cEramAn pAmuLUreRin'ta n'eytalagkAnal iLajcETcenni

203
'kazin'tatu pozin'tu' ena vAn kaNmARinum,
'tollatu viLain'tu' ena n'ilam vaLam karappinum,
ellA uyirkkum illAl, vAzkkai;
'innum tam' ena emmanOr irappin,
5
'munnum koNTir' ena, n'ummanOr maRuttal
innAtu amma; iyal tEr aNNal!
illatu n'irappal ARRAtOrinum,
uLLi varun'ar n'acai izappOrE;
anaiyaiyum allai, n'IyE; onnAr
10
Ar eyil avarkaTTAkavum, 'n'umatu' enap
pAN kaTan iRukkum vaLLiyOy!
pUN kaTan, en'tai! n'I iravalarp puravE.

tiNaiyum tuRaiyum avai.
cEramAn pAmuLUr eRin'ta n'eytalagkAnal iLaj cETcenniyai Un poti pacugkuTaiyAr pATiyatu.