11. n'eytal

	peyyAtu vaikiya kOtai pOla
	mey cAyinai, avar cey kuRi pizaippa;
	uLLi n'otumalar n'Erpu urai teLLitin
	vArAr ennum pulavi uTkoLal
5	ozikamALa n'in n'ejcattAnE;
	puNari poruta pU maNal aTaikarai,
	Azi marugkin alavan Ompi,
	valavan vaLpu Ayn'tu Ura,
	n'ilavu virin'tanRAl kAnalAnE.

38. n'eytal

	vETTam poyyAtu valaivaLamciRappa,
	pATTam poyyAtu paratavar pakara,
	irum panan' tIm pizi uNpOr makizum
	Ar kali yANarttuAyinum, tEr kezu
5	mellam pulampan piriyin, pullenap
	pulampu AkinRE-tOzi! kalagku n'Irk
	kazi cUz paTappaik kANTavAyil,
	oli kAvOlai muL miTai vEli,
	peNNai ivarum AgkaN
10	veN maNaR paTappai, em azugkal UrE.

63. n'eytal

	uravuk kaTal uzan'ta peru valaipparatavar
	miku mIn uNakkiya putu maNal AgkaN,
	kallen cErip pulavaR punnai
	vizavu n'ARu viLagku iNar avizn'tu uTan kamazum
5	azugkal UrO aRan inRu; atanAl,
	aRan il annai arug kaTip paTuppa,
	pacalai Aki viLivatukollO-
	puL uRa ocin'ta pU mayagku aLLal
	kazic curam n'ivakkum iruj ciRai ivuLi
10	tirai taru puNariyin kazUum
	mali tiraic cErppanoTu amain'ta n'am toTarpE?

64. kuRijci

	ennar Ayinum ini n'inaivu ozika!
	annavAka inaiyal-tOzi!-yAm
	innamAka n'at tuRan'tOr n'aTpu evan?
	maral n'Ar uTukkai malai uRai kuRavar
5	aRiyAtu aRutta ciRiyilaic cAn'tam
	vaRanuRRu Ara murukki, paiyena
	maram vaRitAkac cOrn'tu ukkAgku, en
	aRivum uLLamum avar vayin cenRena,
	vaRitAl, ikuLai! en yAkkai; ini avar
10	varinum, n'Oy marun'tu allar; vArAtu
	avaNar Akuka, kAtalar! ivaN n'am
	kAmam paTar aTa varun'tiya
	n'Oy mali varuttam kANanmAr emarE!

74. n'eytal

	vaTik katir tiritta val jANperu valai
	iTik kuraR puNarip pauvattu iTumAr,
	n'iRaiyap peyta ampi, kAzOr
	ciRai arug kaLiRRin, paratavar oyyum
5	ciRu vI jAzaR perug kaTaR cErppanai,
	'EtilALanum' enpa; pOtu aviz
	putu maNaR kAnal punnai n'uN tAtu,
	koNTal acai vaLi tUkkutoRum, kurukin
	veN puRam mociya vArkkum, teN kaTal
10	kaNTal vEliya Ur, 'avan
	peNTu' ena aRin'tanRu; peyarttalO aritE!

131. n'eytal

	ATiya tozilum, alkiya pozilum,
	uLLal AkA uyavu n'ejcamoTu
	UTalum uTaiyamO-uyar maNaR cErppa!
	tirai mutir araiya taTan' tAL tAzaic
5	cuRavu maruppu anna muT tOTu ociya,
	iRavu Ar inak kuruku iRaikoLa irukkum,
	n'aRavu makiz irukkai n'al tErp periyan,
	kaL kamaz, poRaiyARu anna en
	n'al tOL n'ekiza maRattal, n'umakkE?

149. n'eytal

	cilarum palarum kaTaikkaN n'Okki,
	mUkkin uccic cuTTu viral cErtti,
	maRukil peNTir ampal tURRa,
	ciRu kOl valan'tanaL annai alaippa,
5	alan'tanen vAzi-tOzi!-kAnal
	putu malar tINTiya pU n'ARu kurUuc cuval
	kaTu mAn pariya kataz pari kaTaii,
	n'aTu n'AL varUum iyal tErk koNkanoTu
	celavu ayarn'ticinAl, yAnE;
10	alar cuman'tu ozika, iv azugkal UrE!

