355. pAlai

	mAvum vaN taLir InRana; kuyilum
	in tIm pal kural kompar n'uvalum;
	mUtilai ozitta pOtu aviz peruj cinai,
	vallOn taivarum vaL uyirp pAlai
5	n'arampu Arttanna vaNTinam muralum;
	tuNi kayam tunniya tU maNal ekkar,
	tAtu uku taN pozil alki, kAtalar
	cezu manai maRakkum cevvi vEnil
	tAnE van'tanRuAyin, AnAtu
10	ilagku vaLai n'ekizn'ta evvam kATTip
	pulan'tanam varukam; cenmO tOzi!
	'yAmE emiyam Aka, n'IyE
	pon n'ayan'tu aruL ilaiyAki,
	innai Akutal ottanRAl' enavE.