241-250 |
241 |
'tiN tEr iravalarkku, Itta, taN tAr, |
|
aNTiran varUum' enna, oN toTi |
|
vaccirat taTak kai n'eTiyOn kOyiluL, |
|
pOrppuRu muracam kaRagka, |
|
5 |
Arppu ezun'tanRAl, vicumpinAnE. |
tiNaiyum tuRaiyum avai. | |
avanai uRaiyUr ENiccEri muTamOciyAr pATiyatu. |
242 |
iLaiyOr cUTAr; vaLaiyOr koyyAr; |
|
n'al yAz maruppin mella vAgki, |
|
pANan cUTAn; pATini aNiyAL; |
|
ANmai tOnRa ATavark kaTan'ta |
|
5 |
val vEl cAttan mAyn'ta pinRai |
mullaiyum pUttiyO, ollaiyUr n'ATTE? |
|
tiNaiyum tuRaiyum avai. | |
ollaiyUr kizAn makan perujcAttanaik kuTavAyiR kIrattanAr pATiyatu. |
243 |
ini n'inain'tu irakkam AkinRu: tiNi maNal |
|
ceyvuRu pAvaikkuk koy pUt taii, |
|
taN kayam ATum makaLiroTu kai piNain'tu, |
|
tazuvuvazit tazIi, tUgkuvazit tUgki, |
|
5 |
maRai enal aRiyA mAyam il AyamoTu |
uyar cinai marutat tuRai uRat tAzn'tu, |
|
n'Ir n'aNip paTi kOTu ERi, cIr mika, |
|
karaiyavar maruLa, tiraiakam pitira, |
|
n'eTu n'Irk kuTTattut tuTumenap pAyn'tu, |
|
10 |
kuLittu maNal koNTa kallA iLamai |
aLitOtAnE! yANTu uNTu kollO |
|
toTit talai vizut taNTu UnRi, n'aTukkuRRu, |
|
irum iTai miTain'ta cila col |
|
peru mUtALarEm Akiya emakkE? |
|
tiNaiyum tuRaium avai. | |
toTit talai vizuttaNTinAr pATiyatu. |
244 |
pANar cenniyum vaNTu cenRu UtA; |
|
viRaliyar munkaiyum toTiyin poliyA; | |
iraval mAkkaLum... ... ... ... ... ... ... ... ... ... |
245 |
yAgkup perituAyinum, n'Oy aLavu enaittE, |
|
uyir cekukkallA matukaittu anmaiyin? |
|
kaLLi pOkiya kaLari marugkin |
|
veLLiTaip pottiya viLai viRaku Imattu, |
|
5 |
oL azal paLLip pAyal cErtti, |
jAgkar mAyn'tanaL, maTan'tai; |
|
innum vAzval; en itan paNpE! |
|
tiNaiyum tuRaiyum avai. | |
cEramAn kOTTampalattut tujciya mAkkOtai tan perugkOppeNTu tujciya kAlaic colliya pATTu. |
246 |
pal cAnRIrE! pal cAnRIrE! |
|
'celka' enac collAtu, 'ozika' ena vilakkum, |
|
pollAc cUzccip pal cAnRIrE! |
|
aNil varik koTug kAy vAL pOzn'tiTTa |
|
5 |
kAz pOl n'al viLar n'aRu n'ey tINTAtu, |
aTai iTaik kiTan'ta kai pizi piNTam, |
|
veL eL cAn'toTu, puLip peytu aTTa |
|
vELai ven'tai, valci Aka, |
|
paral pey paLLip pAy inRu vatiyum |
|
10 |
uyaval peNTirEm allEm mAtO; |
perug kATTup paNNiya karug kOTTu Imam |
|
n'umakku aritAkuka tilla; emakku em |
|
perun' tOL kaNavan mAyn'tena, arumpu aRa |
|
vaL itaz avizn'ta tAmarai |
|
15 |
n'aL irum poykaiyum tIyum OraRRE! |
tiNai atu; tuRai Anan'tappaiyuL. | |
pUta pANTiyan tEvi perugkOppeNTu tIp pAyvAL colliyatu. |
247 |
yAnai tan'ta muLi mara viRakin |
|
kAnavar pottiya jeli tI viLakkattu, |
|
maTa mAn peru n'irai vaiku tuyil eTuppi, |
|
man'ti cIkkum aNagkuTai munRilil, |
|
5 |
n'Ir vAr kUn'tal irum puRam tAza, |
pEr ajark kaNNaL, perug kATu n'Okki, |
|
terumarum amma tAnE tan kozun'an |
|
muzavu kaN tuyilAk kaTiyuTai viyal n'akarc |
|
ciRu n'ani tamiyaL Ayinum, |
|
10 |
in uyir n'aTugkum tan iLamai puRagkoTuttE! |
tiNaiyum tuRaiyum avai. | |
avaL tIp pAyvALaik kaNTu maturaip pErAlavAyAr colliyatu. |
248 |
aLiyatAmE, ciRu veL Ampal! |
|
iLaiyamAkat tazai AyinavE; |
|
iniyE, peru vaLak kozun'an mAyn'tena, pozutu maRuttu, |
|
innA vaikal uNNum |
|
5 |
allip paTUum pul AyinavE. |
tiNai atu; tuRai tApata n'ilai. | |
.......................... okkUr mAcAttanAr pATiyatu. |
249 |
katir mUkku Aral kIz cERRu oLippa, |
|
kaNaik kOTTu vALai mIn'Irp piRaza, |
|
erip pUm pazanam n'erittu uTan valaijar |
|
arik kural taTAriyin yAmai miLira, |
|
5 |
panai n'ukumpu anna cinai mutir varAloTu, |
uRaz vEl anna oN kayal mukakkum, |
|
akal n'ATTu aNNal pukAvE, n'erun'aip |
|
pakal iTam kaNNip palaroTum kUTi, |
|
oruvazippaTTanRu; mannE! inRE, |
|
10 |
aTagkiya kaRpin, Ay n'utal maTan'tai, |
uyar n'ilai ulakam avan puka,.... vari |
|
n'IRu ATu cuLakin cIRiTam n'Ikki, |
|
azutal AnAk kaNNaL, |
|
mezukum, Appi kaN kaluz n'IrAnE. |
|
tiNaiyum tuRaiyum avai. | |
....................tumpi cEr kIranAr pATiyatu. |
250 |
kuy kural malin'ta kozun' tuvai aTicil |
|
iravalart taTutta vAyil, puravalar |
|
kaNNIrt taTutta taN n'aRum pan'tar, |
|
kUn'tal koytu, kuRun' toTi n'Ikki, |
|
5 |
alli uNavin manaiviyoTu, iniyE |
pullenRanaiyAl vaLam kezu tiru n'akar! |
|
vAn cORu koNTu tIm pAl vENTum |
|
munittalaip putalvar tan'tai |
|
tanit talaip perug kATu munniya pinnE. |
|
tiNaiyum tuRaiyum avai. | |
...................tAyagkaNNiyAr pATiyatu. |