mucuNTai |
94. mullai |
tEm paTu cimayap pAgkarp pampiya |
|
kuvai ilai mucuNTai veN pUk kuzaiya, |
|
vAn enap pUtta pAnAT kagkul, |
|
maRit turUut tokutta paRip puRa iTaiyan |
|
5 |
taN kamaz mullai tOnRiyoTu viraii, |
vaNTu paTat toTutta n'Ir vAr kaNNiyan, |
|
aitu paTu koLLi agkai kAya, |
|
kuRu n'ari uLampum kUr iruL n'eTu viLi |
|
ciRu kaT panRip peru n'irai kaTiya, |
|
10 |
mutaip punam kAvalar n'inaittirun'tu Utum |
karug kOTTu OcaiyoTu orugku van'tu icaikkum |
|
van pulak kATTu n'ATTatuvE anpu kalan'tu |
|
Arvam ciRan'ta cAyal, |
|
irum pal kUn'tal, tirun'tizai UrE! |
|
vinai muRRi mILum talaimakan tErppAkaRkuc colliyatu; talaimakan pAgkaRkuc coRRatUum Am. - n'anpalUrc ciRu mEtAviyAr |
235. pAlai |
amma vAzi, tOzi! poruL purin'tu |
|
uLLArkollO, kAtalar? uLLiyum, |
|
ciRan'ta ceytiyin maRan'tanarkollO? |
|
payan n'ilam kuzaiya vIci, peyal munin'tu, |
|
5 |
viNTu munniya koNTal mA mazai |
magkul aRkamoTu pogkupu tuLippa, |
|
vATaiyoTu n'ivan'ta Ay itazt tOnRi |
|
cuTar koL akalin curugku piNi aviza, |
|
curi mukiz mucuNTaip poti aviz vAn pU |
|
10 |
vicumpu aNi mInin pacum putal aNiya, |
kaLavan maN aLaic ceRiya, akal vayal |
|
kiLai viri karumpin kaNaikkAl vAn pU |
|
mAri am kurukin Iriya kuragka, |
|
n'ani kaTuj civappoTu n'Amam tORRi, |
|
15 |
pani kaTi koNTa paNpu il vATai |
maruLin mAlaiyoTu aruL inRi n'aliya, |
|
'n'utal iRaikoNTa ayal aRi pacalaiyoTu |
|
tol n'alam citaiyac cAay, |
|
ennaLkol aLiyaL?' ennAtOrE. |
|
talaimakan pirivinkaN vERupaTTa talaimakaL, ARRAmai mItUra, tOzikkuc colliyatu. - kazArkkIran eyiRRiyAr |
264. mullai |
mazai il vAnam mIn aNin'tanna, |
|
kuzai amal mucuNTai vAliya malara, |
|
vari veN kOTal vAgku kulai vAn pUp |
|
periya cUTiya kavar kOl kOvalar, |
|
5 |
ellup peyal uzan'ta pal An n'iraiyoTu, |
n'Ir tikaz kaNNiyar, Urvayin peyartara, |
|
n'ani cENpaTTa mAri taLi ciRan'tu, |
|
Ertaru kaTu n'Ir teruvutoRu ozuka, |
|
pEr icai muzakkamoTu ciRan'tu n'ani mayagki, |
|
10 |
kUtir n'inRanRAl, pozutE! kAtalar |
n'am n'ilai aRiyAr Ayinum, tam n'ilai |
|
aRin'tanarkollO tAmE Ogku n'aTaik |
|
kAy cina yAnai kagkul cUza, |
|
ajcuvara iRutta tAnai |
|
15 |
vej cina vEn'tan pAcaRaiyOrE? |
paruvam kaNTu, vanpuRai etir azin'tu, talaimakaL tOzikkuc colliyatu;tOzi talaimakaTkuc colliyatUum Am. - umpaR kATTu iLagkaNNanAr |