401.	மன்னவ நின்மகன் மரிசி மாற்றிடைப் பொன்னவிர் போதன முடைய பூங்கழல் கொன்னவில் வேலவன் குலத்துட் டோன்றினால் அன்னவன் கேசவர்க் காதி யாகுமே.
402.	கேசவ னார்திறங் கிளப்பின் வெண்மலை காசறு வனப்பினோர் கன்னி யேதுவா ஆசற வச்சுவக் கிரீவ னாவியும் தேசறு திகிரியுஞ் செல்வன் வௌவுமே.
403.	தேரணி கடற்படைத் திவிட்டன் சென்றுபின் ஆரணி யறக்கதி ராழி நாதனாம் பாரணி பெரும்புகழ்ப் பரத வென்றனன் சீரணி திருமொழித் தெய்வத் தேவனே.
404.	ஆதியு மந்தமு நடுவு நம்மதே ஓதநீ ருலகுடை யுரிமை யென்றரோ காதுவே லரசர்கோக் களிப்புற் றானிது போதுசே ரலங்கலாய் புராண நீர்மையே.
405.	அன்னணம் புராணநூ லகத்துத் தோன்றிய கன்னவி லிலங்குதோட் காளை யானவன் மின்னவிர் விசும்பினின் றிழிந்து வீங்குநீர் மன்னிய வரைப்பக மலிரத் தோன்றினான்.
406.	திருவமை சுரமைநா டணிந்து செம்பொனால் பொருவரு போதன முடைய பூங்கழல் செருவமர் தோளினான் சிறுவ ராகிய இருவரு ளிளையவ னீண்டந் நம்பியே.