
peru n'AL irukkai, vizumiyOr kuzIi, 525
vizaivu koL kampalai kaTuppa

 

uNavu vakaikaL


          palavuTan,
cERum n'ARRamum palavin cuLaiyum,
vERu paTak kaviniya tEm mAg kaniyum,
pal vERu uruvin kAyum, pazanum,        
koNTal vaLarppak koTi viTupu kavini, 530
men piNi avizn'ta kuRu muRi aTakum,
amirtu iyanRanna tIm cERRuk kaTikaiyum,
pukaz paTap paNNiya pEr Un cORum,
kIz cela vIzn'ta kizagkoTu, piRavum,       
in cORu tarun'ar pal vayin n'ukara 535

 

an'tik kaTaiyil ezum Ocai mikuti


vAl itai eTutta vaLi taru vagkam,
pal vERu paNTam izitarum paTTinattu
ollen imiz icai mAna, kallena
n'anan' talai vinaijar kalam koNTu maRuka,     
perug kaTal kuTTattup pulavut tirai Otam 540
irug kazi maruvip pAya, peritu ezun'tu,
uru kezu pAnAL varuvana peyartalin,
pal vERu puLLin icai ezun'taRRE,
al agkATi azi taru kampalai.         

 

iravuk kAla n'ilai


oN cuTar uruppu oLi mazugka, cinam taNin'tu,		 545
cenRa jAyiRu, n'an pakal koNTu,
kuTamutal kunRam cEra, kuNamutal,
n'AL mutir matiyam tOnRi, n'ilA viripu,
pakal uru uRRa iravu vara, n'ayan'tOr       
kAtal in tuNai puNarmAr, Ay itazt 550
taN n'aRug kazun'Ir tuNaippa, izai punaiyUu,
n'al n'eTug kUn'tal n'aRu virai kuTaiya,
n'aran'tam araippa, n'aRuj cAn'tu maRuka,
men n'Ul kaligkam kamaz pukai maTuppa,      
peN makizvuRRa piNai n'Okku makaLir 555
n'eTuj cuTar viLakkam koLIi, n'eTu n'akar
ellai ellAm, n'OyoTu pukun'tu,
kallen mAlai, n'Igka

 

parattaiyaratu vAzkkai


                            n'ANuk koLa,
Ez puNar ciRappin in toTaic cIRiyAz,       
tAz peyal kanai kural kaTuppa, paNNup peyarttu, 560
vIz tuNai tazIi, viyal vicumpu kamaza,
n'Ir tiraNTanna kOtai piRakku iTTu,
Ay kOl avir toTi viLagka vIci,
pOtu aviz putu malar teru uTan kamaza,        
mE taku takaiya miku n'alam eyti, 565
perum pal kuvaLaic curumpu paTu pal malar,
tiRan'tu mOn'tanna ciRan'tu kamaz n'ARRattu,
koNTal malarp putal mAnap pU vEyn'tu,
n'uN pUN Akam vaTuk koLa muyagki,         
mAyap poy pala kUTTi, kavavuk karan'tu, 570
cEyarum n'aNiyarum n'alan n'ayan'tu van'ta
iLam pal celvar vaLam tapa vAgki,
n'uN tAtu uNTu, vaRum pUt tuRakkum,
men ciRai vaNTinam mAna, puNarn'tOr  
n'ejcu EmAppa, in tuyil tuRan'tu, 575
pazam tEr vAzkkaip paRavai pOla,
kozug kuTic celvarum piRarum mEeya,
maNam puNarn'tu Ogkiya, aNagkuTai n'al il,
Ay pon avir toTip pAcizai makaLir   
oN cuTar viLakkattu, palar uTan tuvanRi, 580
n'Il n'iRa vicumpil amarn'tanar ATum
vAnava makaLir mAna, kaNTOr
n'ejcu n'aTukkuRUuk koNTi makaLir,
yAma n'al yAz n'AppaN n'inRa             
muzavin makizn'tanar ATi, kuNTu n'Irp 585
panittuRaik kuvavu maNal munaii, men taLirk
kozug kompu kozuti, n'Ir n'anai mEvara,
n'eTun' toTark kuvaLai vaTimpu uRa aTaicci,
maNam kamaz manaitoRum poytal ayara   

 

