எனவே பாங்கனால் இடந்தலைப்படலும் பாங்கி இடை நின்று
கூட்டுதலுமாகிய பாங்கர்கூட்டம் நிகழாமலேயே இடந்தலைப் பாட்டின்பின்
வரைந்து கோடலும் உண்டென்பது இதனாற் புலப்படும்.
|
| சூ. 122 : | அவன்வரம் பிறத்தல் அறந்தனக் கின்மையின் |
| களஞ்சுட்டுக் கிளவி கிழவிய தாகும் |
| தான்செலற் குரியவழி யாக லான |
| | |
க - து :
| தாமே தூதுவராகுமிடத்துத் தலைவிக்குரியதோர் இலக்கணம்
கூறுகின்றது.
|
பொருள் :தலைவன் உறையும் எல்லைக்கண் சென்று சேர்தல்
களவின்கண் தலைவிக்கு அறநெறியின்மையான் கூட்டத்திற்குரிய களம்
(குறியிடம்) குறித்துக் கூறுதல் தலைவியின்கண்ணதாகும். காரணம்
அக்களம் தான் செல்லுதற்குப் பயின்றமைந்த வழி ஆகலான்.
|
"விரியிணர் வேங்கை" என்னும் அகப்பாட்டுள் "கூஉம் கண்ணதுஎம்
ஊர்என ஆங்கதை அறிவுறல் மறந்திசின் யானே" எனக் களஞ்சுட்டும்
தன் உரிமையைப் புலப்படுத்தியவாறு கண்டுகொள்க.
|
சூ. 123 : | தோழியின் முடியும் இடனுமா ருண்டே |
| (31)
|
க - து :
| களஞ்சுட்டுதல் தோழிக்கு முரித்தாகும் என்கின்றது.
|
பொருள் : தாமே தூதுவராம் நிலை கடந்த தோழியிற் புணர்வின்கண்
களஞ்சுட்டுதல் தோழியின் முடிதலும் உண்டு.
|
இடம் என்றது பாங்கியாற் கூடும் கூட்டத்தை உணர்த்தி நின்றது.
உம்மையான் தோழியிற் புணர்வின்கண்ணும் தலைவி இடஞ்சுட்டுதல்
உண்டென்பது பெறப்படும்.
|
எ - டு :
| "செவ்வீ ஞாழற் கருங்கோட் டிருஞ்சினை"
|
என்னும் அகப்பாட்டினுள் (240) . . . . வண்டுபட
|
| விரிந்த செருந்தி வெண்மணல் முடுக்கர்ப் |
| பூவேய் புன்னையந் தண்பொழில் |
| வாவே தெய்ய மணந்தனை செலற்கே;
|
எனத்தோழி களஞ்சுட்டியவாறு காண்க. |