kuruku (n'Arai)

4. n'eytal
kAnal am ciRukuTik kaTal mEm paratavar
n'Il n'iRa punnaik kozu n'izal acaii,
taN perum parappin oN patam n'Okki,
am kaN aril valai uNakkum tuRaivanoTu,
5
'alarE annai aRiyin, ivaN uRai vAzkkai
ariya Akum n'amakku' enak kURin,
koNTum celvarkol-tOzi!-umaNar
veN kal uppin koLLai cARRi,
kaNa n'irai kiLarkkum n'eTu n'eRic cakaTam
10
maNal maTuttu uraRum Ocai kazanik
karug kAl veN kuruku verUum
irug kazic cErppin tam uRaivin UrkkE?

talaivan ciRaippuRattAnAka, tOzi alar accam tOnRac colli varaivu kaTAyatu.-ammUvanAr

27. n'eytal
n'Iyum yAnum, n'erun'al, pUvin
n'uN tAtu uRaikkum vaNTinam Oppi,
ozi tirai varitta veN maNal aTaikaraik
kazi cUz kAnal ATiyatu anRi,
5
karan'tu n'Am ceytatu onRu illai; uNTu enin,
paran'tu piRar aRin'tanRum ilarE-n'anRum
evan kuRittanaL kol, annai?-kayan'tORu
iRa Ar inak kuruku olippa, cuRavam
kazi cEr marugkin kaNaik kAl n'ITi,
10
kaN pOl pUttamai kaNTu, 'n'uN pala
ciRu pAcaTaiya n'eytal
kuRumO, cenRu' enak kURAtOLE.

ciRaippuRamAkattOzi ceRippu aRivuRIiyatu.-kuTavAyiR kIrattanAr

31. n'eytal
mA irum parappakam tuNiya n'Okki,
cEyiRA eRin'ta ciRu veN kAkkai
pAy irum panik kazi tuzaii, paig kAl
tAn vIz peTaikkup payiriTUu, curakkum
5
ciRu vI jAzal tuRaiyumAr initE;
perum pulampu uRRa n'ejcamoTu, pala n'inain'tu,
yAnum inaiyEn-Ayin, AnAtu
vERu pal n'ATTil kAl tara van'ta
pala uRu paNNiyam izitaru n'ilavumaNal
10
n'eTuj cinaip punnaik kaTuj cUl veN kuruku
ulavut tirai Otam verUum
uravu n'Irc cErppanoTu maNavA UgkE.

talaivanciRaippuRattAnAka, talaivi vanpuRai etir azin'tatu.-n'akkIranAr

35. n'eytal
pogku tirai poruta vAr maNal aTaikaraip
pun kAl n'Aval potip puRa irug kani
kiLai cettu moytta tumpi, pazam cettup
pal kAl alavan koNTa kOTku acAn'tu,
5
koLLA n'arampin imirum pUcal
irai tEr n'Arai eyti viTukkum
tuRai kezu mAn'tai anna ivaL n'alam
paNTum iRRE; kaNTicinteyya;
uzaiyin pOkAtu aLippinum, ciRiya
10
jekizn'ta kavin n'alamkollO?-makizn'tOr
kaLkaLi cerukkattu anna
kAmamkol?-ivaL kaN pacan'tatuvE!

maNa manaippiRRaijAnRu pukka tOzi, 'n'anku ARRuvittAy' enRa talaimakaRkuc colliyatu.-ammUvanAr

54. n'eytal
vaLai n'Ir mEyn'tu, kiLai mutalcelIi,
vAp paRai virumpinaiAyinum, tUc ciRai
irum pulA arun'tum n'in kiLaiyoTu ciRitu irun'tu-
karug kAl veN kuruku!-enava kENmati:
5
perum pulampinRE, ciRu pun mAlai;
atu n'I aRiyin, anpumAr uTaiyai;
n'otumal n'ejcam koLLAtu, en kuRai
iRRAgku uNara uraimati-tazaiyOr
koykuzai arumpiya kumari jAzal
10
teN tirai maNip puRam taivarum
kaNTal vEli n'um tuRai kizavORkE!

