paraNar

19. marutam

evvi izan'ta vaRumaiyar pANar

pU il vaRun'talai pOlap pullenRu

inaimati vAziyar-n'ejcE!-manai marattu

elluRum mauval n'ARum

pal irug kUn'tal yAraLO n'amakkE?

uNarppuvayin vArA UTaRkaN talaimakan colliyatu. - paraNar

24. mullai

karug kAl vEmpin oN pU yANar

ennai inRiyum kazivatukollO?

ARRu ayal ezun'ta veN kOTTu atavattu

ezu kuLiRu mititta oru pazam pOlak

kuzaiya, koTiyOr n'AvE,

kAtalar akala, kallenRavvE.

paruvag kaNTu ARRALAkiya kizatti uraittatu. - paraNar

36. kuRijci

tuRukal ayalatu mANai mAk koTi

tujcu kaLiRu ivarum kunRa n'ATan,

n'ejcu kaLan Aka, 'n'Iyalen yAn' ena,

n'aRROL maNan'ta jAnRai, maRRu-avan

tAvA vajcinam uraittatu

n'OyO-tOzi!-n'in vayinAnE?

'varaiviTai vaittup piriya ARRAL' enak kavanRu vERupaTTa tOziyaittalaimakaL ARRuvittatu. - paraNar

60. kuRijci

kuRun' tAT kUtaLi ATiya n'eTu varaip

perun'tEn kaNTa irun'g kAl muTavan,

uTkaic ciRu kuTai kOli, kIz irun'tu,

cuTTupu n'akkiyAgku, kAtalar

n'alkAr n'ayavAr Ayinum,

pal kAl kANTalum, uLLattukku initE.

piriviTai ARRAmaiyAn talaimakaL tOzikku uraittatu. - paraNar

73. kuRijci

makizn'an mArpE veyyaiyAl n'I;

aziyal vAzi-tOzi!-n'annan

n'aRu mA konRu jATpil pOkkiya

onRumozik kOcar pOla,

vankaT cUzcciyum vENTumAl ciRitE.

pakaRkuRi maRuttu, iravukkuRi n'Ern'tu, atuvum maRuttamaipaTat talaimakaTkut tOzi colliyatu - paraNar

89. marutam

pA aTi urala pakuvAy vaLLai

Etil mAkkaL n'uvaRalum n'uvalpa;

azivatu evankol, ip pEtai UrkkE?-

perum pUN poRaiyan pEem mutir kollik

karug kaT teyvam kuTavarai ezutiya

n'al iyal pAvai anna im

mel iyal kuRumakaL pATinaL kuRinE.

talaimakan ciRaippuRattAnAkat tOzi tannuLLE colluvALAyc colliyatu;talaimakaRkup pAgkAyinAr kETpac colli, vAyil maRuttatUum Am. - paraNar

120. kuRijci

illOn inpam kAmuRRAagku,

aritu vETTanaiyAl-n'ejcE!-kAtali

n'allaL Akutal aRin'tAgku

ariyaL Akutal aRiyAtOyE.

alla kuRippaTTu mILum talaimakan tan n'ejciRkuc colliyatu; iyaRkaip puNarcci puNarn'ta talaimakan pirin'tavazik kalagkiyatUum Am. - paraNar

128. n'eytal

kuNa kaTal tiraiyatu paRai tapu n'Arai

tiN tErp poRaiyan toNTi muntuRai

ayirai Ar iraikku aNavan'tAagkuc

cEyaL ariyOT paTarti;

n'Oyai-n'ejcE!-n'Oyp pAlOyE.

alla kuRippaTTu mILum talaimakan tan n'ejcinai n'erugkic colliyatu; uNarppuvayin vArA UTaRkaN talaimakan kURiyatUum Am. - paraNar

165. kuRijci

makizn'tatan talaiyum n'aRa uNTAgku,

vizain'tatan talaiyum n'I veytuRRanai-

irug karai n'inRa uppu oy cakaTam

perum peyal talaiya vIin'tAgku, ivaL

irum pal kUn'tal iyal aNi kaNTE.

pinninRa talaimakan maRukkappaTTup peyarttum kUTaluRum n'ejciRkuc colliyatu.- paraNar.

