51-60

51
n'Ir uRai kOzi n'Ilac cEval
kUr ukirp pETai vayAam Ura!
puLigkAy vETkaittu anRu, n'in
malarn'ta mArpu ivaL vayAa n'OykkE.

vAyil peRRup pukun'tu pOyp puRattozukkam ozuki, pinpum vAyil vENTum talaimakaRkut tOzi maRuttatu. 1

52
vayalaic ceg koTip piNaiyal taiic
cev viral civan'ta cEyari mazaik kaN
cev vAyk kuRumakaL inaiya;
ev vAy munninRu makizn'a! n'in tErE?

vAyil peRRuk kUTiyirun'ta talaimakaRkut tOzi n'akaiyATic colliyatu. 2

53
tuRai evan aNagkum, yAm uRRa n'OyE?
ciRai azi putup punal pAyn'tenak kalagkik
kazanit tAmarai malarum
pazana Ura! n'I uRRa cULE.

talaivi tannuTan pOyp punalATiya vazi, 'ituparattaiyaruTan ATiya tuRai' ena n'inain'tu piRan'ta melivai maRaittamaiyai uNarn'ta talaimakan, manaivayin pukun'tuzi, 'teyvagkaL uRaiyum tuRaikkaNNE n'Am A

54
tiN tErt tennavan n'al n'ATTu uLLatai
vEnil Ayinum taN punal ozukum
tEnUr anna ivaL terivaLai n'ekiza,
Urin Uranai n'I tara, van'ta
5
paijcAyk kOtai makaLirkku
ajcuval, amma! am muRai varinE.

vAyil vENTivan'ta talaimakaRkut talaimakaL kuRippu aRin'ta tOzi, avan koTumai kURi, vAyil maRuttatu. 4

55
karumpin en'tiram kaLiRRu etir piLiRRum,
tEr vaN kOmAn, tEnUr anna ivaL
n'al aNi n'ayan'tu n'I tuRattalin,
pallOr aRiyap pacan'tanRu, n'utalE.

varain'ta aNimaikkaNNE puRattozukkam ozuki, vAyil vENTi van'tu, tan melivu kURiya talaimakanait tOzi n'erugkic colliyatu. 5

56
pakal koL viLakkOTu irA n'AL aRiyA,
vel pOrc cOzar, AmUr anna ivaL
n'alampeRu cuTar n'utal tEmpa,
evan payam ceyyum, n'I tERRiya moziyE?

puRattozukkam uLatAkiyatu aRin'tu talaimakaL melin'tuzi, 'aHtu illai' enRu tERRum talaimakaRkut tOzi colliyatu. 6

57
pakalil tOnRum pal katirt tIyin
Ampal am ceRuvin tEnUr anna
ivaL n'alam pulampap piriya,
anain'alam uTaiyOLO makizn'a! n'in peNTE?

talaimakaRkup puRattozukkam uLatAyiRRu enpatu kETTa tOzi avanai vinAyatu. 7

58
viNTu anna veNNel pOrvin,
kai vaN virAan, iruppai anna
ivaL aNagkuRRanai pORi;
piRarkkum anaiyaiyAl; vAzi n'IyE!

uNarppuvayin vArA UTaRkaN pulan'ta talaimakaRkut tOzi kURiyatu. 8

59
kETTicin vAziyO, makizn'a! ARRuRa,
maiyal n'ejciRku evvam tIra
n'inakku marun'tu Akiya yAn, ini,
ivaTku marun'tu anmai n'Om, en n'ejcE.

talaimakaL ARRALAm vaNNam manaikkaN varavu curugkiya talaimakaRkup puRattozukkam uLatAkiya vazi ARRALAkiya tOzi colliyatu. 9

60
pazanak kampuL payirppeTai akavum
kazani Ura! n'in mozival: enRum
tujcu manai n'eTu n'akar varuti;
ajcAyO, ivaL tan'tai kai vElE?

varaiyAtu ozukum talaimakan iravukkuRi van'tuzit tOzi colliyatu. 10