kAmam mikka kazipaTarkiLavi.-cEn'tag kaNNanAr

67. n'eytal
cEy vicumpu ivarn'ta cezug katir maNTilam
mAl varai maRaiya, tuRai pulampinRE;
iRavu arun'ti ezun'ta karug kAl veN kuruku
veN kOTTu aruj ciRait tAay, karaiya
5
karug kOTTup punnai iRaikoNTanavE;
kaNaik kAl mA malar karappa, malku kazit
tuNaic cuRA vazagkalum vazagkum; AyiTai,
el imiz panik kaTal, malku cuTark koLIi,
emarum vETTam pukkanar; atanAl,
10
tagkin evanOteyya-pogku picir
muzavu icaip puNari ezutarum
uTai kaTaR paTappai em uRaivin UrkkE?

pakaRkuRi van'tu n'Igkum talaimakanait tOzi varaivu kaTAyatu.-pEri cAttanAr

70. marutam
ciRu veLLAgkurukE! ciRu veLLAgkurukE!
tuRai pOku aRuvait tU maTi anna
n'iRam kiLar tUvic ciRu veLLAgkurukE!
em Ur van'tu, em uNtuRait tuzaii,
5
cinaik keLiRRu Arkaiyai avar Urp peyarti,
anaiya anpinaiyO, peru maRaviyaiyO-
AgkaN tIm punal IgkaN parakkum
kazani n'al Ur makizn'arkku en
izai n'ekiz paruvaral ceppAtOyE!

kAmam mikka kazipaTarkiLavi.-veLLi vItiyAr

74. n'eytal
vaTik katir tiritta val jANperu valai
iTik kuraR puNarip pauvattu iTumAr,
n'iRaiyap peyta ampi, kAzOr
ciRai arug kaLiRRin, paratavar oyyum
5
ciRu vI jAzaR perug kaTaR cErppanai,
'EtilALanum' enpa; pOtu aviz
putu maNaR kAnal punnai n'uN tAtu,
koNTal acai vaLi tUkkutoRum, kurukin
veN puRam mociya vArkkum, teN kaTal
10
kaNTal vEliya Ur, 'avan
peNTu' ena aRin'tanRu; peyarttalO aritE!

talaivi pANaRku vAyilmaRuttatu.-ulOccanAr

91. n'eytal
n'I uNarn'tanaiyE-tOzi!-vI ukap
punnai pUtta in n'izal uyar karaip
pATu imiz panik kaTal tuzaii, peTaiyOTu
uTagku irai tErum taTan' tAL n'Arai
5
aiya ciRu kaN ceg kaTaic ciRu mIn,
mEkku uyar cinaiyin mImicaik kuTampai,
tAyp payir piLLai vAyp paTac coriyum
kAnal am paTappai AnA vaN makizp
peru n'al Ikai n'am ciRu kuTip poliya,
10
puL uyirk koTpin vaL uyir maNit tArk
kaTu mAp pUNTa n'eTun' tEr
n'eTu n'Irc cErppan pakal ivaN varavE?

tOzi, talaimakaTku varaivu malin'tu uraittatu.-picirAn'taiyAr

123. n'eytal
uraiyAy-vAzi, tOzi!-irug kazi
irai Ar kurukin n'irai paRait tozuti
vAgku maTaR kuTampai, tUgku iruL tuvanRum
peNNai Ogkiya veN maNaR paTappai,
5
kAnal AyamoTu kAlaik kuRRa
kaL kamaz alara taN n'aRug kAvi
am pakai n'eRit tazai aNipeRat taii,
vari punai ciRRil pari ciRan'tu OTi,
pulavut tirai utaitta koTun' tAT kaNTal
10
cErppu Er Ir aLai alavan pArkkum
ciRu viLaiyATalum azugki,
n'inaikkuRu perun' tuyaram Akiya n'OyE.

talaivanciRaippuRattAnAka, tOzi talaivikku uraippALAyccolliyatu.- kAjcip pulavanAr

127. n'eytal
irug kazi tuzaiiya Irm puRa n'Arai
iRa eRi tivalaiyin panikkum pAkkattu,
uvan varin, evanO?-pANa!-pEtai
kozu mIn Arkaic cezu n'akar n'iRain'ta
5
kallAk katavar tan aiyar Akavum,
vaNTal AyamoTu paNTu tAn ATiya
InAp pAvai talaiyiTTu Orum,
'mellam pulampan anRiyum,
celvAm' ennum, 'kAnalAnE'.