ONan'AL vizAvil maRavar makizn'tu tirital


kaNam koL avuNark kaTan'ta polan' tAr		 590
mAyOn mEya ONa n'al n'AL,
kONam tinRa vaTu Az mukatta,
cANam tinRa camam tAgku taTak kai,
maRam koL cEri mARu poru ceruvil,          
mARAtu uRRa vaTup paTu n'eRRi, 595
curumpu Ar kaNNip perum pukal maRavar
kaTug kaLiRu OTTalin, kANun'ar iTTa
n'eTug karaik kAzakam n'ilam paral uRuppa,
kaTug kaL tERal makiz ciRan'tu tiritara           

 

putalvarkaLai InRa makaLir n'IrATutal


kaNavar uvappa, putalvarp payan'tu,		 600
paNaittu En'tu iLa mulai amutam URa,
pulavup puniRu tIrn'tu, polin'ta cuRRamoTu,
vaLa manai makaLir kuLan'Ir ayara

 

cUlmakaLir tEvarATTiyuTan n'inRu teyvattiRku
maTai koTuttal


tivavu meyn' n'iRuttuc cevvazi paNNi,           
kural puNar n'al yAz muzavOTu onRi, 605
n'uN n'Ir AkuLi iraTTa, palavuTan,
oN cuTar viLakkam mun'tuRa, maTaiyoTu,
n'al mA mayilin menmela iyali,
kaTujcUl makaLir pENi, kaitozutu,            
perun' tOL cAlini maTuppa 610

 

vElan vazipATum, kuravaik kUttum


                            oru cAr,
arug kaTi vElan murukoTu vaLaii,
arik kUTu in iyam kaRagka, n'Er n'iRuttu,
kAr malark kuRijci cUTi, kaTampin
cIr miku n'eTu vEL pENi, tazUup piNaiyUu,          
manRutoRum n'inRa kuravai 615

 

iravin mutaR cAma n'ikazccikaL muTivu peRutal


                       cEritoRum,
uraiyum pATTum ATTum viraii,
vERu vERu kampalai veRi koLpu mayagki,
pEr icai n'annan peRum peyar n'annAL,
cEri vizavin Arppu ezun'tAgku,
mun'tai yAmam cenRa pinRai                 620

 

iraNTAm cAmattil n'akarin n'ilai


paNilam kali avin'tu aTagka, kAz cAyttu,
n'oTai n'avil n'eTug kaTai aTaittu, maTa matar,
oL izai, makaLir paLLi ayara,
n'al vari iRAal puraiyum mel aTai,
ayir uruppu uRRa ATu amai vicayam              625
kavavoTu piTitta vakai amai mOtakam,
tIm cERRuk kUviyar tUgkuvanar uRagka,
vizavin ATum vayiriyar maTiya,
pATu AnRu avin'ta panik kaTal puraiya,
pAyal vaLarvOr kaN initu maTuppa     630

 

mUnRAm cAma n'ikazccikaL


pAnAL koNTa kagkul iTaiyatu
pEyum aNagkum uruvu koNTu, Ay kOl
kURRak kol tEr, kazutoTu koTpa,
irum piTi mEen' tOl anna iruL cErpu,
kallum maranum tuNikkum kUrmait       635
toTalai vALar, toTutOl aTiyar,
kuRagkiTaip patitta kUr n'unaik kuRumpiTi,
ciRan'ta karumai n'uN vinai n'uNagku aRal,
n'iRam kavarpu punain'ta n'Ilak kaccinar,
men n'Ul ENip pal mAN cuRRinar,      640
n'ilan akaz uLiyar, kalan n'acaiik koTkum,
kaN mARu ATavar oTukkam oRRi,
vayak kaLiRu pArkkum vayap puli pOla,
tujcAk kaNNar, ajcAk koLkaiyar,
aRin'tOr pukazn'ta ANmaiyar, ceRin'ta   645
n'Ul vazip pizaiyA n'uNagku n'uN tErcci
Ur kAppALar, Ukkarug kaNaiyinar,
tEr vazagku teruvil n'Ir tiraNTu ozuka
mazai amain'tu uRRa arain'AL amayamum,
acaivilar ezun'tu, n'ayam van'tu vazagkalin,  650
kaTavuL vazagkum kaiyaRu kagkulum,
accam aRiyAtu Emam Akiya
maRRai yAmam pakal uRak kazippi

