poruN mozik kAjci |
5 |
erumai anna karug kal iTai tORu, |
|
Anin parakkum yAnaiya, munpin, |
|
kAnaka n'ATanai! n'IyO, peruma! |
|
n'I Or Akalin, n'in onRu mozival: |
|
5 |
aruLum anpum n'Ikki, n'IgkA |
n'irayam koLpavaroTu onRAtu, kAval, |
|
kuzavi koLpavarin, Ompumati! |
|
aLitO tAnE; atu peRal arug kuraittE. |
|
tiNai pATANtiNai; tuRai ceviyaRivuRUu; poruNmozik kAjciyum Am. | |
cEramAn karuvUr ERiya oL vAT kOp perujcEral irumpoRaiyaik kaNTa jAnRu, n'in uTampu peRuvAyAka!' ena, avanaic cenRu kaNTu, tam uTampu peRRu n'inRa n'ariverUuttalaiyAr pATiyatu. |
24 |
n'el ariyum irun' tozuvar |
|
cej jAyiRRu veyil munaiyin, |
|
teN kaTal tirai micaip pAyun'tu; |
|
tiN timil van paratavar |
|
5 |
veppu uTaiya maTTu uNTu, |
taN kuravaic cIr tUgkun'tu; |
|
tUval kalitta tEm pAy punnai |
|
mel iNark kaNNi milain'ta main'tar |
|
el vaLai makaLirt talaik kai tarUun'tu; |
|
10 |
vaNTu paTa malarn'ta taN n'aRug kAnal |
muNTakak kOtai oN toTi makaLir |
|
irum panaiyin kurumpai n'Irum, |
|
pUg karumpin tIm cARum, |
|
Ogku maNal kuvavut tAzait |
|
15 |
tIm n'IroTu uTan virAay, |
mun' n'Ir uNTu mun'n'Irp pAyum; |
|
tAgkA uRaiyuL n'al Ur kezIiya |
|
OmpA Ikai mA vEL evvi |
|
punal am putavin mizalaiyoTu kazanik |
|
20 |
kayal Ar n'Arai pOrvil cEkkum, |
pon aNi yAnait tol mutir vELir, |
|
kuppai n'ellin, muttURu tan'ta |
|
koRRa n'IL kuTai, koTit tErc ceziya! |
|
n'inRu n'ilaiiyar n'in n'ALmIn; n'illAtu |
|
25 |
paTAac celIiyar, n'in pakaivar mInE |
n'innoTu, tonRu mUtta uyirinum, uyiroTu |
|
n'inRu mUtta yAkkai anna, n'in |
|
ATu kuTi mUtta vizut tiNaic ciRan'ta |
|
vALin vAzn'ar tAL valam vAztta, |
|
30 |
iraval mAkkaL Ikai n'uvala, |
oN toTi makaLir polagkalattu En'tiya |
|
taN kamaz tERal maTuppa, makiz ciRan'tu, |
|
Agku initu ozukumati, peruma! 'Agku atu |
|
vallun'ar vAzn'tOr' enpa tol icai, |
|
35 |
malar talai ulakattut tOnRi, |
palar, celac cellAtu, n'inRu viLin'tOrE. |
|
tiNai potuviyal; tuRai poruNmozik kAjci. | |
avanai mAgkuTi kizAr pATiyatu. |
75 |
'mUttOr mUttOrk kURRam uyttena, |
|
pAl tara van'ta paza viRal tAyam |
|
eytinam Ayin, eytinam ciRappu' enak |
|
kuTi puravu irakkum kUr il ANmaic |
|
5 |
ciRiyOn peRin, atu ciRan'tanRu mannE; |
maNTu amar parikkum matan uTai n'On tAL |
|
vizumiyOn peRukuvanAyin, tAz n'Ir |
|
aRu kayamarugkin ciRu kOl veN kiTai |
|
enRUz vATu vaRal pOla, n'anRum |
|
10 |
n'oytAl amma tAnE mai aRRu, |
vicumpuRa Ogkiya veN kuTai, |
|
muracu kezu vEn'tar aracu kezu tiruvE. |
|
tiNai atu; tuRai poruNmozik kAjci. | |
cOzan n'alagkiLLi pATTu. |
121 |
oru ticai oruvanai uLLi, n'Al ticaip |
|
palarum varuvar, paricil mAkkaL; |
|
varicai aRitalO aritE; peritum |