pANaRkut tOzi vAyil maRuttatu.-cIttalaic cAttanAr

131. n'eytal
ATiya tozilum, alkiya pozilum,
uLLal AkA uyavu n'ejcamoTu
UTalum uTaiyamO-uyar maNaR cErppa!
tirai mutir araiya taTan' tAL tAzaic
5
cuRavu maruppu anna muT tOTu ociya,
iRavu Ar inak kuruku iRaikoLa irukkum,
n'aRavu makiz irukkai n'al tErp periyan,
kaL kamaz, poRaiyARu anna en
n'al tOL n'ekiza maRattal, n'umakkE?

maNamanaiyil piRRai jAnRu pukka tOziyait talaivan, 'vERupaTAmai ARRuvittAy; periyai kAN' enRARkut tOzi colliyatu.-ulOccanAr

138. n'eytal
uvar viLai uppin kunRu pOlkuppai
malai uyttup pakarum, n'ilaiyA vAzkkai,
kaNam koL umaNar uyagkuvayin ozitta
paN azi pazam pAr veN kuruku Inum
5
taNNam tuRaivan, mun n'AL, n'ammoTu
pAcaTaik kalitta kaNaik kAl n'eytal
pUvuTan n'eRitaru toTalai taii,
kaN aRivuTaimai allatu, n'uN vinai
izai aNi alkul vizavu ATu makaLir
10
muzagku tirai in cIr tUgkum
azugkal mUtUr aRin'tanRO inRE.

'alar AyiRRu' ena ARRALAya talaimakaTkut talaivan ciRaippuRamAkat tOzi colliyatu.-ammUvanAr

167. n'eytal
karug kOTTup punnaik kuTakku vAgku peruj cinai
virun'tin veN kuruku Arppin, Aay
vaN makiz n'ALavaip paricil peRRa
paN amai n'eTun' tErp pANiyin, olikkum
5
taNNam tuRaivan tUtoTum van'ta
payan teri panuvaR pai tIr pANa!
n'in vAyp paNi mozi kaLaiyA-pal mAN
putu vI jAzaloTu punnai tAam
maNam kamaz kAnal, mAN n'alam izan'ta
10
iRai Er el vaLaik kuRumakaL
piRai Er tiru n'utal pAaya pacappE.

tOzi pANaRku vAyil maRuttatu; tUtoTu van'ta pANaRkuc colliyatUum Am.

178. n'eytal
ATu amai Akkam aitu picain'tanna
tOTu amai tUvit taTan' tAL n'Arai
n'alan uNappaTTa n'alkUr pETai
kazi peyar marugkil ciRu mIn uNNAtu,
5
kaitai am paTu cinaip pulampoTu vatiyum
taNNam tuRaivan tErE kaNNin
kANavum iyain'tanRu mannE; n'ANi
n'aLLen yAmattum kaN paTai peREen;
puL oli maNi cettu Orppa,
10
viLin'tanRumAtu, avart teLin'ta en n'ejcE.

ciRaippuRamAkat tOzi ceRippu aRivuRIiyatu.

180. marutam
pazanap pAkal muyiRu mUcu kuTampai
kazani n'Arai uraittalin, cen'n'el
viravu veLLariciyin tAam Uran
palarp peRal n'acaii, n'am il vAralanE;
5
mAyOL, n'alattai n'ampi viTal ollALE
anniyum periyan; avaninum vizumiya
iru peru vEn'tar, poru kaLattu ozitta
punnai vizumam pOla,
ennoTu kaziyum-iv iruvaratu ikalE.

talaimakaRku vAyil n'Ern'ta tOzi talaimakaLiTattup poRAmai kaNTu colliyatu.

183. n'eytal
tam n'ATTu viLain'ta veNNel tan'tu,
piRa n'ATTu uppin koLLai cARRi,
n'eTu n'eRi ozukai n'ilavu maNal n'In'ti,
avaN uRai munin'ta okkaloTu pulam peyarn'tu,
5
umaNar pOkalum innAtAkum-
maTavai manRa-koNka!-vayintORu
innAtu alaikkum UtaiyoTu Orum
n'um il pulampin mAlaiyum uTaittE;
ina mIn Arn'ta veN kuruku mititta
10
vaRu n'Ir n'eytal pOla,
vAzAL Atal cUzAtOyE.

varaiviTai vaittup piriyum talaivaRkut tOzi colliyatu.

