pAN pATTu

260
vaLarat toTinum, vauvupu tirin'tu,
viLari uRutarum tIm toTai n'inaiyA,
taLarum n'ejcam talaii, manaiyOL
uLarum kUn'tal n'Okki, kaLara
5
kaLLi n'Izal kaTavuL vAztti,
paci paTu marugkulai, kacipu, kaitozAa,
'kANalenkol?' ena vinavinai varUum
pANa! kENmati, yANaratu n'ilaiyE:
puravut toTuttu uNkuvaiAyinum, iravu ezun'tu
10
evvam koLkuvaiAyinum, iraNTum,
kaiyuL pOlum; kaTitu aNmaiyavE
mun Urp pUcalin tOnRi, tan Ur
n'eTu n'irai tazIiya mILiyALar
viTu kaNai n'Ittam tuTi puNai Aka,
15
venRi tan'tu, konRu kOL viTuttu,
vaiyakam pulampa vaLaiiya pAmpin
vai eyiRRu uyn'ta matiyin, maRavar
kaiyakattu uyn'ta kanRuTaip pal An
n'iraiyoTu van'ta uraiyan Aki,
20
uri kaLai aravam mAna, tAnE
aritu cel ulakil cenRanan; uTampE,
kAnac ciRRiyARRu arug karaik kAl uRRu,
kampamoTu tuLagkiya ilakkam pOla,
ampoTu tuLagki ANTu ozin'tanRE;
25
uyar icai veRuppat tOnRiya peyarE,
maTamcAl majjai aNi mayir cUTTi,
iTam piRar koLLAc ciRu vazi,
paTam cey pan'tark kal micaiyatuvE.

tiNai atu; tuRai kaiyaRu n'ilai; pANpATTum Am.
......................vaTamOtag kizAr pATiyatu.

284
'varukatil vallE; varukatil val' ena,
vEn'tu viTu vizut tUtu Agku Agku icaippa,
n'Ulari mAlai cUTi, kAlin,
tamiyan van'ta mUtilALan
5
aruj camam tAgki, mun n'inRu eRin'ta
oru kai irum piNattu eyiRu miRaiyAkat
tirin'ta vAy vAL tiruttA,
tanakku irin'tAnaip peyar puRam n'akumE.

tiNaiyum tuRaiyum avai.
OrampOkiyAr pATiyatu.

311
kaLarp paTu kUval tONTi, n'ALum,
pulaitti kazIiya tU veL aRuvai.
tAtu eru maRukin mAcuNa irun'tu,
palar kuRai ceyta malar tAr aNNaRku
5
oruvarum illai mAtO, ceruvattu;
ciRappuTaic ceg kaN pukaiya, Or
tOl koNTu maRaikkum cAlpu uTaiyOnE.

tiNai atu; tuRai pANpATTu.
auvaiyAr pATiyatu.