1. மெல்லொற்று ஈறுகள் வேற்றுமையில் னகார ஈறு
333.	னகார இறுதி வல்லெழுத் தியையின் றகார மாகும் வேற்றுமைப் பொருட்கே.

இஃது, னகார ஈற்று வேற்றுமை முடிபு கூறுதல் நுதலிற்று. (இ-ள்) னகார இறுதி வல்லெழுத்து இயையின் - னகார வீற்றுப்பெயர் வல்லெழுத்து முதன்மொழி வருமொழியாய் வந்து இயையின், றகாரம் ஆகும் வேற்றுமைப் பொருட்கு - றகாரம் ஆகும் வேற்றுமைப் பொருட்புணர்ச்சிக்கண். எ - டு :பொற்குடம் ; சாடி ; தூதை , பானை என வரும். (37)