281-290

281
veLLa varampin Uzi pOkiyum
kiLLai vAziya, palavE oL izai
irum pal kUn'tal koTicci
perun' tOL kAval kATTiyavvE.

AyattOTu viLaiyATTu viruppinAl pozilakam pukun'ta talaiviyai etirppaTTu ozukukinRa talaimakan, avaL punagkAvaRku uriyaLAy n'inRatu kaNTu, makizn'tu colliyatu. 1

282
cAral puRatta perug kural ciRu tinaip
pEr amar mazaikkaN koTicci kaTiyavum
cOlaic ciRu kiLi unnum n'ATa!
Ar iruL perukina; vAral
5
kOTTu mA vazagkum kATTaka n'eRiyE.

iravukkuRi n'Ern'ta tOzi talaimakan van'tu puNarn'tu n'Igkuzi, avanai etirppaTTuc colliyatu. 2

283
vankaT kAnavan men col maTa makaL
punpula mayakkattu uzuta Enal
paim puRac ciRu kiLi kaTiyum n'ATa!
periya kURi n'Ippinum,
5
poyvalaip paTUum peNTu tavap palavE.

tOzi vAyil maRukkavum, talaimakan ARRAmai kaNTu, talaimakaL vAyil n'Era, avan paLLiyiTattAnAy irun'tuzip pukka tOzi kURiyatu. 3

284
aLiyatAmE, cev vAyp paig kiLi
kunRak kuRavar koy tinaip paig kAl
iruvi n'ILpunam kaNTum.
pirital tERRAp pEr anpinavE.

tinai arin'tuzi, kiLiyai n'Okkik kURuvAL pOl, ciRaippuRamAka ompaTuttatu. 4

285
pin irug kUn'tal n'al n'utal kuRamakaL
men tinai n'uvaNai uNTu, taTTaiyin
aivanac ciRu kiLi kaTiyum n'ATa!
vIgkuvaLai n'ekizap pirital
5
yAgku vallun'aiyO, Igku ivaL tuRan'tE?

oruvazit taNan'tu van'ta talaimakaRkut tOzi kURiyatu. 5

286
ciRu tinai koyta iruvi veN kAl
kAytta avaraip paTu kiLi kaTiyum
yANar Akiya n'al malai n'ATan
pukar inRu n'ayan'tanan pOlum;
5
kavarum tOzi! en mAmaik kavinE.

uTanpOkkut tuNin'ta talaimakan aHtu ozin'tu, tAnE varaiviTai vaittup piriya n'inain'tatanaik kuRippinAn uNarn'ta talaimakaL tOzikkuc colliyatu; talaimakan, 'varaiviTai vaittup pirival' enRavazit talai

287
n'eTu varai micaiyatu kuRug kAl varuTai
tinai pAy kiLLai verUum n'ATa!
vallai manRa poyttal;
vallAy manRa, n'I allatu ceyalE.

'inna n'ALil varaival' enak kURi, an'n'ALil varaiyAtu, pin avvARu kURum talaimakaRkut tOzi kURiyatu. 7

288
n'anRE ceyta utavi n'anRu terin'tu
yAm evan ceykuvam? n'ejcE! kAmar
mel iyal koTicci kAppap
pal kural Enal pAttarum kiLiyE.

'kiLikaL punattinkaN paTiyAn'inRana' enRu, talaiviyaik kAkka Eviyavazi, atanai aRin'ta talaimakan uvan'tu, tan n'ejciRkuc colliyatu. 8

289
'koTicci in kural kiLi cettu, aTukkattup
paig kural Enal paTartarum kiLi' enak
kAvalum kaTiyun'ar pOlvar
mAl varai n'ATa! varain'tanai koNmO!

iRceRitta pinnart tOzi varaivu kaTAvuzi, 'mutirn'ta tinaippunam ivaL kAttozin'tAl varaival' enRARku avaL colliyatu. 9

290
aRam puri cegkOl mannanin tAm n'ani
ciRan'tana pOlum, kiLLai piRagkiya
pUk kamaz kUn'tal koTicci
n'Okkavum paTum; avaL Oppavum paTumE.

kAval mikutiyAn iravukkuRi maRukkappaTTu n'Igkiya talaimakan van'tuzi, avan kETTu veRupput tIrttaR poruTTAl, tinaippunam kAval toTagkAn'inRAL enpatu tOnRa, tOzi kURiyatu. 10