189. pAlai
tam alatu illA n'am n'ayan'tu aruLi
innum vArAr; Ayinum, cenniyar,
teRal arug kaTavuL munnar, cIRiyAz
n'arampu icaittanna in kuraR kurukin
5
kagkai vagkam pOkuvarkollO-
ev vinai ceyvarkol tAmE?-vev vinaik
kolai val vETTuvan valai parin'tu pOkiya
kAnap puRavin cEval vAy n'Ul
cilampi am cinai verUum,
10
alagkal ulavai am kATu iRan'tOrE?

piriviTai melin'ta talaimakaLait tOzi vaRpuRuttiyatu.

199. n'eytal
Ogku maNal uTutta n'eTu mAp peNNai
vIgku maTal kuTampaip paital veN kuruku,
n'aLLen yAmattu, uyavutORu uruki,
aLLal anna en uLLamoTu uL uTain'tu,
5
uLenE-vAzi, tOzi! vaLai n'Irk
kaTuj cuRA eRin'ta koTun' timiR paratavar
vAgku vicait tUNTil UgkuUgku Aki,
vaLi porak kaRRai tAay, n'aLi cuTar,
n'Il n'iRa vicumpin mInoTu puraiya,
10
paipaya imaikkum tuRaivan
mey tOy muyakkam kANA UgkE!

vanpuRai etirazin'tatu.-pEri cAttanAr

211. n'eytal
yArkku n'on'tu uraikkO yAnE-Ur kaTal
Otam cenRa uppuTaic ceRuvil,
koTug kazi marugkin, irai vETTu ezun'ta
karug kAl kurukin kOL uyn'tu pOkiya
5
muTagku puRa iRavin mOvAy ERRai,
eRi tirai tokutta ekkar n'eTug kOTTut
tuRu kaTaR talaiya tOTu poti tAzai
vaNTu paTu vAn pOtu verUum
tuRai kezu koNkan tuRan'tanan enavE?

varaivu n'ITa orutalai ARRALAm enRa tOzi ciRaippuRamAkat tannuLLE colliyatu.-kOTTiyUr n'allan'taiyAr

216. marutam
tuni tIr kUTTamoTu tunnAr Ayinum,
initE, kANun'ark kANpuzi vAztal;
kaNNuRu vizumam kai pOl utavi,
n'am uRu tuyaram kaLaiyAr Ayinum,
5
innAtuanRE, avar il UrE;
eri maruL vEgkaik kaTavuL kAkkum
kuruku Ar kazaniyin itaNattu AgkaN,
EtilALan kavalai kavaRRa,
oru mulai aRutta tirumAvuNNik
10
kETTOr anaiyarAyinum,
vETTOr allatu, piRar innArE.

talaimakaTkup pAgkAyinAr kETpat talaimakan talain'inRu ozukap paTAn'inRa parattai, pANaRkuAyinum viRalikkuAyinum colluvALAy, n'erugkic colliyatu.-maturai marutan iLan'AkanAr

263. n'eytal
piRai vanappu izan'ta n'utalum, yAza n'in
iRai varai n'illA vaLaiyum, maRaiyAtu
Ur alar tURRum kauvaiyum, n'AN viTTu
urai avaRku uraiyAm Ayinum, irai vETTu,
5
kaTuj cUl vayavoTu kAnal eytAtu,
kazani ozin'ta koTu vAyp pETaikku,
muTa mutir n'Arai kaTal mIn oyyum
mellam pulampaR kaNTu, n'ilaicellAk
karappavum karappavum kaimmikku,
10
uraitta-tOzi!-uNkaN n'IrE.

ciRaippuRamAkat tOzi talaimakanai varaivu kaTAyatu.-iLaveyinanAr

291. n'eytal
n'Ir peyarn'tu mARiya ceRi cERRu aLLal
n'eyt talaik kozu mIn arun'ta, inak kuruku
kuppai veN maNal ERi, araicar
oN paTait tokutiyin ilagkit tOnRum,
5
taN perum pauva n'Irt tuRaivaRku, n'Iyum,
kaNTAgku uraiyAy; koNmO-pANa!-
mA iru muLLUr mannan mA Urn'tu,
ellit tarIiya ina n'iraip
pal An kizavarin azin'ta ivaL n'alanE?