191. n'eytal

	'ciRu vI jAzal tEn tOy oL iNar
	n'Er izai makaLir vAr maNal izaitta
	vaNTaR pAvai vana mulai muRRattu,
	oN poRic cuNagkin aitu paTat tAam
5	kaNTal vElik kAmar ciRukuTi,
	elli van'tanRO tEr?' enac colli,
	alar ezun'tanRu iv UrE; palaruLum
	en n'OkkinaLE annai; n'ALai
	maNip pU muNTakam koyyEn Ayin,
10	aNik kavin uNmaiyO aritE; maNik kazi
	n'aRum pUg kAnal van'tu, avar
	vaRun' tEr pOtal ataninum aritE.

203. n'eytal

	muzagku tirai kozIiya mUri ekkar,
	taTan' tAT tAzai muLLuTai n'eTun' tOTTu
	aka maTal potuLiya mukai mutir vAn pUg
	kOTu vArn'tanna, veN pUt tAzai
5	eRi tirai utaittalin, pogkit tAtu cOrpu,
	ciRukuTip pAkkattu maRuku pulA maRukkum
	maNam kamaz kAnal, iyain'ta n'am kENmai
	oru n'AL piriyinum uyvu aritu ennAtu,
	kataz pari n'eTun' tEr varavu ANTu azugkac
10	ceyta tan tappal anRiyum,
	uyavup puNarn'tanRu, iv azugkal UrE.

223. n'eytal

	ivaLtan, kAmam perumaiyin, kAlai ennAL; n'in
	anpu peritu uTaimaiyin, aLittal vENTi,
	pakalum varuti, pal pUg kAnal;
	innIr AkalO initAl enin, ivaL
5	alarin arug kaTip paTukuvaL; atanAl
	elli vammO!-mellam pulampa!
	cuRavinam kalitta n'iRai irum parappin
	tuRaiyinum tujcAk kaNNar
	peNTirum uTaittu, iv ampal UrE.

249. n'eytal

	irumpin anna karug kOTTup punnai
	n'Ilattu anna pAcilai akamtoRum,
	veLLi anna viLagku iNar n'AppaN
	ponnin anna n'aRun' tAtu utira,
5	pulip poRik koNTa pU n'ARu kurUuc cuval
	vari vaNTu Utalin, puli cettu verIi,
	pariyuTai vayagku tAL pan'tin tAvat
	tAgkavum takai varai n'illA AgkaN,
	mallal am cEri kallenat tOnRi,
10	ampal mUtUr alar eza,
	cenRatu anRO, koNkan tErE?

254. n'eytal

	vaNTal taiiyum, varu tirai utaittum,
	kunRu Ogku veN maNaR koTi aTumpu koytum,
	tuni il n'almozi iniya kURiyum,
	col etir peRAay uyagki, mellac
5	celIiya cellum oli irum parappa!
	umaNar tan'ta uppu n'oTai n'ellin
	ayini mA inRu arun'ta, n'Ilak
	kaNam n'ARu perun' toTai puraLum mArpin
	tuNai ilai tamiyai cEkkuvai allai-
10	n'Er kaN ciRu taTi n'Irin mARRi,
	vAnam vENTA uzavin em
	kAnal am ciRu kuTic cEn'tanai celinE

278. n'eytal

	paTu kAz n'ARiya parAaraip punnai,
	aTu maral mokkuLin, arumpu vAy aviza,
	ponnin anna tAtu paTu pal malar
	cUTun'ar toTutta miccil kOTutoRum
5	n'ey kani pacug kAy tUgkum tuRaivanai
	ini, aRin'ticinE koNkan Akutal-
	kazic cERu ATiya kaNaik kAl attiri
	kuLampinum cEyiRA oTugkina;
	kOtaiyum ellAm Utai veN maNalE.

287. n'eytal

	'vicumpu uRaz puricai vempa muRRi,
	paig kaN yAnai vEn'tu puRattu iRutta;
	n'al eyiluTaiyOr uTaiyam' ennum
	perun' takai maRavan pOla-koTug kazip
5	pAcaTai n'eytaR pani n'Irc cErppan,
	n'Ama mutalai n'aTugku pakai ajcAn,
	kAmam perumaiyin, van'ta jAnRai-
	arukAtu Aki avankaN n'ejcam
	n'aLLen kagkul puL oli kETToRum,
10	'tEr maNit teL icaikol?' ena,
	Ur maTi kagkulum tuyil maRan'tatuvE.