|
Ital eLitE; mA vaN tOnRal! |
|
5 |
atu n'aRku aRin'tanaiAyin, |
potu n'Okku ozimati, pulavar mATTE! |
|
tiNai atu; tuRai poruN mozik kAjci. | |
malaiyamAn tirumuTikkAriyaik kapilar pATiyatu. |
182 |
uNTAl amma, iv ulakam in'tirar |
|
amiztam iyaivatuAyinum, 'initu' enat |
|
tamiyar uNTalum ilarE; munivu ilar; |
|
tujcalum ilar; piRar ajcuvatu ajci, |
|
5 |
pukaz enin, uyirum koTukkuvar, pazi enin, |
ulakuTan peRinum, koLLalar; ayarvilar; |
|
anna mATci anaiyar Aki, |
|
tamakku ena muyalA n'On tAL, |
|
piRarkku ena muyalun'ar uNmaiyAnE. |
|
tiNai potuviyal; tuRai poruNmozik kAjci. | |
kaTaluL mAyn'ta iLam peruvazuti pATTu. |
183 |
uRRuzi utaviyum, uRu poruL koTuttum, |
|
piRRai n'ilai muniyAtu, kaRRal n'anRE; |
|
piRappu Oranna uTanvayiRRuLLum, |
|
ciRappin pAlAl, tAyum manam tiriyum; |
|
5 |
oru kuTip piRan'ta pallOruLLum, |
'mUttOn varuka' ennAtu, avaruL |
|
aRivuTaiyOn ARu aracum cellum; |
|
vERRumai terin'ta n'ARpAluLLum, |
|
kIzppAl oruvan kaRpin, |
|
10 |
mERpAl oruvanum avankaN paTumE. |
tiNaiyum tuRaiyum avai. | |
pANTiyan Ariyap paTai kaTan'ta n'eTujceziyan pATTu. |
185 |
kAl pAr kOttu, jAlattu iyakkum |
|
kAvaR cAkATu kaippOn mANin, |
|
URu inRAki ARu initu paTumE; |
|
uyttal tERRAnAyin, vaikalum, |
|
5 |
pakaik kUz aLLaR paTTu, |
mikap pal tI n'Oy talaittalait tarumE. |
|
tiNai potuviyal; tuRai poruNmozik kAjci. | |
toNTaimAn iLan'tiraiyan pATTu. |
186 |
n'ellum uyir anRE; n'Irum uyir anRE; |
|
mannan uyirttE malar talai ulakam: |
|
atanAl, yAn uyir enpatu aRikai |
|
vEl miku tAnai vEn'taRkuk kaTanE. |
|
tiNaiyum tuRaiyum avai. | |
mOcikIranAr pATiyatu. |
187 |
n'ATA konRO; kATA konRO; |
|
avalA konRO; micaiyA konRO; |
|
ev vazi n'allavar ATavar, |
|
av vazi n'allai; vAziya n'ilanE! |
|
tiNaiyum tuRaiyum avai. | |
auvaiyAr pATiyatu. |
188 |
paTaippup pala paTaittup palarOTu uNNum |
|
uTaip peruj celvar Ayinum, iTaip paTak |
|
kuRukuRu n'aTan'tu, ciRu kai n'ITTi, |
|
iTTum, toTTum, kavviyum, tuzan'tum, |
|
5 |
n'eyyuTai aTicil mey paTa vitirttum, |
mayakkuRu makkaLai illOrkkup |
|
payak kuRai illai tAm vAzu n'ALE. |
|
tiNaiyum tuRaiyum avai. | |
pANTiyan aRivuTai n'ampi pATTu. |
189 |
teN kaTal vaLAkam potumai inRi |
|
veN kuTai n'izaRRiya orumaiyOrkkum, |
|
n'aTu n'AL yAmattum pakalum tujcAn |
|
kaTu mAp pArkkum kallA oruvaRkum, |
|
5 |
uNpatu n'Azi; uTuppavai iraNTE; |
piRavum ellAm Or okkumE; |
|
celvattup payanE Ital; |
|
tuyppEm eninE, tappun'a palavE. |
|
tiNaiyum tuRaiyum avai. | |
maturaik kaNakkAyanAr makanAr n'akkIranAr pATiyatu. |
190 |
viLai patac cIRiTam n'Okki, vaLai katir |
|
valci koNTu, aLai malka vaikkum |
|
