300. n'eytal

	n'AL valai mukan'ta kOL val paratavar
	n'uNagku maNal AgkaN uNagkap peymmAr,
	paRi koL koLLaiyar, maRuka ukka
	mIn Ar kurukin kAnal am perun' tuRai,
5	ellai taN pozil cenRena, celIiyar,
	tEr pUTTu ayara Eey, vAr kOl
	ceRi toTi tirutti, pARu mayir n'Ivi,
	'cel ini, maTan'tai! n'in tOziyoTu, manai' enac
	colliyaaLavai, tAn peritu kaluzn'tu,
10	tIgku AyinaL ivaL Ayin, tAgkAtu,
	n'otumalar pOlap piriyin, katumenap
	piRitu onRu Akalum ajcuval; atanAl,
	cENin varun'ar pOlap pENA,
	irug kali yANar em ciRu kuTit tOnRin,
15	val etir koNTu, mellitin vinaii,
	'tuRaiyum mAnRanRu pozutE; cuRavum
	Otam malkalin, mARu AyinavE;
	ellinRu; tOnRal! cellAtIm' ena,
	emar kuRai kURat tagki, EmuRa,
20	iLaiyarum puraviyum inpuRa, n'Iyum
	il uRai n'al virun'tu ayartal
	ollutum, peruma! n'I n'alkutal peRinE.