343. pAlai

	vAgku amai puraiyum vIgku iRaip paNait tOL,
	cil cuNagku aNin'ta, pal pUN, men mulai,
	n'al ezil, Akam pullutal n'ayan'tu,
	maram kOL umaN makan pErum parutip
5	pun talai citaitta van talai n'aTukal
	kaNNi vATiya maNNA marugkul,
	kUr uLi kuyinRa kOTu mAy ezuttu, av
	ARu cel vampalar vERu payam paTukkum
	kaN pori kavalaiya kAnattu AgkaN,
10	n'anan'talai yAattu am taLirp peruj cinai,
	il pOl n'Izal cel veyil ozimAr,
	n'eTuj cevik kazutaik kuRug kAl ERRaip
	puRam n'iRai paNTattup poRai acAak kaLain'ta
	peyar paTai koLLArkku uyavut tuNai Aki,
15	uyarn'ta ALvinai purin'tOy; peyarn'tu n'inRu
	uLLinai vAzi, en n'ejcE! kaLLin
	makizin makizn'ta ari matar mazaik kaN,
	cil mozip polin'ta tuvar vAy,
	pal mAN pEtaiyin pirin'ta n'IyE.