 

viTiyalkAlattil maturai mAn'akar


pOtu piNi viTTa kamaz n'aRum poykait
tAtu uN tumpi pOtu muranRAgku,              655
Otal an'taNar vEtam pATa,
cIr initu koNTu, n'arampu initu iyakki,
yAzOr marutam paNNa, kAzOr
kaTug kaLiRu kavaLam kaippa, n'eTun' tErp
paNai n'ilaip puravi pul uNAt teviTTa,             660
pal vERu paNNiyak kaTai mezukku uRuppa,
kaLLOr kaLi n'oTai n'uvala, illOr
n'ayan'ta kAtalar kavavup piNit tujci,
pularn'tu viri viTiyal eyta, virumpi,
kaN porA eRikkum minnuk koTi puraiya,            665
oN pon avir izai tezippa iyali,
tiN cuvar n'al il katavam karaiya,
uNTu makiz taTTa mazalai n'Avin
pazaj cerukkALar tazagku kural tOnRa,
cUtar vAztta, mAkatar n'uvala,                  670
vEtALikaroTu, n'Azikai icaippa,
imiz muracu iragka, ERu mARu cilaippa,
poRi mayir vAraNam vaikaRai iyampa,
yAnaiyagkurukin cEvaloTu kAmar
annam karaiya, aNi mayil akava,              675
piTi puNar perug kaLiRu muzagka, muzu valik
kUTTu uRai vaya mAp puliyoTu kuzuma,
vAnam n'Igkiya n'Il n'iRa vicumpin,
minnu n'imirn'tanaiyar Aki, n'aRavu makizn'tu,
mAN izai makaLir, pulan'tanar, parin'ta      680
parUuk kAz Aram corin'ta muttamoTu,
pon cuTu n'eruppin n'ilam ukkenna,
am men kurumpaik kAy paTupu, piRavum,
taru maNal muRRattu ari jimiRu Arppa,
men pUj cemmaloTu n'an kalam cIppa,    685
iravut talaippeyarum Ema vaikaRai

 

maturaiyin ciRappu


mai paTu perun' tOL mazavar OTTi,
iTaip pulattu ozin'ta En'tu kOTTu yAnai,
pakaip pulam kavarn'ta pAy parip puravi,
vEl kOl Aka, AL cela n'URi,               690
kAy cina munpin kaTug kaN kULiyar
Ur cuTu viLakkin, tan'ta Ayamum,
n'ATuTai n'al eyil aNagkuTait tOTTi,
n'ALtoRum viLagkak kaitozUup pazicci
n'AL tara van'ta vizuk kalam, anaittum,        695
kagkai am pEr yARu kaTal paTarn'tAagku
aLan'tu kaTai aRiyA vaLam kezu tAramoTu,
puttEL ulakam kavinik kANvara,
mikkup pukaz eytiya perum peyar maturai

 

iravil mannan tuyil koLLum n'ilai


cinai talai maNan'ta curumpu paTu cen' tI             		700
oN pUm piNTi avizn'ta kAvil,
cuTar pozin'tu ERiya viLagku katir jAyiRRu
ilagku katir iLaveyil tOnRiyanna,
tamaniyam vaLaiiya tAvu il viLagku izai
n'ilam viLakkuRuppa, mE takap polin'tu,       705
mayil Oranna cAyal, mAvin
taLir Er anna mEni, taLirp puRattu
Irkkin arumpiya titalaiyar, kUr eyiRRu
oN kuzai puNariya vaN tAz kAtin,
kaTavuL kayattu amanRa cuTar itazt tAmarait    710
tAtu paTu perum pOtu puraiyum vAL mukattu,
Ay toTi makaLir n'aRun' tOL puNarn'tu,
kOtaiyin polin'ta cEkkait tujci

 

kAlaiyil ezun'tu, aracarkku uriya kaTan kazittal


tirun'tu tuyil eTuppa initin ezun'tu,
tiN kAz Aram n'Ivi, katir viTum               715
oN kAz Aram kavaiiya mArpin,
varik kaTaip piracam mUcuvana moyppa,
eruttam tAzn'ta viravup pUn' teriyal,
polam ceyap polin'ta n'alam peRu viLakkam
vali kezu taTak kait toTiyoTu cuTar vara,   720
cORu amaivu uRRa n'IruTaik kaligkam,
uTai aNi poliyak kuRaivu inRu kavaii,
vallOn taiiya varip punai pAvai
muruku iyanRanna uruvinai Aki

