kaNNum tOLum.....titalai

84. pAlai
kaNNum, tOLum, taN n'aRugkatuppum,
titalai alkulum pala pArATTi,
n'erun'alum ivaNar mannE! inRE,
peru n'Ir oppin pEey veN tEr
5
maran il n'IL iTai mAn n'acaiyuRUum,
cuTumaN tacumpin mattam tinRa
piRavA veNNey uruppu iTan'tanna
uvar ezu kaLari Omai am kATTu,
veyil vIRRirun'ta vempu alai aruj curam
10
Ekuvar enpa, tAmE-tamvayin
iran'tOr mARRal ARRA
illin vAzkkai vallAtOrE.

piriviTai ARRALAya talaivi tOzikkuc colliyatu.