281

	tIm kani iravamoTu vEmpu manaic cerIi,
	vAgku maruppu yAzoTu pal iyam kaRagka,
	kai payap peyarttu mai izutu izuki,
	aiyavi citaRi, Ampal Uti,
5	icai maNi eRin'tu, kAjci pATi,
	n'eTu n'akar varaippil kaTi n'aRai pukaii,
	kAkkam vammO kAtalam tOzi!
	vEn'tuRu vizumam tAgkiya
	pUm poRik kazal kAl n'eTun'takai puNNE.

282

	eHku uLam kaziya, iru n'ilam marugkin,
	arug kaTan iRutta peruj ceyALanai,
	'yANTu uLanO?' ena, vinavuti Ayin,
	.............................................................................................
5	varu paTai tAgkiya kiLar tAr akalam
	arug kaTan iRumAr vayavar eRiya,
	uTampum tOnRA uyir keTTanRE;
	malaiyun'ar maTagki mARu etir kaziyat
	.......................................................................................
10	alakai pOkic citain'tu vERAkiya
	palakai allatu, kaLattu oziyAtE;
	cEN viLagku n'al icai n'iRIi,
	n'A n'avil pulavar vAy uLAnE.

283

	oN ceg kuralit taN kayam kalagki,
	vALai n'Irn'Ay n'AL irai peRUup
	pauva uRai aLavA,
	..................................................................... vi mayakki,
5	mARu koL mutalaiyoTu Uz mARu peyarum
	azumpilan aTagkAn takaiyum enRum,
	valam puri kOcar avaik kaLattAnum,
	manRuL enpatu keTa...
	........................................... nE pAgkaRku
10	Ar cUz kuRaTTin vEl n'iRattu igka,
	uyir puRappaTAa aLavait teRuvara,
	teRRip pAvai tiNi maNal ayarum
	men tOL makaLir n'anRu purappa,
	.....................................................NTa pAcilaik
15	kaviz pUn' tumpai n'utal acaittOnE.

284

	'varukatil vallE; varukatil val' ena,
	vEn'tu viTu vizut tUtu Agku Agku icaippa,
	n'Ulari mAlai cUTi, kAlin,
	tamiyan van'ta mUtilALan
5	aruj camam tAgki, mun n'inRu eRin'ta
	oru kai irum piNattu eyiRu miRaiyAkat
	tirin'ta vAy vAL tiruttA,
	tanakku irin'tAnaip peyar puRam n'akumE.

285

	pAcaRaiyIrE! pAcaRaiyIrE!
	tuTiyan kaiyatu vElE; aTi puNar
	vAgku iru maruppin tIm toTaic cIRiyAzp
	pANan kaiyatu tOlE; kANvarak
5	kaTun' teRRu mUTaiyin......................
	vATiya mAlai malain'ta cenniyan;
	vEn'tu tozil ayarum arun' talaic cuRRamoTu
	n'eTu n'akar van'tena, viTu kaNai mocitta
	mUri veN tOl
10	cERupaTu kurutic cemmal ukkuOo!
	mARu ceRu n'eTu vEl mArpu uLam pOka,
	n'iNam poti kazaloTu n'ilam cErn'tananE;
	atu kaNTu, paran'tOr ellAm pukazat talai paNin'tu
	iRaijciyOnE, kurucil! piNagku katir
15	alamarug kazanit taNNaTai oziya,
	ilampATu okkal talaivaRku Or
	karampaic cIRUr n'alkinan enavE.

286

	veLLai veL yATTuc ceccai pOlat
	tan Oranna iLaiyar iruppa,
	palar mItu n'ITTiya maNTai en ciRuvanaik
	kAl kazi kaTTilil kiTappi,
5	tU veL aRuvai pOrppittilatE!

287

	tuTi eRiyum pulaiya!
	eRi kOl koLLum izicina!
	kAlam mAriyin ampu taippinum,
	vayal keNTaiyin vEl piRazinum,
5	polam punai OTai aNNal yAnai
	ilagku vAl maruppin n'uti maTuttu UnRinum,
	OTal cellAp pITuTaiyALar
	n'eTu n'Irp poykaip piRaziya vALai
	n'elluTai n'eTu n'akark kUTTumutal puraLum,
10	taNNaTai peRutal yAvatu? paTinE,
	mAcu il makaLir manRal n'anRum,
	uyar n'ilai ulakattu, n'ukarpa; atanAl
	vampa vEn'tan tAnai
	impar n'inRum kANTirO, varavE!

288

	maN koLa varin'ta vain' n'uti maruppin
	aNNal n'al ERu iraNTu uTan maTuttu,
	venRatan paccai cIvAtu pOrtta
	tiN piNi muracam iTaip pulattu iragka,
5	Ar amar mayagkiya jATpin, teRuvara,
	n'eTu vEl pAyn'ta n'ANuTai n'ejcattu,
	arukukai ...................................... manRa
	kurutiyoTu tuyalvaru mArpin
	muyakkiTai IyAtu moyttana, parun'tE.

289

	Irac cevvi utavinaAyinum,
	pal eruttuLLum n'al erutu n'Okki,
	vIRu vIRu Ayum uzavan pOla,
	pITu peRu tol kuTip pATu pala tAgkiya
5	mUtilALaruLLum, kAtalin
	tanakku mukan'tu En'tiya pacum pon maNTai,
	'ivaRku Ika!' ennum; atuvum anRicinE;
	kETTiyO vAzi pANa! pAcaRai,
	'pUk kOL inRu' enRu aRaiyum
10	maTi vAyt taNNumai izicinan kuralE?

290

	ivaRku Ittu uNmati, kaLLE; cinap pOr
	inak kaLiRRu yAnai, iyal tErk kurucil!
	n'un'tai tan'taikku ivan tan'tai tan'tai,
	eTuttu eRi jATpin imaiyAn, taccan
5	aTuttu eRi kuRaTTin, n'inRu mAyn'tananE;
	maRap pukaz n'iRain'ta main'tinOn ivanum,
	uRaippuzi Olai pOla,
	maRaikkuvan peruma! n'iR kuRittu varu vElE.