120. n'eytal

	n'eTu vEL mArpin Aram pOla,
	cev vAy vAnam tINTi, mIn arun'tum
	paig kAR kokkinam n'irai paRai ukappa,
	ellai paippayak kazippi, kuTavayin
5	kal cErn'tanRE, pal katir jAyiRu
	matar ezil mazaik kaN kaluza, ivaLE
	peru n'AN aNin'ta ciRu men cAyal
	mAN n'alam citaiya Egki, AnAtu,
	azal toTagkinaLE peruma! atanAl
10	kazic cuRA eRin'ta puN tAL attiri
	n'eTu n'Ir irug kazip pari melin'tu, acaii,
	val vil iLaiyaroTu ellic cellAtu,
	cErn'tanai celinE citaikuvatu uNTO
	peNNai Ogkiya veN maNaR paTappai
15	anRil akavum AgkaN,
	ciRu kural n'eytal em perug kazi n'ATTE?