311. n'eytal

	peyinE, viTu mAn uLaiyin veRuppat tOnRi,
	irug katir n'ellin yANaraHtE:
	vaRappin, mA n'Ir muNTakam tAayc cERu pularn'tu,
	irug kazic ceRuvin veL uppu viLaiyum,
5	aziyA marapin n'am mUtUr n'anRE-
	kozu mIn cuTu pukai maRukinuL mayagki,
	ciRu vI jAzal tuRaiyumAr initE;
	onRE- tOzi!-n'am kAnalatu paziyE:
	karug kOTTup punnai malart tAtu arun'ti,
10	irug kaLip piracam Uta, avar
	n'eTun' tEr in oli kETTalO aritE.

331. n'eytal

	uvar viLai uppin uzAa uzavar
	ozukai umaNar varu patam n'Okki,
	kAnal iTTa kAvaR kuppai,
	pulavu mIn uNagkal paTu puL Oppi,
5	maTa n'Okku AyamoTu uTan Urpu ERi,
	'en'tai timil, itu, n'un'tai timil' ena
	vaLai n'Ir vETTam pOkiya kiLaijar
	tiN timil eNNum taN kaTaR cErppa!
	initEteyya, em munivu il n'al Ur;
10	ini, varin tavaRum illai: enaiyatUum
	piRar piRar aRital yAvatu-
	tamar tamar aRiyAc cEriyum uTaittE.

354. n'eytal

	tAn atu poRuttal yAvatu-kAnal
	ATu arai ozitta n'ITu irum peNNai
	vIz kAvOlaic cUz ciRai yAtta
	kAnal n'aNNiya vAr maNal munRil,
5	elli anna iruL n'iRap punnai
	n'al arai muzumutal av vayin toTutta
	tUgkal ampit tUval am cErppin,
	kaTu veyil kotitta kal viLai uppu
	n'eTu n'eRi ozukai n'irai celap pArppOr
10	aLam pOku Akulam kaTuppa,
	kauvai AkinRatu, aiya! n'in n'aTpE?

363. n'eytal

	'kaNTal vElik kazi cUz paTappait
	teN kaTal n'ATTuc celven yAn' ena
	viyam koNTu EkinaiAyin, enaiyatUum
	uRu vinaikku acAvA ulaivu il kammiyan
5	poRi aRu piNaik kUTTum tuRai maNal koNTu
	vammO-tOzi!-mali n'Irc cErppa-
	pain' tazai citaiya, kOtai vATa,
	n'annar mAlai, n'erun'ai, n'innoTu
	cila viLagku el vaLai jekiza,
10	alavan ATTuvOL cilampu jemirn'tu enavE.

372. n'eytal

	azitakkanRE-tOzi!-kazi cErpu
	kAnaR peNNait tEnuTai azi pazam,
	vaL itaz n'eytal varun'ta, mUkku iRupu,
	aLLal iruj cERRu Azap paTTena,
5	kiLaik kuruku iriyum tuRaivan vaLaik kOTTu
	anna veN maNaRRu akavayin, vETTa
	aNNal uLLamoTu amarn'tu, initu n'Okki,
	annai tan'ta alagkal vAn kOTu
	ulain'tAgku n'Otal ajci, 'aTain'tataRku
10	inaiyal ennum' enpa-manai irun'tu,
	irug kazi tuzavum panit talaip paratavar
	tiN timil viLakkam eNNum
	kaNTal vElik kazi n'al UrE.

378. n'eytal

	yAmamum n'eTiya kaziyum; kAmamum
	kaNpaTal IyAtu perukum; teN kaTal
	muzagku tirai, muzavin pANiyin, paipaya,
	pazam puN uRun'arin, paravaiyin Alum;
5	Agku avai n'aliyavum, n'Igki yAgkum,
	iravu iRan'tu, ellai tOnRalatu; alar vAy
	ayal iR peNTir pacalai pATa,
	Igku AkinRAl-tOzi!-Ogku maNal
	vari Ar ciRu manai citaii van'tu,
10	parivutarat toTTa paNimozi n'ampi,
	pATu imiz pani n'Irc cErppanoTu
	n'ATAtu iyain'ta n'aNpinatu aLavE.