panai (peNNai)

38. n'eytal

vETTam poyyAtu valaivaLamciRappa,

pATTam poyyAtu paratavar pakara,

irum panan' tIm pizi uNpOr makizum

Ar kali yANarttuAyinum, tEr kezu

5

mellam pulampan piriyin, pullenap

pulampu AkinRE-tOzi! kalagku n'Irk

kazi cUz paTappaik kANTavAyil,

oli kAvOlai muL miTai vEli,

peNNai ivarum AgkaN

10

veN maNaR paTappai, em azugkal UrE.

talaivi vanpuRai etir azin'tu colliyatu.-ulOccanAr

90. marutam

ATu iyal vizavin azugkal mUtUr,

uTaiyOr panmaiyin perug kai tUvA,

vaRan il pulaitti ellit tOytta

pukAp pukar koNTa pun pUg kaligkamoTu

5

vATA mAlai tuyalvara, OTi,

perug kayiRu n'Alum irum panam piNaiyal

pUg kaN Ayam Ukka, UgkAL,

azutanaL peyarum am cil Oti,

n'alkUr peNTin, cil vaLaik kuRumakaL

10

Ucal uRu tozil pUcal kUTTA

n'ayan il mAkkaLoTu kezIi,

payan inRu amma, iv vEn'tuTai avaiyE!

tOzi, talaimakaLukku uraippALAy, pANanai n'erugki vAyilmaRuttatu.-ajcil ajciyAr

123. n'eytal

uraiyAy-vAzi, tOzi!-irug kazi

irai Ar kurukin n'irai paRait tozuti

vAgku maTaR kuTampai, tUgku iruL tuvanRum

peNNai Ogkiya veN maNaR paTappai,

5

kAnal AyamoTu kAlaik kuRRa

kaL kamaz alara taN n'aRug kAvi

am pakai n'eRit tazai aNipeRat taii,

vari punai ciRRil pari ciRan'tu OTi,

pulavut tirai utaitta koTun' tAT kaNTal

10

cErppu Er Ir aLai alavan pArkkum

ciRu viLaiyATalum azugki,

n'inaikkuRu perun' tuyaram Akiya n'OyE.

talaivanciRaippuRattAnAka, tOzi talaivikku uraippALAyccolliyatu.- kAjcip pulavanAr

126. pAlai

paig kAy n'al iTam orIiya cegkAyk

karug kaLi In'tin veN puRak kaLari

iTu n'IRu ATiya kaTu n'aTai oruttal

AL peRal n'acaii, n'AL curam vilagki,

5

tunaitarum vampalark kANAtu, ac cinam

panaik kAnRu ARum pAz n'ATTu attam,

iRan'tu cey poruLum inpam tarum enin,

iLamaiyin ciRan'ta vaLamaiyum illai;

iLamai kazin'ta pinRai, vaLamai

10

kAmam tarutalum inRE; atanAl,

n'illAp poruT piNic cERi;

vallE-n'ejcam!-vAykka n'in vinaiyE!

poruL valitta n'ejcinait talaivan n'erugkic celavu azugkiyatu.

135. n'eytal

tUgkal Olai Ogku maTaR peNNai

mA arai putaitta maNal mali munRil,

varaiyAt tAram varu virun'tu ayarum

taN kuTi vAzn'ar am kuTic cIRUr

5

initu manRamma tAnE-pani paTu

pal curam uzan'ta n'alkUr pariya,

muzagku tiraip putu maNal azun'tak koTkum,

vAl uLaip polin'ta, puravit

tErOr n'ammoTu n'akAa UgkE.

'varaivu n'ITTippa alar Am' enak kavanRa tOzi ciRaippuRamAkaccolliyatu.-katappiLLaiyAr

199. n'eytal

Ogku maNal uTutta n'eTu mAp peNNai

vIgku maTal kuTampaip paital veN kuruku,

n'aLLen yAmattu, uyavutORu uruki,

aLLal anna en uLLamoTu uL uTain'tu,

5

uLenE-vAzi, tOzi! vaLai n'Irk

kaTuj cuRA eRin'ta koTun' timiR paratavar

vAgku vicait tUNTil UgkuUgku Aki,

vaLi porak kaRRai tAay, n'aLi cuTar,

n'Il n'iRa vicumpin mInoTu puraiya,

10

paipaya imaikkum tuRaivan

mey tOy muyakkam kANA UgkE!

vanpuRai etirazin'tatu.-pEri cAttanAr

218. n'eytal

jAyiRu jAnRu katir mazugkinRE;

elliyum, pU vI koTiyin pulampu aTain'tanRE;

vAvalum vayintoRum paRakkum; cEvalum

n'akai vAyk koLIi n'akutoRum viLikkum;