199. kuRijci

peRuvatu iyaiyAtuAyinum, uRuvatu onRu

uNTuman vAziya-n'ejcE!-tiN tErk

kai vaL Ori kAnam tINTi

eRivaLi kamazum n'eRipaTu kUn'tal

mai Ir Oti mAayOLvayin,

inRai anna n'aTpin in' n'Oy

iRu muRai ena onRu inRi,

maRumai ulakattu mannutal peRinE.

tOzi ceRippu aRivuRuppa, n'ejciRkuk kizavan uraittatu. - paraNar

258. marutam

vAral em cEri; tAral n'in tArE;

alarAkinRAl-peruma!-kAvirip

palar ATu perun' tuRai marutoTu piNitta

En'tu kOTTu yAnaic cEn'tan tan'tai,

ariyal am pukavin am kOTTu vETTai

n'iraiya oL vAL iLaiyar perumakan,

azici ArkkATu anna ivaL

pazi tIr mAN n'alam tolaivana kaNTE.

tOzi talaimakaRku vAyil maRuttatu; vAyil n'Ern'tatUum. Am. - paraNar

259. kuRijci

mazai cErn'tu ezutaru mArik kunRattu,

aruvi Arn'ta taN n'aRug kAn'taL

mukai avizn'tu, AnA n'ARum n'aRu n'utal,

pal itaz mazaik kaN, mAayOyE!

olvai Ayinum, kolvai Ayinum,

n'I aLan'tu aRivai n'in puraimai; vAypOl

poym mozi kURal-aHtu evanO?

n'ejcam n'anRE, n'in vayinAnE.

kAppu mikutikkaN ARRALAkiya tOzi aRattoTu n'inRu, 'yAnE pari karippal'enRu karutiyatanait talaimakaLum n'ayappALAkak kURiyatu. - paraNar.

292.kuRijci

maNNiya cenRa oL n'utal arivai

punal taru pacug kAy tinRatan tappaRku

onpatiRRu-onpatu kaLiRRoTu, avaL n'iRai

pon cey pAvai koTuppavum, koLLAn,

peN kolai purin'ta n'annan pOla,

varaiyA n'iraiyattuc celIiyarO, annai!-

oru n'AL, n'akai muka virun'tinan van'tena,

pakai muka Urin, tujcalO ilaLE.

tOzi iravukkuRikkaN ciRaippuRamAkak kAppu mikuti colliyatu. - paraNar

298. kuRijci

cEri cEra mella van'tuvan'tu,

aritu vAyviTTu iniya kURi,

vaikaltORum n'ilam peyarn'tu uRaiyum avan

paital n'Okkam n'inaiyAy-tOzi!-

in kaTug kaLLin akutai tan'tai

veN kaTaic ciRukOl akavanmakaLir

maTap piTip paricil mAnap

piRitu onRu kuRittatu, avan n'eTum puRan'ilaiyE.

kizattikkut tOzi kuRai maRAmal kURiyatu. - paraNar

328. n'eytal

ciRu vI jAzal vEr aLaip paLLi

alavan ciRu manai citaiya, puNari

kuNil vAy muracin iragkum tuRaivan

n'alkiya n'AL tavac cilavE; alarE,

vil kezu tAnai vicciyar perumakan

vEn'taroTu poruta jAnRai, pANar

puli n'Okku uRaz n'ilai kaNTa

kali kezu kuRumpUr Arppinum peritE.

varaiviTai vERupaTum kizattiyai, 'avar varaiyum n'AL aNittu' enavum,'alar ajcal' enavum kURiyatu. - paraNar

393. marutam

mayagku malark kOtai kuzaiya makizn'an

muyagkiya n'AL tavac cilavE alarE,

kUkaik kOzi vAkaip paRan'talaip

pacum pUT pANTiyan vinai val atikan

kaLiRoTu paTTa jAnRai,

oLiRu vAT kogkar Arppinum peritE

talaimakan ciRaippuRamAka, tOzi alar malivu uraittatu, varaivu kaTAyatu.- paraNar

399. marutam

Ur uN kENi uNtuRait tokka

pAci aRRE pacalai-kAtalar

toTuvuzit toTuvuzi n'Igki,

viTuvuzi viTuvuzip parattalAnE.

varaivu n'ITTitta iTattut talaimakaL tOzikkuc colliyatu. - paraNar

	evvi izan'ta vaRumaiyar pANar
	pU il vaRun'talai pOlap pullenRu
	inaimati vAziyar-n'ejcE!-manai marattu
	elluRum mauval n'ARum
	pal irug kUn'tal yAraLO n'amakkE?

	karug kAl vEmpin oN pU yANar
	ennai inRiyum kazivatukollO?
	ARRu ayal ezun'ta veN kOTTu atavattu
	ezu kuLiRu mititta oru pazam pOlak
	kuzaiya, koTiyOr n'AvE,
	kAtalar akala, kallenRavvE.

	tuRukal ayalatu mANai mAk koTi
	tujcu kaLiRu ivarum kunRa n'ATan,
	n'ejcu kaLan Aka, 'n'Iyalen yAn' ena,
	n'aRROL maNan'ta jAnRai, maRRu-avan
	tAvA vajcinam uraittatu
	n'OyO-tOzi!-n'in vayinAnE?

	kuRun' tAT kUtaLi ATiya n'eTu varaip
	perun'tEn kaNTa irun'g kAl muTavan,
	uTkaic ciRu kuTai kOli, kIz irun'tu,
	cuTTupu n'akkiyAgku, kAtalar
	n'alkAr n'ayavAr Ayinum,
	pal kAl kANTalum, uLLattukku initE.