 

vIrarkaL mannanai vAzttutal


varu punal kal ciRai kaTuppa, iTai aRuttu,    		725
onnAr OTTiya cerup pukal maRavar
vAL valam puNarn'ta n'in tAL valam vAztta

 

ciRan'ta vIrar mutaliyOraik koNara mannan paNittal


'villaik kavaiik, kaNaitAgku mArpin
mA tAgku eRuzt tOL maRavart tammin;
kal iTittu iyaRRiya iTTu vAyk kiTagkina    730
n'al eyil uzan'ta celvart tammin;
kol ERRup pain' tOl cIvAtu pOrtta
mAk kaN muracam Ovu ila kaRagka,
eri n'imirn'tanna tAnai n'AppaN,
peru n'al yAnai pOrkkaLattu oziya,             735
vizumiya vIzn'ta kuricilart tammin;
puraiyOrkkut toTutta polam pUn' tumpai,
">n'Ir yAr?&ennAtu, muRai karutupu cUTTi,
kAz maNTu eHkamoTu kaNai alaik kalagki,
piripu iNai arin'ta n'iRam citai kavayattu,   740
vAnattu anna vaLa n'akar poRpa,
n'On kuRaTTu anna Un cAy mArpin,
uyarn'ta utavi Ukkalart tammin;
n'ivan'ta yAnaik kaNa n'irai kavarn'ta
pularn'ta cAn'tin viravup pUn' teriyal              745
peruj cey ATavart tammin; piRarum
yAvarum varuka; EnOrum tam!' ena

 

mannanatu perug koTai


'varaiyA vAyil ceRAatu' irun'tu,
'pANar varuka! pATTiyar varuka!
yANarp pulavaroTu vayiriyar varuka!&ena      750
irug kiLai purakkum iravalarkku ellAm
koTujci n'eTun' tEr kaLiRRoTum vIci

 

mannanai vAzttutal


kaLamtORum kaL arippa,
maramtORum mai vIzppa,
n'iNa Un cuTTu urukku amaiya,               755
n'ey kanin'tu vaRai Arppa,
kurUuk kuyp pukai mazai magkulin
paran'tu tOnRA, viyal n'akarAl,
pal cAlai mutu kuTumiyin,
n'al vELvit tuRai pOkiya                 760
tol ANai n'al Aciriyar
puNar kUTTu uNTa pukaz cAl ciRappin,
n'ilam taru tiruvin n'eTiyOn pOla,
viyappum, cAlpum, cemmai cAnROr
palar vAyp pukar aRu ciRappin tOnRi,     765
ariya tan'tu kuTi akaRRi,
periya kaRRu icai viLakki,
mun'n'Ir n'AppaN jAyiRu pOlavum,
pal mIn n'aTuvaN tigkaL pOlavum,
pUtta cuRRamoTu polin'tu, initu viLagki,     770
poyyA n'al icai n'iRutta punai tArp
perum peyar mARan talaivanAka,
kaTan'tu aTu vAyvAL iLam pal kOcar,
iyal n'eRi marapin n'in vAymozi kETpa,
polam pUN aivar uTpaTap pukazn'ta              775
maRam miku ciRappin kuRu n'ila mannar
avarum, piRarum, tuvanRi,
poRpu viLagku pukaz avai n'iR pukazn'tu Etta,
ilagku izai makaLir polag kalattu En'tiya
maNam kamaz tERal maTuppa, n'ALum               780
makizn'tu initu uRaimati, peruma!
varain'tu n'I peRRa n'al UziyaiyE!

talaiyAlagkAnattuc ceru venRa pANTiyan n'eTujceziyanai mAgkuTi marutanAr pATiyatu.


maturaik kAjci muRRum

 

tanip pATalkaL

paig kaN iLam pakaTTin mElAnai, pAl mati pOl
tigkaL n'eTug kuTaiyin kIzAnai, - agku iran'tu
n'Am vENTa, n'al n'ejcE! n'ATuti pOy, n'AnilattOr
tAm vENTum kUTal tamiz. 1
col ennum pUm pOtu tORRi, poruL ennum
n'al irun' tIm tAtu n'ARutalAl, - mallikaiyin
vaNTu Ar kamaz tAmam anREmalaiyAta
taN tArAn kUTal tamiz?                   2