5

AyAk kAtaloTu atarp paTat teLittOr

kURiya paruvam kazin'tanRu; pAriya

parArai vEmpin paTu cinai irun'ta

kurAaR kUkaiyum irAa icaikkum;

AnA n'Oy aTa varun'ti, innum

10

tamiyEn kETkuven kollO,

pariyaraip peNNai anRiR kuralE?

varaiviTai melin'ta talaimakaL vanpuRai etirmozin'tatu.kiTagkil - kAvitik kIragkaNNanAr

303. n'eytal

oli avin'tu aTagki, yAmam

n'aLLena,

kali kezu pAkkam tuyil maTin'tanRE;

tonRu uRai kaTavuL cErn'ta parArai

5

manRap peNNai vAgku maTaR kuTampait

tuNai puNar anRil uyavuk kural kETToRum,

'tujcAk kaNNaL, tuyar aTac cAay,

n'amvayin varun'tum, n'annutal' enpatu

uNTukol?-vAzi, tOzi!-teN kaTal

10

van kaip paratavar iTTa ceg kOl

koTu muTi av valai pariyap pOkki,

kaTu muraN eRi cuRA vazagkum

n'eTun'Irc cErppantan n'ejcattAnE.

vETkai tAgkakillALAyt tOzikkut talaimakaL colliyatu;ciRaippuRattAn enpatu malin'tatUum Am.-maturai Arulaviyan'ATTu AlampEri cAttanAr

323. n'eytal

Ogkit tOnRum, tIm kaL peNNai

n'aTuvaNatuvEteyya-maTavaral

Ayamum yAnum aRiyAtu avaNam

Aya n'aTpin mAN n'alam ozin'tu, n'in

5

kiLaimai koNTa vaLai Ar munkai

n'allOL tan'tai ciRukuTip pAkkam:

puli varipu ekkarp punnai utirtta

mali tAtu Utum tEnOTu onRi,

vaNTu imir in icai kaRagka, tiN tErt

10

teri maNi kETTalum aritE;

varum ARu Itu; avaN maRavAtImE.

tOzi iravukkuRi n'Ern'tatu.- vaTama vaNNakkan pEricAttanAr

335. n'eytal

tigkaLum tikaz vAn Ertarum; imiz n'Irp

pogku tiraip puNariyum pATu OvAtE;

oli ciRan'tu Otamum peyarum; mali punaR

pal pUg kAnal muL ilait tAzai

5

cORu cori kuTaiyin kUmpu mukai aviza,

vaLi paran'tu UTTum viLivu il n'ARRamoTu

mai irum panaimicaip paitala uyavum

anRilum enpuRa n'aralum; anRi,

viral kavarn'tu uzan'ta kavarvin n'al yAz

10

yAmam uyyAmai n'inRanRu;

kAmam peritE; kaLaijarO ilarE!

kAmam mikka kazipaTarkiLavi mitUrn'tu talaimakaL colliyatu.- veLLivItiyAr

338. n'eytal

kaTug katir jAyiRu malai maRain'tanRE;

aTumpu koTi tumiya Azi pOzn'tu, avar

n'eTun' tEr in oli iravum tOnRA;

iRappa evvam n'aliyum, n'in n'ilai;

5

'n'iRuttal vENTum' enRi; n'ilaippa

yAgganam viTumO maRRE!-mAl koLa

viyal irum parappin irai ezun'tu arun'tupu,

pulavu n'ARu ciRukuTi manRattu Ogkiya

ATu araip peNNait tOTu maTal ERi,

10

koTu vAyp pETaik kuTampaic cEriya,

uyir celak kaTaiip puNar tuNaip

payirtal AnA, paital am kurukE?

oruvazit taNan'ta kAlai ARRAta talaimakaL vanpuRai etirmozin'tatu.-maturai Arulaviya n'ATTu AlampEri cAttanAr

354. n'eytal

tAn atu poRuttal yAvatu-kAnal

ATu arai ozitta n'ITu irum peNNai

vIz kAvOlaic cUz ciRai yAtta

kAnal n'aNNiya vAr maNal munRil,

5

elli anna iruL n'iRap punnai

n'al arai muzumutal av vayin toTutta

tUgkal ampit tUval am cErppin,

kaTu veyil kotitta kal viLai uppu

n'eTu n'eRi ozukai n'irai celap pArppOr

10

aLam pOku Akulam kaTuppa,

kauvai AkinRatu, aiya! n'in n'aTpE?

tOziyAl ceRippu aRivuRIi varaivu kaTAyatu; manaivayin tOziyait talaimakan pukazn'tARku maRuttuc colliyatUum Am.- ulOccanAr

