என்பது மேல் தலைவற்குரிய கிளவி கூறி இனித் தலைவிக்குரிய கிளவி கூறுகின்றாராகலின் முற்பட அவள் தலைவனைக் கண்ணுற்ற வழி வரும் இலக்கணம் உணர்த்துதல் நுதலிற்று.

தலைவியிடத்து நிலைமைபெற்று வருகின்ற நாணமும் மடனும் பெண்மைக்கு அங்கமாகலின் , காமவொழுக்கத்தின்கண் குறிப்பினானும் இடத்தினானுமல்லது வேட்கை புலப்பட நிகழாது தலைவியிடத்து என்றவாறு.

காமத்திணை என்பதனைக் குறிப்பென்பதற்கு முன்னே கூட்டியுரைக்க. அச்சமும் இயல்பன்றோவெனின் , அதுவும் வேட்கைக் குறிப்பினான் நீங்குமென்ப. அச்சமுள்வழிவேட்கை நிகழாமையின் வேட்கையுள் வழி நாணும் மடனும் நீங்காவோ எனின் , அது வருகின்ற சூத்திரத்தாற் கூறுப, இதனாற் சொல்லியது தலைவி தலைவனை எதிர்ப்பட்டு முன்னிலையாக்கல் முதலாகத் தலைவன்மாட்டு நிகழ்ந்தமைபோலத் தலைவிமாட்டு நிகழ்பவை உளவோவெனின் , அவள் மாட்டுக் குறிப்பினானாதல் , சொல்லுதற்குத் தக்க விடத்தினானாதல் தோற்றுவதல்லது , புலப்பட்டு நிகழாதென்றவாறாயிற்று.

"உண்டார்கண் அல்ல தடுநறாக் காமம்போற்
கண்டார் மகிழ்செய்தல் இன்று"

என்றது தலைவனைக் கண்ட தலைவி வேட்கைக் குறிப்பினால் தன்னுளேன் கருதியது.

இடம் பற்றி வேட்கை தோற்றியதற்குச் செய்யுள்:-

"... ... ... ... ... ... ...
நெடுங்கொடி நுடங்கும் நாவாய் தோன்றுவ
காணா மோவெனக் காலிற் சிதையா²
நில்லாது பெயர்ந்த பல்லோ ருள்ளும்
என்னே³ குறித்த நோக்கமொடு நன்னுதால்⁴
ஒழிகோ யானென அழிதகக் கூறி
யான் பெயர்க என்ன⁵ நோக்கித் தான்தன்
நெடுந்தேர்க் கொடிஞ்சி பற்றி
நின்றோன் போலும் இன்றும்என் கட்கே".

எனத் தன் குறிப்புக் காலத்தாற் கூறுதலாற்றாது பின் இடம் பெற்றுழிக் கூறியவாறு காண்க.

1. ஆதலின்.

2. சிதைய.

3. என்னையே.

4. நன்னுதல்.

5. தோறு.