222. kuRijci

	vAn uRa n'ivan'ta n'Il n'iRap peru malaik
	kAna n'ATan uRIiya n'Oykku, en
	mEni Ay n'alam tolaitalin, moziven;
	muzavu mukam pularAk kali koL AgkaN,
5	kazAarp perun' tuRai vizavin ATum,
	ITTu ezil polin'ta En'tu kuvavu moympin,
	ATTan atti n'alan n'ayan'tu uraii,
	tAz irug katuppin kAviri vavvalin,
	mAtiram tuzaii, mati maruNTu alan'ta
10	Atiman'ti kAtalaR kATTi,
	paTu kaTal pukka pATalcAl ciRappin
	maruti anna mAN pukaz peRIiyar,
	cenmO vAzi, tOzi! pal n'AL,
	uravu urum ERoTu mayagki,
15	iravup peyal pozin'ta Irn' taN ARE.