392. n'eytal

kaTuj cuRA eRin'ta koTun' tAT tan'tai

puL imiz perug kaTal koLLAn cenRena,

manai azutu ozin'ta pun talaic ciRAar

tuNaiyatin muyanRa tIm kaN n'ugkin

5

paNai koL vem mulai pATu peRRu uvakkum,

peNNai vEli, uzai kaN cIRUr

n'al manai aRiyin, n'anRumantilla;

cemmal n'ejcamoTu tAm van'tu peyarn'ta

kAnaloTu aziyun'ar pOlAm-pAnAL,

10

muni paTar kaLaiyinum kaLaipa;

n'ani pEr anpinar kAtalOrE.

iravukkuRi mukampukkatu; varaivu n'ITa ARRALAya talaimakaLait tOzi varaivu uNartti vaRpuRuttiyatUum Am.-maturai marutan iLan'AkanAr

	vETTam poyyAtu valaivaLamciRappa,
	pATTam poyyAtu paratavar pakara,
	irum panan' tIm pizi uNpOr makizum
	Ar kali yANarttuAyinum, tEr kezu
5	mellam pulampan piriyin, pullenap
	pulampu AkinRE-tOzi! kalagku n'Irk
	kazi cUz paTappaik kANTavAyil,
	oli kAvOlai muL miTai vEli,
	peNNai ivarum AgkaN
10	veN maNaR paTappai, em azugkal UrE.

	ATu iyal vizavin azugkal mUtUr,
	uTaiyOr panmaiyin perug kai tUvA,
	vaRan il pulaitti ellit tOytta
	pukAp pukar koNTa pun pUg kaligkamoTu
5	vATA mAlai tuyalvara, OTi,
	perug kayiRu n'Alum irum panam piNaiyal
	pUg kaN Ayam Ukka, UgkAL,
	azutanaL peyarum am cil Oti,
	n'alkUr peNTin, cil vaLaik kuRumakaL
10	Ucal uRu tozil pUcal kUTTA
	n'ayan il mAkkaLoTu kezIi,
	payan inRu amma, iv vEn'tuTai avaiyE!

	uraiyAy-vAzi, tOzi!-irug kazi
	irai Ar kurukin n'irai paRait tozuti
	vAgku maTaR kuTampai, tUgku iruL tuvanRum
	peNNai Ogkiya veN maNaR paTappai,
5	kAnal AyamoTu kAlaik kuRRa
	kaL kamaz alara taN n'aRug kAvi
	am pakai n'eRit tazai aNipeRat taii,
	vari punai ciRRil pari ciRan'tu OTi,
	pulavut tirai utaitta koTun' tAT kaNTal
10	cErppu Er Ir aLai alavan pArkkum
	ciRu viLaiyATalum azugki,
	n'inaikkuRu perun' tuyaram Akiya n'OyE.

	paig kAy n'al iTam orIiya cegkAyk
	karug kaLi In'tin veN puRak kaLari
	iTu n'IRu ATiya kaTu n'aTai oruttal
	AL peRal n'acaii, n'AL curam vilagki,
5	tunaitarum vampalark kANAtu, ac cinam
	panaik kAnRu ARum pAz n'ATTu attam,
	iRan'tu cey poruLum inpam tarum enin,
	iLamaiyin ciRan'ta vaLamaiyum illai;
	iLamai kazin'ta pinRai, vaLamai
10	kAmam tarutalum inRE; atanAl,
	n'illAp poruT piNic cERi;
	vallE-n'ejcam!-vAykka n'in vinaiyE!

	tUgkal Olai Ogku maTaR peNNai
	mA arai putaitta maNal mali munRil,
	varaiyAt tAram varu virun'tu ayarum
	taN kuTi vAzn'ar am kuTic cIRUr
5	initu manRamma tAnE-pani paTu
	pal curam uzan'ta n'alkUr pariya,
	muzagku tiraip putu maNal azun'tak koTkum,
	vAl uLaip polin'ta, puravit
	tErOr n'ammoTu n'akAa UgkE.

