312. kuRijci

	n'ejcu uTampaTutalin onRu purin'tu aTagki,
	iravin varUum iTumpai n'Igka,
	varaiyak karutum Ayin, peritu uvan'tu,
	Ogku varai izitarum vIgku peyal n'Ittam,
5	kAn'taL am ciRukuTik kauvai pENAtu,
	ari matar mazaik kaN civappa, n'ALaip
	peru malai n'ATan mArpu puNai Aka,
	ATukam vammO kAtal am tOzi!
	vEy payil aTukkam putaiyak kAl vIzttu,
10	in icai muracin iragki, onnAr
	OTu puRam kaNTa, tAL tOy taTak kai,
	vel pOr vazuti cel camattu uyartta
	aTu pukaz eHkam pOla,
	koTi paTa minnip pAyinRAl, mazaiyE!