(133) மெல்லியல் விறலிநீ நல்லிசை செவியிற்
கேட்பி னல்லது காண்பறி யலையே
காண்டல் வேண்டினை யாயின் மாண்டநின்
விரைவளர் கூந்தல் வரைவளி யுளரக்
கலவ மஞ்ஞையிற் காண்வர வியலி
மாரி யன்ன வண்மைத்
தேர்வே ளாயைக் காணிய சென்மே. 

திணை - அது; துறை - விறலியாற்றுப்படை. (பாடாண்டிணை) 

அவனை அவர் பாடியது. 

(இ-ள்.)  மெல்லிய   இயல்பினையுடைய   விறலி!  நீ  நல்லபுகழைச்
செவியாற் கேட்பினல்லது அவன்வடிவைக் காண்டலறியாய்; காண்டலை
விரும்பினாயாயின், மாட்சிமைப்பட்ட நினது மணம்வளரும் கூந்தலிலே
வரையிடத்துக்   காற்று  வந்தசைப்பப்  பீலியையுடைய  மயில்போலக்
காட்சி    உண்டாக    நடந்து    மழைபோன்ற  வண்மையையுடைய
தேரினையுடைய வேள் ஆயைக் காணச் செல்வாயாக-எ - று. 

'விரைவளர்   கூந்தல்   வரைவளி  யுளர'  என்றது,  'கொண்டைமேற்
காற்றடிக்க' என்பதொரு வழக்குப்பற்றி நின்றது, 

என்றதனாற் பயன் : பிறிதொன்றால் இடையூறில்லையென்பதாம். 

ஆய்   மாரியன்ன   வண்மையனாதலின்,   விறலியை  அம்மாரியைக்
கண்ட மயில்போலக் களித்துச்