	Ogku maNal uTutta n'eTu mAp peNNai
	vIgku maTal kuTampaip paital veN kuruku,
	n'aLLen yAmattu, uyavutORu uruki,
	aLLal anna en uLLamoTu uL uTain'tu,
5	uLenE-vAzi, tOzi! vaLai n'Irk
	kaTuj cuRA eRin'ta koTun' timiR paratavar
	vAgku vicait tUNTil UgkuUgku Aki,
	vaLi porak kaRRai tAay, n'aLi cuTar,
	n'Il n'iRa vicumpin mInoTu puraiya,
10	paipaya imaikkum tuRaivan
	mey tOy muyakkam kANA UgkE!

	jAyiRu jAnRu katir mazugkinRE;
	elliyum, pU vI koTiyin pulampu aTain'tanRE;
	vAvalum vayintoRum paRakkum; cEvalum
	n'akai vAyk koLIi n'akutoRum viLikkum;
5	AyAk kAtaloTu atarp paTat teLittOr
	kURiya paruvam kazin'tanRu; pAriya
	parArai vEmpin paTu cinai irun'ta
	kurAaR kUkaiyum irAa icaikkum;
	AnA n'Oy aTa varun'ti, innum
10	tamiyEn kETkuven kollO,
	pariyaraip peNNai anRiR kuralE?

	oli avin'tu aTagki, yAmam
	n'aLLena,
	kali kezu pAkkam tuyil maTin'tanRE;
	tonRu uRai kaTavuL cErn'ta parArai
5	manRap peNNai vAgku maTaR kuTampait
	tuNai puNar anRil uyavuk kural kETToRum,
	'tujcAk kaNNaL, tuyar aTac cAay,
	n'amvayin varun'tum, n'annutal' enpatu
	uNTukol?-vAzi, tOzi!-teN kaTal
10	van kaip paratavar iTTa ceg kOl
	koTu muTi av valai pariyap pOkki,
	kaTu muraN eRi cuRA vazagkum
	n'eTun'Irc cErppantan n'ejcattAnE.

	Ogkit tOnRum, tIm kaL peNNai
	n'aTuvaNatuvEteyya-maTavaral
	Ayamum yAnum aRiyAtu avaNam
	Aya n'aTpin mAN n'alam ozin'tu, n'in
5	kiLaimai koNTa vaLai Ar munkai
	n'allOL tan'tai ciRukuTip pAkkam:
	puli varipu ekkarp punnai utirtta
	mali tAtu Utum tEnOTu onRi,
	vaNTu imir in icai kaRagka, tiN tErt
10	teri maNi kETTalum aritE;
	varum ARu Itu; avaN maRavAtImE.

	tigkaLum tikaz vAn Ertarum; imiz n'Irp
	pogku tiraip puNariyum pATu OvAtE;
	oli ciRan'tu Otamum peyarum; mali punaR
	pal pUg kAnal muL ilait tAzai
5	cORu cori kuTaiyin kUmpu mukai aviza,
	vaLi paran'tu UTTum viLivu il n'ARRamoTu
	mai irum panaimicaip paitala uyavum
	anRilum enpuRa n'aralum; anRi,
	viral kavarn'tu uzan'ta kavarvin n'al yAz
10	yAmam uyyAmai n'inRanRu;
	kAmam peritE; kaLaijarO ilarE!

	kaTug katir jAyiRu malai maRain'tanRE;
	aTumpu koTi tumiya Azi pOzn'tu, avar
	n'eTun' tEr in oli iravum tOnRA;
	iRappa evvam n'aliyum, n'in n'ilai;
5	'n'iRuttal vENTum' enRi; n'ilaippa
	yAgganam viTumO maRRE!-mAl koLa
	viyal irum parappin irai ezun'tu arun'tupu,
	pulavu n'ARu ciRukuTi manRattu Ogkiya
	ATu araip peNNait tOTu maTal ERi,
10	koTu vAyp pETaik kuTampaic cEriya,
	uyir celak kaTaiip puNar tuNaip
	payirtal AnA, paital am kurukE?

	tAn atu poRuttal yAvatu-kAnal
	ATu arai ozitta n'ITu irum peNNai
	vIz kAvOlaic cUz ciRai yAtta
	kAnal n'aNNiya vAr maNal munRil,
5	elli anna iruL n'iRap punnai
	n'al arai muzumutal av vayin toTutta
	tUgkal ampit tUval am cErppin,
	kaTu veyil kotitta kal viLai uppu
	n'eTu n'eRi ozukai n'irai celap pArppOr
10	aLam pOku Akulam kaTuppa,
	kauvai AkinRatu, aiya! n'in n'aTpE?

	kaTuj cuRA eRin'ta koTun' tAT tan'tai
	puL imiz perug kaTal koLLAn cenRena,
	manai azutu ozin'ta pun talaic ciRAar
	tuNaiyatin muyanRa tIm kaN n'ugkin
5	paNai koL vem mulai pATu peRRu uvakkum,
	peNNai vEli, uzai kaN cIRUr
	n'al manai aRiyin, n'anRumantilla;
	cemmal n'ejcamoTu tAm van'tu peyarn'ta
	kAnaloTu aziyun'ar pOlAm-pAnAL,
10	muni paTar kaLaiyinum kaLaipa;
	n'ani pEr anpinar kAtalOrE.