vAyilAkap pukka pANaRkut tOzi talaimakaLatu kuRippu aRin'tu, n'erugkic colli yatu.- kapilar

312. pAlai
n'OkO yAnE, n'Om en n'ejcE-
'panip putal Igkai am kuzai varuTa,
ciRai kuvin'tirun'ta paital veN kuruku,
pArvai vETTuvan, kAz kaLain'taruLa,
5
mAri n'inRa, maiyal aRciram-
yAm tan uzaiyam Akavum, tAnE,
etirtta titti muRRA mulaiyaL,
kOTait tigkaLum panippOL-
vATaip perum panikku ennaLkol?' enavE.

poruL valitta talaimakan n'ejcinai n'erugkic colliyatu.-kazArk kIran eyiRRiyAr

330. marutam
taTa maruppu erumaip piNarc cuval irum pOttu,
maTa n'aTai n'Araip pal inam iriya,
n'eTu n'Irt taN kayam tuTumenap pAyn'tu,
n'AT tozil varuttam vITa, cEN cinai
5
iruL punai marutin in n'izal vatiyum
yANar Ura! n'in mAN izai makaLirai
em manait tan'tu n'I tazIiyinum, avartam
pun manattu uNmaiyO aritE: avarum,
pain' toTi makaLiroTu ciRuvarp payan'tu,
10
n'anRi cAnRa kaRpoTu
em pATu Atal ataninum aritE.

tOzi, talaimakanai vAyil maRuttatu.-AlagkuTi vagkanAr

338. n'eytal
kaTug katir jAyiRu malai maRain'tanRE;
aTumpu koTi tumiya Azi pOzn'tu, avar
n'eTun' tEr in oli iravum tOnRA;
iRappa evvam n'aliyum, n'in n'ilai;
5
'n'iRuttal vENTum' enRi; n'ilaippa
yAgganam viTumO maRRE!-mAl koLa
viyal irum parappin irai ezun'tu arun'tupu,
pulavu n'ARu ciRukuTi manRattu Ogkiya
ATu araip peNNait tOTu maTal ERi,
10
koTu vAyp pETaik kuTampaic cEriya,
uyir celak kaTaiip puNar tuNaip
payirtal AnA, paital am kurukE?

oruvazit taNan'ta kAlai ARRAta talaimakaL vanpuRai etirmozin'tatu.-maturai Arulaviya n'ATTu AlampEri cAttanAr

369. n'eytal
cuTar cinam taNin'tu kunRam cEra,
n'iRai paRaik kurukinam vicumpu ukan'tu ozuka,
ellai paipayak kazippi, mullai
arumpu vAy avizum perum pun mAlai
5
inRum varuvatu Ayin, n'anRum
aRiyEn vAzi-tOzi!-aRiyEn,
jemai Ogku uyar varai imaiyattu ucci,
vAan izitarum vayagku veL aruvik
kagkaiam pEr yARRuk karai iRan'tu izitarum
10
ciRai aTu kaTum punal anna, en
n'iRai aTu kAmam n'In'tumARE.

paTTa pinRai varaiyAtu poruLvayiR pirin'tu, ARRALAkiya talaimakaL vanpuRai etir azin'tatu.-maturai Olaik kaTaiyattAr n'alveLLaiyAr

372. n'eytal
azitakkanRE-tOzi!-kazi cErpu
kAnaR peNNait tEnuTai azi pazam,
vaL itaz n'eytal varun'ta, mUkku iRupu,
aLLal iruj cERRu Azap paTTena,
5
kiLaik kuruku iriyum tuRaivan vaLaik kOTTu
anna veN maNaRRu akavayin, vETTa
aNNal uLLamoTu amarn'tu, initu n'Okki,
annai tan'ta alagkal vAn kOTu
ulain'tAgku n'Otal ajci, 'aTain'tataRku
10
inaiyal ennum' enpa-manai irun'tu,
irug kazi tuzavum panit talaip paratavar
tiN timil viLakkam eNNum
kaNTal vElik kazi n'al UrE.

mEl iRceRippAn aRin'tu ARRALAki n'inRa talaimakaL ARRa vENTi, ulakiyal mEl vaittuc ciRaippuRamAkac ceRiyAr enac colliyatu.-ulOccanAr