230. n'eytal

	'uRu kazi marugkin OtamoTu malarn'ta
	ciRu karu n'eytaR kaN pOl mA malarp
	perun' taN mAt tazai irun'ta alkul,
	aiya arumpiya cuNagkin, vai eyiRRu,
5	mai Ir Oti, vAL n'utal, kuRumakaL!
	viLaiyATTu AyamoTu veN maNal utirtta
	punnai n'uN tAtu ponnin n'oNTu,
	manai puRan'tarutiAyin, enaiyatUum,
	im manaik kizamai emmoTu puNarin,
10	tItum uNTO, mAtarAy?' ena,
	kaTum pari n'al mAn, koTijci n'eTun' tEr
	kai val pAkan paiyena iyakka,
	yAm taR kuRukinamAka, En'tu ezil
	ari vEy uN kaN pani varal oTukki,
15	ciRiya iRaijcinaL, talaiyE
	periya evvam yAm ivaN uRavE.