211-220 |
211. n'eytal |
yArkku n'on'tu uraikkO yAnE-Ur kaTal |
|
Otam cenRa uppuTaic ceRuvil, |
|
koTug kazi marugkin, irai vETTu ezun'ta |
|
karug kAl kurukin kOL uyn'tu pOkiya |
|
5 |
muTagku puRa iRavin mOvAy ERRai, |
eRi tirai tokutta ekkar n'eTug kOTTut |
|
tuRu kaTaR talaiya tOTu poti tAzai |
|
vaNTu paTu vAn pOtu verUum |
|
tuRai kezu koNkan tuRan'tanan enavE? |
|
varaivu n'ITa orutalai ARRALAm enRa tOzi ciRaippuRamAkat tannuLLE colliyatu.-kOTTiyUr n'allan'taiyAr |
212. pAlai |
pArvai vETTuvan paTu valai verIi, |
|
n'eTug kAl kaNan'tuL am pulampu koL teL viLi |
|
curam cel kOTiyar katumena icaikkum |
|
n'arampoTu koLLum attattu AgkaN |
|
5 |
kaTug kuraR pampaik kata n'Ay vaTukar |
n'eTum perug kunRam n'In'ti, n'am vayin |
|
van'tanar; vAzi-tOzi!-kaiyatai |
|
cem pon kazaltoTi n'Okki, mA makan |
|
kavavuk koL in kural kETToRum, |
|
10 |
avavuk koL manattEm Akiya n'amakkE. |
poruL muTittut talaimakanOTu van'ta vAyilkaLvAy varavu kETTa tOzi talai makaTkuc colliyatu.-kuTavAyiR kIrattanAr |
213. kuRijci |
aruvi Arkkum peru varai n'aNNi, |
|
'kanRu kAlyAtta manRap palavin |
|
vErk koNTu tUgkum kozuj cuLaip perum pazam |
|
kuzavic cEtA mAn'ti, ayalatu |
|
5 |
vEy payil iRumpin Am aRal parukum |
perug kal vElic ciRukuTi yAtu?' ena, |
|
collavum collIr; Ayin, kallena |
|
karuvi mA mazai vIzn'tena, ezun'ta |
|
ceg kEz ATiya cezug kuraR ciRu tinaik |
|
10 |
koy punam kAvalum n'umatO?- |
kOTu En'tu alkul, n'IL tOLIrE! |
|
mati uTanpaTukkum talaimakan colliyatu.-kaccippETTup perun'taccanAr |
214. pAlai |
'icaiyum inpamum Italum mUnRum |
|
acaiyun'ar irun'tOrkku arum puNarvu Inm' ena, |
|
vinaivayin pirin'ta vERupaTu koLkai, |
|
'arumpu aviz alaric curumpu uN pal pOtu |
|
5 |
aNiya varutum, n'in maNi irug katuppu' ena, |
ejcA vajcinam n'ejcu uNak kURi, |
|
mai cUz veRpin malai pala iRan'tu, |
|
cey poruTku akanRa ceyir tIr kAtalar |
|
kELArkollO-tOzi!-tOLa |
|
10 |
ilagku vaLai n'ekiztta kalagku ajar eLLi |
n'akuvatu pOla, minni |
|
Arppatu pOlum ik kArp peyaR kuralE? |
|
ulakiyalAl pirivu uNarttappaTTa talaimakan kuRitta paruvam kaNTu talaimakaL colliyatu.-karuvUrk kOcanAr |
215. n'eytal |
kuNa kaTal ivarn'tu, kurUuk katir parappi, |
|
pakal kezu celvan kuTamalai maRaiya, |
|
pulampu van'tu iRutta punkaN mAlai, |
|
ilagku vaLai makaLir viyal n'akar ayara, |
|
5 |
mIn n'iNam tokutta Un n'ey oN cuTar |
n'Il n'iRap parappil tayagku tirai utaippa; |
|
karai cErpu irun'ta kallen pAkkattu, |
|
inRu n'I ivaNai Aki, emmoTu |
|
tagkin evanOteyya? cegkAl |
|
10 |
koTu muTi av valai pariyap pOkiya |
kOT cuRAk kuRitta munpoTu |
|
vETTam vAyAtu emar vAralarE. |
|
