219. pAlai

	cIr kezu viyan n'akarc cilampu n'aka iyali,
	Orai AyamoTu pan'tu ciRitu eRiyinum,
	'vArAyO!' enRu Etti, pEr ilaip
	pakanRai vAl malar pani n'iRain'tatu pOl
5	pAl pey vaLLam cAlkai paRRi,
	'en pATu uNTanaiAyin, oru kAl,
	n'un'tai pATum uN' enRu UTTi,
	'piRan'tataRkoNTum ciRan'tavai ceytu, yAn
	n'alam punain'tu eTutta en polan'toTik kuRumakaL
10	aRanilALanoTu iRan'tanaL, ini' ena,
	maRan'tu amain'tu irAa n'ejcam n'OvEn
	'pon vArn'tanna vai vAl eyiRRuc
	cen'n'Ay verIiya pukar uzai oruttal
	pori arai viLavin pun puRa viLai puzal,
15	azal eRi kOTai tUkkalin, kOvalar
	kuzal ena n'inaiyum n'Ir il n'IL iTai,
	maTat takai meliyac cAay,
	n'aTakkumkol? ena, n'Oval yAnE.