eli muyanRanaiyar Aki, uLLa tam |
|
vaLan valiyuRukkum uLam ilALaroTu |
|
5 |
iyain'ta kENmai illAkiyarO! |
kaTug kaN kEzal iTam paTa vIzn'tena, |
|
anRu avaN uNNAtAki, vazi n'AL, |
|
peru malai viTarakam pulampa, vETTu ezun'tu, |
|
irug kaLiRRu oruttal n'al valam paTukkum |
|
10 |
puli pacittanna melivu il uLLattu |
uranuTaiyALar kENmaiyoTu |
|
iyain'ta vaikal uLa AkiyarO! |
|
tiNaiyum tuRaiyum avai. | |
cOzan n'alluruttiran pATTu. |
191 |
'yANTu pala Aka, n'arai ila Akutal |
|
yAgku Akiyar?' ena vinavutir Ayin, |
|
mANTa en manaiviyoTu, makkaLum n'irampinar; |
|
yAn kaNTanaiyar en iLaiyarum; vEn'tanum |
|
5 |
allavai ceyyAn, kAkkum; atantalai |
AnRu avin'tu aTagkiya koLkaic |
|
cAnROr palar, yAn vAzum UrE. |
|
tiNaiyum tuRaiyum avai. | |
kOpperujcOzan vaTakkirun'tAnuzaic cenRa picirAn'taiyArai,'kETkum kAlam palavAlO? n'arai n'umakku illaiyAlO?' enRa cAnROrkku avar coRRatu. |
192 |
yAtum UrE; yAvarum kELir; |
|
tItum n'anRum piRar tara vArA; |
|
n'Otalum taNitalum avaRROranna; |
|
cAtalum putuvatu anRE; vAztal |
|
5 |
initu ena makizn'tanRum ilamE; munivin, |
innAtu enRalum ilamE; 'minnoTu |
|
vAnam taN tuLi talai i, AnAtu |
|
kal porutu iragkum mallal pEr yARRu |
|
n'Ir vazippaTUum puNai pOl, Ar uyir |
|
10 |
muRai vazippaTUum' enpatu tiRavOr |
kATciyin teLin'tanam Akalin, mATciyin |
|
periyOrai viyattalum ilamE; |
|
ciRiyOrai ikaztal ataninum ilamE. |
|
tiNaiyum tuRaiyum avai. | |
kaNiyan pUgkunRan pATTu. |
193 |
ataL eRin'tanna n'eTu veN kaLarin |
|
oruvan ATTum pulvAy pOla, |
|
OTi uytalum kUTumman; |
|
okkal vAzkkai taTkummA kAlE. |
|
tiNaiyum tuRaiyum avai. | |
OrEruzavar pATTu. |
195 |
pal cAnRIrE! pal cAnRIrE! |
|
kayal muL anna n'arai mutir tirai kavuL, |
|
payan il mUppin, pal cAnRIrE! |
|
kaNiccik kUrm paTaik kaTun' tiRal oruvan |
|
5 |
piNikkum kAlai, iragkuvir mAtO; |
n'allatu ceytal ARRIr Ayinum, |
|
allatu ceytal Ompumin; atutAn |
|
ellArum uvappatu; anRiyum, |
|
n'al ARRup paTUum n'eRiyummAr atuvE. |
|
tiNai atu; tuRai poruN mozik kAjci. | |
n'ariverUuttalaiyAr pATiyatu. |
214 |
'ceykuvamkollO, n'alvinai?' enavE |
|
aiyam aRAar, kacaTu INTu kATci |
|
n'IgkA n'ejcattut tuNivu illOrE; |
|
yAnai vETTuvan yAnaiyum peRumE; |
|
5 |
kuRumpUz vETTuvan vaRug kaiyum varumE: |
atanAl, uyarn'ta vETTattu uyarn'ticinOrkku, |
|
ceyvinai marugkin eytal uNTu enin, |
|
toyyA ulakattu n'ukarcciyum kUTum; |
|
toyyA ulakattu n'ukarcci il enin, |
|
10 |
mARip piRappin inmaiyum kUTum; |
mARip piRavAr Ayinum, imayattuk |
|
kOTu uyarn'tanna tam icai n'aTTu, |
|
tItu il yAkkaiyoTu mAytal tavat talaiyE. |
|
tiNai potuviyal; tuRai poruNmozik kAjci. | |
avan vaTakkirun'tAn coRRatu. |