pakaR kuRi van'tu mILvAnai 'avaL ARRum tanmaiyaL allaL;n'Iyir igkut tagkaR pAlIr; emarum innatu oru tavaRRinar' enat tOzi talaimakaRkuc colliyatu. iravuk kuRi maRuttu varaivu kaTAyatUum Am.-maturaic c |
216. marutam |
tuni tIr kUTTamoTu tunnAr Ayinum, |
|
initE, kANun'ark kANpuzi vAztal; |
|
kaNNuRu vizumam kai pOl utavi, |
|
n'am uRu tuyaram kaLaiyAr Ayinum, |
|
5 |
innAtuanRE, avar il UrE; |
eri maruL vEgkaik kaTavuL kAkkum |
|
kuruku Ar kazaniyin itaNattu AgkaN, |
|
EtilALan kavalai kavaRRa, |
|
oru mulai aRutta tirumAvuNNik |
|
10 |
kETTOr anaiyarAyinum, |
vETTOr allatu, piRar innArE. |
|
talaimakaTkup pAgkAyinAr kETpat talaimakan talain'inRu ozukap paTAn'inRa parattai, pANaRkuAyinum viRalikkuAyinum colluvALAy, n'erugkic colliyatu.-maturai marutan iLan'AkanAr |
217. kuRijci |
icai paTa vAzpavar celvam pOlak |
|
kAN toRum poliyum, kataz vAy vEzam, |
|
irug kEz vayap puli verIi, ayalatu |
|
karug kAl vEgkai URupaTa maRali, |
|
5 |
peruj cinam taNiyum kunRan'ATan |
n'ani peritu iniyanAyinum, tuni paTarn'tu |
|
UTal uRuvEn-tOzi!-n'ITu |
|
pulampu cEN akala n'Ikki, |
|
pulavi uNarttal vanmaiyAnE. |
|
talaimakaL vAyil maRuttatu.-kapilar. |
218. n'eytal |
jAyiRu jAnRu katir mazugkinRE; |
|
elliyum, pU vI koTiyin pulampu aTain'tanRE; |
|
vAvalum vayintoRum paRakkum; cEvalum |
|
n'akai vAyk koLIi n'akutoRum viLikkum; |
|
5 |
AyAk kAtaloTu atarp paTat teLittOr |
kURiya paruvam kazin'tanRu; pAriya |
|
parArai vEmpin paTu cinai irun'ta |
|
kurAaR kUkaiyum irAa icaikkum; |
|
AnA n'Oy aTa varun'ti, innum |
|
10 |
tamiyEn kETkuven kollO, |
pariyaraip peNNai anRiR kuralE? |
|
varaiviTai melin'ta talaimakaL vanpuRai etirmozin'tatu.kiTagkil - kAvitik kIragkaNNanAr |
219. n'eytal |
kaNNum tOLum taN n'aRug katuppum |
|
paza n'alam izan'tu pacalai pAya, |
|
in uyir perumpiRitu Ayinum, ennatUum |
|
pulavEn vAzi-tOzi!-ciRu kAl |
|
5 |
alavanoTu peyarum pulavut tirai n'aLi kaTal |
peru mIn koLLum ciRukuTip paratavar |
|
kagkul mATTiya kanai katir oN cuTar |
|
mutirA jAyiRRu etir oLi kaTukkum |
|
kAnal am perun' tuRaic cErppan- |
|
10 |
tAnE yAnE puNarn'tamARE. |
varaiviTai vaittup piriya ARRALAya talaimakaL tOzikkuc colliyatu.-tAyagkaNNanAr |
220. kuRijci |
ciRu maNi toTarn'tu, perug kaccu n'iRIi, |
|
kuRu mukiz erukkag kaNNi cUTi, |
|
uNNA n'al mAp paNNi, emmuTan |
|
maRukuTan tiritarum ciRu kuRumAkkaL, |
|
5 |
peritum cAnROrmanRa-vicipiNi |
muzavuk kaN pularA vizavuTai AgkaN, |
|
'UrEm' ennum ip pEr EmuRun'ar |
|
tAmE oppuravu aRiyin, 'tEmozik |
|
kayal Er uNkaN kuRumakaTku |
|
10 |
ayalOr Akal' enRu emmoTu paTalE! |
kuRai n'Ern'ta tOzi talaimakaLai mukam pukkatu. pinninRa talaimakan tOzi kETpat talaimakaLai OmpaTuttatUum Am.tAn ARRAnAyc colliyatUum Am.-kuNTukaTpAliyAtanAr |