	makizn'an mArpE veyyaiyAl n'I;
	aziyal vAzi-tOzi!-n'annan
	n'aRu mA konRu jATpil pOkkiya
	onRumozik kOcar pOla,
	vankaT cUzcciyum vENTumAl ciRitE.

	pA aTi urala pakuvAy vaLLai
	Etil mAkkaL n'uvaRalum n'uvalpa;
	azivatu evankol, ip pEtai UrkkE?-
	perum pUN poRaiyan pEem mutir kollik
	karug kaT teyvam kuTavarai ezutiya
	n'al iyal pAvai anna im
	mel iyal kuRumakaL pATinaL kuRinE.

	illOn inpam kAmuRRAagku,
	aritu vETTanaiyAl-n'ejcE!-kAtali
	n'allaL Akutal aRin'tAgku
	ariyaL Akutal aRiyAtOyE.

	kuNa kaTal tiraiyatu paRai tapu n'Arai
	tiN tErp poRaiyan toNTi muntuRai
	ayirai Ar iraikku aNavan'tAagkuc
	cEyaL ariyOT paTarti;
	n'Oyai-n'ejcE!-n'Oyp pAlOyE.

	makizn'tatan talaiyum n'aRa uNTAgku,
	vizain'tatan talaiyum n'I veytuRRanai-
	irug karai n'inRa uppu oy cakaTam
	perum peyal talaiya vIin'tAgku, ivaL
	irum pal kUn'tal iyal aNi kaNTE.

	peRuvatu iyaiyAtuAyinum, uRuvatu onRu
	uNTuman vAziya-n'ejcE!-tiN tErk
	kai vaL Ori kAnam tINTi
	eRivaLi kamazum n'eRipaTu kUn'tal
	mai Ir Oti mAayOLvayin,
	inRai anna n'aTpin in' n'Oy
	iRu muRai ena onRu inRi,
	maRumai ulakattu mannutal peRinE.

	vAral em cEri; tAral n'in tArE;
	alarAkinRAl-peruma!-kAvirip
	palar ATu perun' tuRai marutoTu piNitta
	En'tu kOTTu yAnaic cEn'tan tan'tai,
	ariyal am pukavin am kOTTu vETTai
	n'iraiya oL vAL iLaiyar perumakan,
	azici ArkkATu anna ivaL
	pazi tIr mAN n'alam tolaivana kaNTE.

	mazai cErn'tu ezutaru mArik kunRattu,
	aruvi Arn'ta taN n'aRug kAn'taL
	mukai avizn'tu, AnA n'ARum n'aRu n'utal,
	pal itaz mazaik kaN, mAayOyE!
	olvai Ayinum, kolvai Ayinum,
	n'I aLan'tu aRivai n'in puraimai; vAypOl
	poym mozi kURal-aHtu evanO?
	n'ejcam n'anRE, n'in vayinAnE.

	maNNiya cenRa oL n'utal arivai
	punal taru pacug kAy tinRatan tappaRku
	onpatiRRu-onpatu kaLiRRoTu, avaL n'iRai
	pon cey pAvai koTuppavum, koLLAn,
	peN kolai purin'ta n'annan pOla,
	varaiyA n'iraiyattuc celIiyarO, annai!-
	oru n'AL, n'akai muka virun'tinan van'tena,
	pakai muka Urin, tujcalO ilaLE.

	cEri cEra mella van'tuvan'tu,
	aritu vAyviTTu iniya kURi,
	vaikaltORum n'ilam peyarn'tu uRaiyum avan
	paital n'Okkam n'inaiyAy-tOzi!-
	in kaTug kaLLin akutai tan'tai
	veN kaTaic ciRukOl akavanmakaLir
	maTap piTip paricil mAnap
	piRitu onRu kuRittatu, avan n'eTum puRan'ilaiyE.

	ciRu vI jAzal vEr aLaip paLLi
	alavan ciRu manai citaiya, puNari
	kuNil vAy muracin iragkum tuRaivan
	n'alkiya n'AL tavac cilavE; alarE,
	vil kezu tAnai vicciyar perumakan
	vEn'taroTu poruta jAnRai, pANar
	puli n'Okku uRaz n'ilai kaNTa
	kali kezu kuRumpUr Arppinum peritE.

	mayagku malark kOtai kuzaiya makizn'an
	muyagkiya n'AL tavac cilavE alarE,
	kUkaik kOzi vAkaip paRan'talaip
	pacum pUT pANTiyan vinai val atikan
	kaLiRoTu paTTa jAnRai,
	oLiRu vAT kogkar Arppinum peritE

	Ur uN kENi uNtuRait tokka
	pAci aRRE pacalai-kAtalar
	toTuvuzit toTuvuzi n'Igki,
	viTuvuzi viTuvuzip parattalAnE.